Thursday, January 1, 2015

မန္တလေးတွင် ၁၁၁ လှုပ်ရှားမှု စတင်

1 January 2015
၁ ရက် ၁ လ နေ့လည် ၁ နာရီက မန္တလေးမြို့မှာ ၁၁၁ လှုပ်ရှားမှုအဖြစ် ၃၅ လမ်း မြတောင်ကျောင်းတိုက်မှာ ဇန်န၀ါရီလ ၁ ရက်နေ့က စတင် ပြုလုပ်နေပါတယ်။ လက်ပံတောင်းတောင် အကြမ်းဖက်ခံရမှုကြောင့် သေ ဆုံးသွားတဲ့ ဒေါ်ခင်ဝင်းအတွက် အမှန်တရားပေါ်ပေါက်ဖို့နဲ့ အစုိုးရက တာဝန်ယူဖြေရှင်းပေးဖုို့ ဒုတိယ အကြိမ်မြောက် ဆန္ဒထုတ်ဖော်ခဲ့တာလည်းဖြစ်ပါတယ်။

ပထမအကြိမ် ဆန္ဒပြပွဲကုို ဒီဇင်ဘာလ ၂၇ ရက်နေ့က ပြုလုပ်ခဲ့တာဖြစ်ပါတယ်။ ဆန္ဒပြပွဲကုို ဗလသ၊ ဗကသ ၊ ဒီမုိုကရေစီအရေး စဉ်ဆက်မပြတ် လှုပ်ရှားမှုအင်အားစု၊ ဒီမုိုကရေစီဖွံ့ဖြိုးတုိုးတက်ရေး လှုပ်ရှားဆောင်ရွက် မှု ကော်မတီ ACDD နဲ့ တက်ကြွလှုပ်ရှားလူများက ပူးပေါင်းဆန္ဒထုတ်ဖော်ခဲ့ကြတာပါ။

အာဏာပိုင်များကုို ကြိုတင်အကြောင်းကြားစာ ပုို့တာမျိုးသာရှိခဲ့ပြီး ခွင့်ပြုမိန့်မယူထားဘူးလုို့သိရပါတယ်။ မန္တလေး ၃၅လမ်း မြတောင်တုိုက်ရှေ့ကနေပြီး ၇၈ လမ်းအတွင်း ၇၈ လမ်းမှ ၂၆ လမ်းအတုိုင်း ၂၆ လမ်းမှ မြတောင်တုိုက်ရှေ့ထိ လူ ၅၀၀ကျော်က ဆန္ဒထုတ်ဖော်နေတာလည်း ဖြစ်ပါတယ်။
ဆန္ဒပြပွဲဟာ ညနေ ၃ နာရီကျော်မှာ ပြီးဆုံးခဲ့ပါတယ်။
ဒီဗွီဘီ
သတင်းဓာတ်ပုံ – ဇော်ဇော်၊ ကျော်ဇေ








0 comments:

Post a Comment