Saturday, January 23, 2016

ကာချုပ်နဲ့ NLD ဥက္ကဌတို့ တွေ့ဆုံဦးမယ်

လာမယ့် ဇန်နဝါရီလ ၂၅ ရက် တနင်္လာ နေ့မှာ ကာကွယ်ရေး ဦးစီးချုပ် ဗိုလ်ချုပ်မှုးကြီး မင်းအောင်လှိုင် နဲ့ အမျိုးသား ဒီမိုကရေစီ အဖွဲ့ချုပ် NLD ပါတီ ဥက္ကဌ ဒေါ် အောင်ဆန်းစု ကြည်တို့ တွေ့ဆုံ ကြဖို့ ရှိနေတယ် ဆိုပြီး နှစ်ဘက် အသိုင်းဝိုင်း က ဘီဘီစီ ကို ပြောပါတယ်။

လွှတ်တော် အသစ် ပေါ်ပေါက် လာဖို့ သီတင်း တစ်ပတ်မျှသာလိုတော့တဲ့ အချိန်မှာ အစိုးရ စစ်တပ် အကြီးအကဲနဲ့ ရွေးကောက်ပွဲ အနိုင်ရပါတီ ခေါင်းဆောင်တို့ကြား အခုလို ထပ်မံ တွေ့ဆုံ လာပြန် ဦးမှာ ဖြစ်ပါတယ်။

ကာကွယ်ရေးဦး စီးချုပ် ရုံးမှာ တွေ့ဖို့ စီစဉ် ထားတယ် လို့ သိရတယ် ဆိုပြီး ဘီဘီစီ နေပြည်တော် သတင်း ထောက်က ဆိုပါတယ်။

လွှတ်တော် အသစ် စတင် တဲ့ အခါ လွှတ်တော် ဥက္ကဌ နေရာတွေ နဲ့ သမ္မတ နေရာအတွက် အဆိုပြု ရွေး ချယ်ခန့်အပ် ကြတာမျိုးတွေလို အရေးကြီးတဲ့ နိုင်ငံရေး ဆောင်ရွက်ချက် တွေ တကယ်တမ်းစတင် လာတော့ မှာ ဖြစ်တဲ့အတွက် အခုလို ကာကွယ်ရေး ဦးစီးချုပ်နဲ့ အနိုင်ရပါတီ ခေါင်းဆောင်တို့ ရွေးကောက်ပွဲ လွန် ကာလ ဒုတိယ အကြိမ်ထပ် တွေ့ လာမယ့် ဖြစ်ရပ်ဟာ ထူးခြားမှု ရှိပါတယ်။

လက်ရှိ အခြေအနေ အရတော့ လွှတ်တော်ထဲမှာ ကာကွယ်ရေး ဦးစီးချုပ်က စေလွှတ်တဲ့ တပ်မတော်သား ကိုယ်စားလှယ် တွေအတွက် နေရာသီးသန့် ပေးထားရသလို ကာလုံလို့ ခေါ်တဲ့ နိုင်ငံတော် ကာကွယ်ရေးနဲ့ လုံခြုံရေး ကောင်စီမှာလည်း ကာကွယ်ရေး ဦးစီးချုပ် ဘက်က နေရာအသာစီး ရထားတာ ဖြစ်ပါတယ်။
BBC Burmese

0 comments:

Post a Comment