Wednesday, May 4, 2016

နိုင်ငံရေးအကြပ်အတည်းဖြစ်အောင် ပုံဖေါ်နေကြောင်းပြော

ဒုတိယဗိုလ်ချုပ်ကြီးစိန်ဝင်း အမျိုးသားလွှတ်တော်မှာ မေလ ၄ ရက်နေ့က အရေးကြီးအဆို တင်သွင်းနေစဉ်။ Photo: RFA

နိုင်ငံရေးအကြပ်အတည်းဖြစ်အောင် ပုံဖေါ်နေကြောင်းပြော

AA လက်နက်ကိုင်အဖွဲ့ဟာ ၂၀၁၅ ခုနှစ်က စတင်တိုက်ခိုက်ခဲ့တာဖြစ်ပြီး အခုသမ္မတကြီး ဦးထင်ကျော် လက်ထက်မှာ ဆန္ဒဖေါ်ထုတ်ခြင်း ၊ အရေးကြီးအဆိုတင်သွင်းခြင်းတို့ဟာ နိုင်ငံရေး အကြပ်အတည်း ဖြစ်ပေါ်အောင် ပုံဖေါ်ဖန်တီးရာ ရောက်နေကြောင်း ကာကွယ်ရေးဝန်ကြီး ဒုတိယဗိုလ်ချုပ်ကြီး စိန်ဝင်းက ပြောပါတယ်။

အမျိုးသားလွှတ်တော်ကိုယ်စားလှယ် ဦးဝေစိန်အောင်က AA အဖွဲ့နဲ့ အစိုးရ တပ်မတော်တို့ ဖြစ်နေတဲ့ တိုက်ပွဲတွေ အမြန်ဆုံးရပ်စဲပြီး နိုင်ငံရေးဆွေးနွေးပွဲကို ဖိတ်ခေါ်ဖို့ အမျိုးသားလွှတ်တော်မှာ အရေးကြီး အဆိုတင်ထားတဲ့အပေါ် ဒီကနေ့ ဝန်ကြီး ဒုတိယဗိုလ်ချုပ်ကြီးစိန်ဝင်းက ဆွေးနွေးခဲ့တာဖြစ်ပါတယ်။

ဒီမိုကရေစီစနစ်ကို လစ်လျူရှုပြီး နိုင်ငံတော်ကို လက်နက်ကိုင်တိုက်နေတဲ့ အဖွဲ့အစည်းမျိုးကို လွှတ်တော်ကိုယ်စားလှယ်တွေ အနေနဲ့ အသိအမှတ် ပြုနေမယ် ဆိုရင် ပြည်ထောင်စုသမ္မတ မြန်မာနိုင်ငံတော်ရဲ့ အနာဂတ်အရေးဟာ ရင်လေးဖွယ်ရာ အခြေအနေ ဖြစ်လာနိုင်ပါတယ်လို့လည်း ကာကွယ်ရေး ၀န်ကြီးက ပြောပါတယ်။

တပ်မတော်သားကိုယ်စားလှယ်တွေကလည်း ရခိုင်ပြည်နယ်မှာ တကြော့ပြန် ဖြစ်နေတဲ့ တိုက်ပွဲတွေဟာ အစိုးရတပ်မတော်က စတင်တိုက်ခိုက်တာ မဟုတ်ကြောင်းနဲ့ တိုက်ပွဲတွေ ရပ်စဲရေးဟာ တပ်မတော်အပေါ်မှာ မူတည်တာ မဟုတ်ဘဲ AA အဖွဲ့အပေါ်မှာ မူတည်ကြောင်း ဆွေးနွေးကြပါတယ်။

အဲဒီအရေးကြီးအဆိုကို တပ်မတော်သားကိုယ်စားလှယ် ၃ ဦးနဲ့ အန်အယ်လ်ဒီပါတီ ကိုယ်စားလှယ် ၁ ဦးက ဆွေးနွေးခဲ့ကြပြီး အဆိုကို မှတ်တမ်းတင်ဖို့ သင့်၊ မသင့်ကို လျှိူ့ဝှက်မဲခွဲဆုံးဖြတ်ရာ ထောက်ခံသူများတာကြောင့် အဆိုကို မှတ်တမ်းတင်လိုက်ပါတယ်။
RFA Burmese

0 comments:

Post a Comment