Wednesday, December 2, 2015

ကယ်လီဖိုးနီးယားပစ်ခတ်မှု သေနတ်သမား ၂ ဦး အပါအ၀င် အနည်းဆုံး ၁၄ ဦးသေဆုံး(ရုပ်/သံ)

03.12.2015

Fox News
ကယ်လီဖိုးနီးယားပြည်နယ် San Bernardino ရှိ မသန်မစွမ်း သင်တန်းဌာန တခုတွင်းကို သေနတ်သမား သုံးဦးတို့ ၀င်ရောက်ပြီး ဗုဒ္ဓဟူးနေ့က ပစ်ခတ်ခဲ့ရာမှာ လူအနည်းဆုံး ၁၄ ဦး သေဆုံးပြီး၊ တခြား လူ ၁၇ ဦး ဒဏ်ရာရရှိသွားပါတယ်။

နာရီအနည်းငယ်အကြာမှာ သေနတ်သမားတွေ ထွက်ပြေးခဲ့တဲ့ SUV မော်တော်ကားကို တွေ့ရှိခဲ့လို့ ရဲက ပစ်ခတ်ခဲ့ရာ၊ နောက်ဆုံးရရှိတဲ့ သတင်းတွေအရ သေနတ်သမား ၂ ဦးတို့ သေဆုံးသွားတယ်လို့ သိရပါ တယ်။ သေဆုံးသူတွေဟာ အမျိုးသား ၁ ဦးနဲ့ အမျိုးသမီး ၁ ဦးတို့ ဖြစ်ကြပါတယ်။

San Bernardino ဟာ Los Angeles မြို့ အရှေဘက် မိုင် ၆၀ ခန့် အကွာမှာ ရှိတာဖြစ်ပါတယ်။

ဒီသေနတ်သမားတွေဟာ သင်တန်းရှိရာ နေရာကို သတ်ဖို့ ရည်ရွယ်ချက်နဲ့ လာရောက်ကြတယ်လို့ San Bernardinoရဲ့ ရဲမှူး Jarrod Burguan က သတင်းထောက်တွေကို ပြောပါတယ်။ သူတို့တတွေ ဟာ ပြောင်းရှည်သေနတ်ကြီးတွေကို ယူဆောင်လာကြတယ်လို့ သူက ပြောပါတယ်။

အခုလို သေနတ်ပစ်ခတ်မှုများဟာ ပြည်တွင်းရေး အကြမ်းဖက်မှုဖြစ်တယ်လို့ ရဲမှူး Jarrod Burguan က ပြောပေမဲ့ အခုလို လုပ်ရခြင်း ရည်ရွယ်ချက်နဲ့ ပတ်သက်လို့ မသိကြောင်း ပြောပါတယ်။

မြင်ကွင်းမှာရောက်ရှိနေတဲ့ FBI အရာရှိတစ်ဦးကတော့ ခုချိန်ခါမှာ ဒီတိုက်ခိုက်မှုဟာ နိုင်ငံတကာ အကြမ်း ဖက်မှုနဲ့ ဆက်စပ်မှု ရှိ မရှိ ဆိုတာကို စုံစမ်းစစ်ဆေးသူတွေနဲ့ အသေအချာ မသိတဲ့အကြောင်း ပြောပါတယ်။ အမေရိကန်ပြည်ထောင်စုမှာ အခုလို လူတွေကို သေနတ်ပစ်ခတ်မှု ပုံစံမျိုးတွေဟာ ကမ္ဘာတ၀ှမ်း တခြားနေ ရာမှာ မတွေ့ရတဲ့အကြောင်း - CBS ရုပ်သံလွှင့်ဌာနကို သမ္မတ အိုဘားမားက ပြောကြားပါတယ်။
ဗွီအိုအေ (မြန်မာပိုင်း)

0 comments:

Post a Comment