Wednesday, February 10, 2016

အထူးရဲတပ်ဖွဲ့တွေနဲ့ ဒေါ်စုကိုလုံခြုံရေးပေးနေ

အထူးရဲတပ်ဖွဲ့ဝင်တွေက အဝေးကနေ လုံခြုံရေး စောင့်ကြည့် ပေးနေတယ်လို့ဆို
ဒေါ်အောင်ဆန်း စုကြည်ရဲ့ လုံခြုံရေးကို အထူးရဲတပ်ဖွဲ့ဝင်တွေနဲ့ စောင့်ရှောက် ပေးနေပြီလို့ မြန်မာနိုင်ငံ ရဲတပ်ဖွဲ့ရဲ့ အဆင့်မြင့် အရာရှိကြီးတစ်ယောက် ဘီဘီစီ ကို အတည်ပြု ပြောပါတယ်။

ရဲမှူးကြီး သန်းဝင်း ခေါင်းဆောင်တဲ့ အထူးတပ်ဖွဲ့က တာဝန်ယူထားပြီး အစိုးရအဖွဲ့ တာဝန်တွေ လွှဲပြောင်းယူ ပြီးရင်လည်း ဒေါ်အောင်ဆန်း စုကြည်ကို သူရာထူးနဲ့ ဆီလျော်တဲ့ လုံခြုံရေး အဆင့်တွေ တိုးပေးသွားဖို့ ရှိတယ်လို့ သူက ပြောပါတယ်။

ဒေါ်အောင်ဆန်း စုကြည်ရဲ့ လုံခြုံရေးကို နေအိမ်မှာ သူ့ အစီအစဉ်နဲ့ သူ ယူထားတာ ဖြစ်ပြီး ရဲတပ်ဖွဲ့ကတော့ အဝေးက စောင့်ကြည့် လုံခြုံရေး ယူပေးတယ်လို့ သူက ဆိုပါတယ်။

ပြီးခဲ့တဲ့ သီတင်းပတ်က ဒေါ်အောင်ဆန်း စုကြည်ကို လုပ်ကြံမယ်လို့ အွန်လိုင်းပေါ်မှာ လူငယ်တစ်ယောက် ကခြိမ်း ခြောက်ခဲ့ပြီးတဲနောက်ပိုင်းမှာ ဒေါ်အောင်ဆန်း စုကြည်ကို လုံခြုံရေးကို စတင်စောင့်ရှောက်ပေး နေတာလည်း ဖြစ်ပါတယ်။

ဒေါ်အောင်ဆန်းစုကြည်လို အထင်ကရ ပုဂ္ဂိုလ်မျိုးကို အထိအရှ မခံနိုင်ကြောင်းနဲ့ သူတို့ လုပ်ရမယ့် အလုပ်လို့ ခံယူထားတဲ့ အတွက် လုံခြုံရေး စောင့်ရှောက်မှု ပေးတာလို့ အဲဒီ ရဲတပ်ဖွဲ့ အဆင့်မြင့် အရာရှိကြီးက ပြောပါတယ်။

ပြီးခဲ့တဲ့ ၂၀၁၅ ရွေးကောက်ပွဲမှာ NLD ပါတီ အနိုင်ရပြီး အာဏာလွှဲပြောင်းဖို့ လုပ်နေချိန်မှာ ဒေါ်အောင်ဆန်း စုကြည်ကို အခုလို ခြိမ်းခြောက်မှုတွေရှိလာခဲ့တာ ဖြစ်ပါတယ်။

အခု လုံခြုံရေး တာဝန်ယူ ပေးနေတဲ့ ရဲတပ်ဖွဲဝင်တွေဟာ အများမြင်နေကျ ရဲတပ်ဖွဲ့ ဝတ်စုံနဲ့ မဟုတ်ဘဲ သီးခြား အရောင်ရင့် ဝတ်စုံတွေနဲ့ ဖြစ်တယ်လို့ မြန်မာနိုင်ငံ ရဲတပ်ဖွဲ တာဝန်ရှိသူတွေက ပြောကြပါတယ်။
BBC Burmese

0 comments:

Post a Comment