Friday, January 22, 2016

လိပ်ကျွန်း လူသတ်မှု အယူခံ အချိန်တစ်လ တိုးရ

၆၃ မျက်နှာ ပါ သေဒဏ် စီရင်ချက် ကို အကောင်းဆုံး ဖြေရှင်း တုံ့ပြန် နိုင်ဖို့ အချိန် ထပ်မံ လိုအပ် ရတာ ဖြစ်။
ထိုင်း နိုင်ငံ တောင်ပိုင်း ကော်တောင်ကျွန်း ပေါ် ဗြိတိန် နိုင်ငံသား ၂ ဦး အသတ် ခံခဲ့ရမှုမှာ သေဒဏ် ချမှတ် ခံထားရတဲ့ မြန်မာ နိုင်ငံသားနှစ်ဦးကို စီရင်ချက်ချပြီး တစ်လအတွင်း အယူခံဝင်ရမယ်လို့ သတ်မှတ် ထား ခဲ့ပေမယ့် အခုတော့ အယူခံဝင်နိုင်တဲ့ နောက်ဆုံးရက် သတ်မှတ်ချက်ကို ထိုင်းတရားရုံးက နောက်ထပ် တစ်လ အချိန်တိုးပေး လိုက်ပါတယ်။

အယူခံမှာ တင်ပြမယ့် အချက်အလက်တွေ အပြည့်အစုံ ပြင်ဆင်နိုင်ဖို့ရာ ထိုင်းတရားရုံးကို ပြီးခဲ့တဲ့ ဗုဒ္ဓဟူးနေ့က လျှောက်ထားခဲ့တာမှာ အခုလို အချိန် တစ်လ ပိုရရှိ လာတာ ဖြစ်တယ်လို့ အယူခံတင် မယ့် ဇော်လင်းနဲ့ ဝင်းဇော်ထွန်း တို့ရဲ့ ရှေ့နေ အဖွဲ့နဲ့ ပူးပေါင်း ဆောင်ရွက်နေသူ ဦးစိန်ဌေးက ဘီဘီစီ ကို ပြောပါတယ်။

၆၃ မျက်နှာ ပါရှိတဲ့ သေဒဏ် စီရင်ချက် ကို အကောင်းဆုံး ဖြေရှင်း တုံ့ပြန် နိုင်ဖို့ အခုလို အချိန် ထပ်မံ လိုအပ် ရတာ ဖြစ်ပြီး၊ အချိန် တစ်လပိုရလာတဲ့အတွက် ဒီအဲန်အေ စမ်းစစ်ချက် အပါအဝင် မှုခင်းဆေးသိပ္ပံ ဆိုင်ရာ ကျွမ်းကျင်သူတွေနဲ့ ရှေ့နေအဖွဲ့ ပိုပြီးအချိန်ယူ ဆွေးနွေး တိုင်ပင်လာနိုင်မှာ ဖြစ်တယ်လို့လည်း ဦးစိန်ဌေးက ဆိုပါတယ်။

ကနဦး အယူခံ တစ်လ သတ်မှတ်ချက်ဟာ အခုလ ၂၄ ရက် နေ့ဆိုရင် ပြည့်ပြီဖြစ်ပြီး အခုတော့ နောက် ထပ် တစ်လ အချိန်ပို ရလာတာ ဖြစ်ပါတယ်။
BBC Burmese

0 comments:

Post a Comment