Wednesday, December 2, 2015

အစိုးရဦးဆောင် အကောင်အထည် ဖော်နေတဲ့ ငြိမ်းချမ်းရေး လုပ်ငန်းစဉ် သုံးသပ်ခြင်း

အောက်တိုဘာလက ကျင်းပတဲ့ အပစ်အခတ်ရပ်စဲရေး သဘောတူလက်မှတ်ရေးထိုးပွဲ သမ္မတဦးသိန်းစိန်တက်ရောက်နေစဉ်
03.12.2015
အခုဆိုရင် ရွေးကောက်ပွဲကြီးပြီးသွားလို့ အနိုင်ရပါတီဆိုတာ ပေါ်ပေါက်လာပါပြီ။ နောင် ဖွဲ့စည်းမယ့် လွှတ်တော်နဲ့ အစိုးရအဖွဲ့ ဘယ်လို ပုံပန်းသဏ္ဍာန်ရှိမလဲ မှန်းဆ နိုင်ပါပြီ။ လွယ်လွယ်ပြောရရင် အင်န် အယ်လ်ဒီ အမျိုးသားဒီမိုကရေစီ အဖွဲ့ချုပ်က လွှမ်းမိုးမယ့် လွှတ်တော်နဲ့ အင်န်အယ်လ်ဒီ က ဖွဲ့စည်းမယ့် အစိုးရအဖွဲ့ပါ။ ဒီ လွှတ်တော်နဲ့ အစိုးရအဖွဲ့ဟာ လက်ရှိ လွှတ်တော်နဲ့ အစိုးရအဖွဲ့ဆီကနေ တိုင်းပြည်ရဲ့ လုပ်ငန်းဆောင်တာ ကိစ္စ အ၀၀ကို လွှဲပြောင်းရယူ၊ ဆက်ခံပါလိမ့်မယ်။ အဲဒီအထဲမှာ လက်နက်ကိုင် တိုင်းရင်းသားတွေနဲ့ ငြိမ်းချမ်းရေး တည်ဆောက်ရေး ကိစ္စလည်း ပါဝင်ပါတယ်။ ငြိမ်းချမ်းရေး အကောင်အ ထည် ဖော်မှုနဲ့ ပတ်သက်ပြီး သမ္မတ ဦးသိန်းစိန် အစိုးရလက်ထက် အကောင်အထည် ဖော်နေတာ ဘယ်အထိ ခရီးရောက်နေပြီလဲ၊ လက်ရှိ ဘာမှားနေသလဲ ဆိုတာ ဒီတစ်ပါတ် ဆွေးနွေး တင်ပြသွားပါ့မယ်။

တကယ်တော့ သမ္မတ ဦးသိန်းစိန် အစိုးရလက်ထက် ပြည်တွင်းငြိမ်းချမ်းရေး လုပ်ငန်းတွေကို လွယ်လွယ်ကူ ကူ အကောင်အထည် ဖော်နိုင်ခဲ့တာမျိုးတော့ မဟုတ်ပါဘူး။ တပ်မတော်က ကျောထောက်နောက်ခံပြုထား တဲ့ အစိုးရအဖွဲ့ဖြစ်ပေမယ့် လက်နက်ကိုင် တိုင်းရင်းသားတွေနဲ့ ညှိနှိုင်းတဲ့အခါ ကိုယ့်စိတ်တိုင်းကျ ဆုံးဖြတ် အကောင်အထည် ဖော်လို့ ရခဲ့တာမျိုးလည်း မဟုတ်ပါဘူး။ များသောအားဖြင့် တပ်မတော်ရဲ့ သဘော ထားကို ရယူပြီးမှ အကောင်အထည် ဖော်လို့ ရခဲ့တာပါ။ အစိုးရဟာ လက်နက်ကိုင် တိုင်းရင်းသားတွေနဲ့ အပေးအယူလုပ် ဆွေးနွေးညှိနှိုင်းတယ် ဆိုတာထက် တပ်မတော်နဲ့ တိုင်းရင်းသား လက်နက်ကိုင် တပ် ဖွဲ့တွေအကြား သဘောတူညီချက်တွေရအောင် ကြားခံ ညှိနှိုင်းပေးရတဲ့ အဖွဲ့ သဘောမျိုး ပိုဆောင် တာ တွေ့ကြရပါတယ်။
ဦးစည်သူအောင်မြင့်
ဗွီအိုအေ (မြန်မာပိုင်း)

0 comments:

Post a Comment