Monday, January 11, 2016

ပြည်ထောင်စု ငြိမ်းချမ်းရေး ညီလာခံ ဒီကနေ့ စမယ်

ဒီကနေ့ ဇန်နဝါရီ ၁၂ ရက် နေ့မှာ ပြည်ထောင်စု ငြိမ်းချမ်းရေး ညီလာခံ နေပြည်တော်မှာ စတင်ဖို့ရှိ နေပါတယ်။

ဒီ ညီလာခံမှာ တနိုင်ငံလုံး အပစ်ရပ် သဘောတူမှု စာချုပ် NCA ကို လက်မှတ်ရေး ထိုးထားတဲ့ တိုင်းရင်း သား လက်နက်ကိုင် အဖွဲ့ တွေ နဲ့ အစိုးရ စစ်တပ် အပါအဝင် အုပ်ချုပ်ရေးနဲ့ ဥပဒေပြု အာဏာပိုင် အဖွဲ့တွေ က ကိုယ်စားလှယ်တွေ၊ နိုင်ငံရေးပါတီက သူတွေနဲ့ ကျင်းပ ကြဖို့ စီစဉ် ထားပါတယ်။

ငြိမ်းချမ်းရေးညီလာခံကျင်းပမယ့် တစ်ရက်အလိုမှာပဲ အစိုးရ ကိုယ်စားလှယ် အနေနဲ့ ငြိမ်းချမ်းရေး ဆွေးနွေး မှုတွေ ဦးဆောင်ပြုလုပ်ခဲ့သူ တစ်ဦးဖြစ်တဲ့ ဝန်ကြီး ဦးအောင်မင်းကို တရုတ်နဲ့ ဂျပန်နိုင်ငံက အထူးကိုယ်စား လှယ်တွေ ရှေ့ဆင့် နောက်ဆင့် ဆိုသလိုပဲ သမ္မတ ရုံးမှာလာရောက်တွေ့ဆုံ ခဲ့ကြပါတယ်။

ညီလာခံမှာ မပါဝင်ပဲ ကျန်နေတဲ့ အဖွဲ့တွေကို ဘယ်လို ဘယ်ပုံ အပါခေါ်နိုင်မလဲဆိုတာတွေကို တရုတ် အထူးကိုယ်စားလှယ် ဆန်ကူချန်းက အကြံပြု ခဲ့တယ်ဆိုပြီး မြန်မာငြိမ်းချမ်းရေး စင်တာက ဦးအောင်နိုင်ဦး က ဘီဘီစီကို ပြောပါတယ်။

NCA လက်မှတ် မရေး ထိုးထားတဲ့ အဖွဲ့တွေ ဖြစ်တဲ့ ကချင် လက်နက်ကိုင် KIA၊ မွန်ပြည်သစ်ပါတီ၊ ရှမ်းပြည် တပ်မတော် မြောက်ပိုင်း SSPP အဖွဲ့၊ KNPP ကရင်နီ အဖွဲ့၊ UWSA ဝတပ်နဲ့ မိုင်းလားအဖွဲ့ စသဖြင့် ငြိမ်းချမ်းရေး ညီလာခံမှာ မပါဝင်ဖို့ ဆုံးဖြတ်ထားတဲ့ လက်နက်ကိုင် အဖွဲ့တွေလည်း အများအပြား ရှိနေပါတယ်။

ဒါ့အပြင် ကချင်၊ ရှမ်း နဲ့ ရခိုင်တို့လို့ တိုင်းရင်းသားနယ် မြေတွေမှာ တိုက်ပွဲတွေရှိနေခဲ့တဲ့ အတွက်မြန် မာ့ နိုင်ငံရေး လေ့လာသူတွေက အခု ကျင်းပမယ့် ညီလာခံကနေ စစ်မှန်တဲ့ ငြိမ်းချမ်းရေး ပေါ်ထွန်းနိုင် ပါ့မလားဆိုပြီး ဝေဖန်သုံးသပ် ထားမှုတွေလည်းရှိ နေပါတယ်။
BBC Burmese

0 comments:

Post a Comment