Friday, December 11, 2015

မြစ်ဆုံစီမံကိန်းမှာ ဆက်လက်ဆောင်ရွက်၍ မရနိုင်ကြောင်း တရုတ်ကုမ္ပဏီ CPI က ပိုမို သတိပြုမိလာနေသည်ဟု ဆို

တရုတ်ရင်းနှီးမြှုပ်နှံမှုများနှင့် ပတ်သက်၍ စိုးရိမ်မှုမှာ ဒေသတွင်း အခြားနိုင်ငံများထက် မြန်မာနိုင်ငံတွင် ပိုမိုမြင့်မားသည်။ မြန်မာနိုင်ငံတွင် တရုတ်ရင်းနှီးမြှုပ်နှံမှု ပမာဏ အမြင့်ဆုံးရှိခဲ့ချိန်က နိုင်ငံစီးပွားရေးတွင် အရေးပါသည့် အခန်းကဏ္ဍ ဖြစ်ခဲ့သည့်အပြင် အစိုးရအဖွဲ့ အတွင်း ခြစားမှုများ၊ ဒေသခံ လူထု၏အသံကို လျစ်လျူရှုမှုများ ၊ သဘာဝ ပတ်ဝန်းကျင် ပျက်စီးမှုများ ကျယ်ကျယ်ပြန့်ပြန့် ဖြစ်ပေါ်စေ ခဲ့သဖြင့် မြန်မာနိုင် ငံသည် တရုတ်၏ လက်အောက်ခံနိုင်ငံ တစ်ခု ဖြစ် လာနေသည်ဆိုသော ထင်မြင်ချက်များကို အားကောင်းစေခဲ့သည်။

၂၀၁၁ တွင် ပြည်သူလူထု၏ အပြင်းအထန် ကန့်ကွက်မှုကြောင့် သမ္မတ ဦးသိန်းစိန် အစိုးရသည် တရုတ်နိုင်ငံက ရင်းနှီးမြှုပ်နှံထားသည့် အငြင်းပွားဖွယ် မြစ်ဆုံရေကာတာ စီမံကိန်းကို ဆိုင်းငံ့ထားရန် ဆုံးဖြတ် ခဲ့သည်။ ထိုဆုံးဖြတ်ချက်က တရုတ်နိုင်ငံအတွက် မျက်နှာပျက်ဖွယ် ထိုးနှက်ချက်ဖြစ်ခဲ့သည်။

အမေရိကန်နိုင်ငံ စတင်ဆန်စင်တာ အရှေ့အာရှအစီအစဉ်မှ အကြီးတန်း ပညာရှင် တစ်ဦးဖြစ်သူ ဆန်ယန်က ဒေါ်အောင်ဆန်းစုကြည်နှင့် အစိုးရသစ် သည် ပြည်သူလူထုက ခိုင်မာသည့် လုပ်ပိုင် ခွင့် ပေးအပ်ထားသဖြင့် တိုင်းပြည် အကျိုးစီးပွားအတွက် အကောင်းဆုံး ဆုံးဖြတ်ချက်များ ချမှတ် ရာတွင် လက်ရှိအစိုးရထက် ပိုမို၍ အသက်ရှူချောင်ကာ လုပ်သာ ကိုင်သာ ရှိသည်ဟု South China Morning Post သတင်းစာကြီးကို ပြောကြားခဲ့သည်။

“ ဒေါ်အောင်ဆန်းစုကြည်မှာတော့ လူထုထောက်ခံမှုရှိတဲ့အတွက် တရုတ်-မြန်မာ ဆက်ဆံရေးကို ကိုင်တွယ်ရာမှာ ပိုပြီး လွတ်လပ်စွာ ဆောင်ရွက်နိုင်ပါတယ်” ဟု ဆန်ယန်က ပြောကြားသည်။

တရုတ်နိုင်ငံသည် မြန်မာနိုင်ငံ၏ အင်အားအကြီးဆုံး အိမ်နီးချင်းနှင့် အရေးပါသည့် စီးပွားရေးမိတ် ဖက်နိုင်ငံ ဖြစ်သဖြင့် နှစ်နိုင်ငံ ဆက်ဆံရေး တွင် နိုင်ငံရေးအရ ဈေးဆစ်နိုင်သည့် အင်အားကြီးကြီးမားမား ရှိသည်ဟု ယုံကြည်လျက်ရှိသည်။

သို့သော် တစ်ချိန်တည်းတွင် မြန်မာနိုင်ငံက အမေရိကန်နှင့် ပိုမိုနီးကပ် လာခြင်းကဲ့သို့ မူဝါဒ အပြောင်းအ လဲများအတွက် စိုးရိမ်လျက်ရှိသည်ဟု ဆန်ယန်ကဆိုသည်။

တရုတ်က မြန်မာမူဝါဒကို ပြန်လည်ချိန်ညှိခြင်းမပြုမီ လက်ပံတောင်းတောင် နှင့် မြစ်ဆုံ ကဲ့သို့ ပြသ၁နာများ ကို အစိုးရသစ်က မည်သို့ ကိုင်တွယ်သည်ကို စောင့်ကြည့်ဖွယ်ရှိသည်။

ပြည်သူလူထုက ပေးအပ်ထားသည့် လုပ်ပိုင်ခွင့်မှာ နှစ်ဖက်သွားဓား သဖွယ် ဖြစ်၍ တရုတ် ရင်းနှီးမြှုပ်နှံသူ များကို မြန်မာနိုင်ငံက ကြိုဆို ဆဲဖြစ်ကြောင်း ဆွဲဆောင်ရန်မှာ ရှုပ်ထွေးသည့် လုပ်ငန်းဖြစ်သည်။

“စစ်တပ်ဖြစ်ဖြစ်၊ အရပ်သားဖြစ်ဖြစ် ဘယ်လို မြန်မာ အစိုးရမှ တရုတ်ကို မဆန့်ကျင်လိုပါဘူး” ဟု ပြောကြား သည်။ “တစ်ချိန်တည်းမှာပဲ NLD ရဲ့ ရွေးကောက်ပွဲ ပြတ်ပြတ်သားသား အနိုင်ရမှု က မြန်မာပြည် သူတွေဟာ အရာအားလုံး ပြုပြင်ပြောင်းလဲချင်တယ် ဆိုတာ ရှင်းရှင်းလင်းလင်း ဖော်ပြလိုက်တာ ဖြစ် ပါတယ်” ဟု ဆန်ယန်က ပြောကြားခဲ့သည်။

ယဉ်ကျေးမှုနှင့် ပထ၀ီဝင်အနေအထားအရ အရေးပါသည့် နေရာတွင် တည်ရှိနေသည့် မြစ်ဆုံစီမံကိန်းအား လူထုက ဆန့်ကျင်နေဆဲဖြစ် သဖြင့် ပြန်လည်စတင်နိုင်ရန် မျှော်လင့်ချက် အနည်းငယ်သာ ရှိသည်ဟု အများက မျှော်လင့်ထားကြသည်။

မြန်မာ့အရေးလေ့လာသူ စီးပွားရေးပညာရှင် မစ္စတာ တာနယ်က “ဒီစီမံကိန်းပြန်စဖို့ အစိုးရကို ပြောလို့မ ရနိုင်ပါဘူး။ ဒါက သင်္ကေတပုံရိပ်အရ တကယ့်ပြသ၁နာပါ” ဟု ပြောကြားခဲ့သည်။

ဒေါ်အောင်ဆန်းစုကြည်သည် မြစ်ဆုံကိစ္စနှင့် ပတ်သက်၍ မှတ်ချက်ပေးရာတွင် ဂရုတစိုက် ပြောကြားလေ့ ရှိသည်။ လက်ရှိ အစိုးရ သည် မြစ်ဆုံပြသ၁နာကို ယာယီသာ ဆိုင်းငံ့ထားကာ ပြီးပြတ်သည် အထိ ဖြေ ရှင်းခြင်းမပြုဘဲ အစိုးရသစ်အတွက် ချန်ထားခဲ့ သဖြင့် ဒေါ်အောင်ဆန်းစုကြည်က ဝေဖန်ခဲ့သည်။

သို့သော် စီမံကိန်းဆောင်ရွက်နေသည့် တရုတ်ကုမ္ပဏီ CPI ကမူ မြန်မာ အစိုးရ၏ ဆုံးဖြတ်ချက်ကို ပြောင်း လဲရန် လက်လျှော့ခြင်းမရှိပေ။

စီမံကိန်း၏ လူထုဆက်ဆံရေး အကြီးအကဲ ဂျင်လီဇီက စီမံကိန်း ဆိုင်းငံ့ပြီး နောက်ပိုင်း လူထု၏ နားလည် မှုနှင့် ထောက်ခံမှုတို့ ရရှိရန် လူထု ဆက်ဆံရေးလုပ်ငန်းများကို တိုးချဲ့ဆောင်ရွက်ခဲ့သည်ဟု ဆိုသည်။

ဂျင်လီဇီက “ကျွန်တော်တို့ ရည်မှန်းချက်က မြစ်ဆုံဆည် တည်ဆောက်ရေး ပြန်လည်စတင်ဖို့ ဆောင်ရွက်ပြီး ခိုင်မာတဲ့ အကြံပေးမှုတွေ ကို နားထောင်ဖို့ပါ။ အစိုးရသစ်နဲ့ ကုမ္ပဏီဟာ စာချုပ်စာတမ်း ဆိုင်ရာနဲ့ လူမှုဝန်း ကျင်ဆိုင်ရာ ၀တ္တရားတွေ ကို နှစ်နိုင်ငံဥပဒေတွေနဲ့ သဘောတူညီချက်တွေနဲ့ အညီ ဖြည့်ဆည်းနိုင်မယ်လို့ ကျွန်တော်တို့ မျှော်လင့်ပါတယ်” ဟု SCMP သတင်းဌာနသို့ ပြောကြားခဲ့သည်။

CPI ၏ ထိုသို့ ထပ်တလဲလဲ တောင်းဆိုမှုက မြန်မာနိုင်ငံသား အများစုကို စိတ်ပျက်စိတ်ပူစေကြောင်း မစ္စတာတာနယ်က “ဒီစီမံကိန်းဟာ တကယ့်ကို ပြသ၁နာတစ်ခုဖြစ်ပြီး တွန်းအားပေးတာမျိုး မလုပ်ဖို့ ကုမ္ပဏီကို တရုတ်အစိုးရက ပြောတာက အထောက်အကူ ဖြစ်နိုင်ပါတယ်” ဟု ပြောကြားခဲ့သည်။

ထိုစီမံကိန်းမှာ ဆက်လက်ဆောင်ရွက်၍ မရနိုင်ကြောင်း တရုတ်ကုမ္ပဏီက ပိုမို သတိပြုမိလာနေသည်ဟု ဆန်ယန်က ဆိုသည်။

မြန်မာနိုင်ငံနှင့် ကမ္ဘာ့နိုင်ငံ အများအပြားရှိ အခြားကြီးမားသော တည်ဆောက်ရေး စီမံကိန်းကဲ့သို့ပင် မြစ် ဆုံဆည်စီမံကိန်းသည် အစိုးရနှစ်ခု၏ သဘောတူညီချက်ဖြင့် ထိပ်ပိုင်းက ချမှတ်ခဲ့သည့် စီမံကိန်းဖြစ် သည်။ ခြစားမှု မြင့်မားသည့် စီးပွားရေးအသိုင်းအ၀ိုင်းနှင့် ညှိနှိုင်းဆောင်ရွက်ရမည့် လုပ်ငန်း မှာ မြန်မာအစိုးရသစ်အတွက် ကြီးမားသည့် စမ်းသပ်ချက်တစ်ခုလည်း ဖြစ်လာမည် ဖြစ်သည်။
KHTun
The Ladies News Journal
Ref - South China Morning Post

0 comments:

Post a Comment