Sunday, December 7, 2014

ကန် Drone တိုက်ခိုက်မှုကြောင့် Al-Qaeda ခေါင်းဆောင်တဦးသေဆုံး

07.12.2014
ပါကစ္စတန်နိုင်ငံ မြောက် Waziristan ဒေသက တာလီဘန်တို့ရဲ့ ခြံဝန်းတခုအပေါ် အမေရိကန်တို့ ရဲ့ မောင်းသူမဲ့ Drone ယာဉ်နဲ့ တိုက်ခိုက်မှုအတွင်း အလိုရှိနေတဲ့ al-Qaeda ထိပ်တန်းခေါင်းဆောင် တယောက်အပါအဝင် စစ်သွေးကြွ ၄ ယောက်ထက်မနည်း သေဆံးခဲ့ပြီး ၂ ယောက် ဒဏ်ရာရခဲ့တယ်လို့ ပါကစ္စတန်လုံခြုံရေးတာဝန်ရှိသူတွေက ပြောပါတယ်။

သေဆုံးသွားသူတွေထဲက တယောက်ဟာ ပါကစ္စတန်နိုင်ငံက al Qaida အဖွဲ့ ပြောခွင့်ရသူ Umar Farooq ဖြစ်တယ်လို့ စစ်တပ်တာဝန်ရှိသူတွေက ပြောပါတယ်။ မြောက် Waziristan က တာလီဘန်တပ်မှူး Hafiz Gul Bahadur နဲ့ဆက်စပ်နေတဲ့ ပါကစ္စတန် တာလီဘန်တွေ အဲဒီခြံဝန်းကို အသုံးပြုနေတာလို့ တာဝန်ရှိသူတွေက ပြောပါတယ်။

ဒါပေမဲ့ Drone နဲ့ တိုက်ခိုက်စဉ် Bahadur အဲဒီမှာ ရှိနေသလားဆိုတာကိုတော့ အသေအချာ မသိရသေး ပါဘူး။ အမေရိကန် နယူးယောက်မြို့က မြေအောက် မီးရထားသွားလာရေးစနစ်ကို ဗုံးခွဲတိုက်ခိုက်ဖို့ ကြံစည်မှုမှာ ပါဝင်မှုနဲ့ အမေရိကန်က တရားစွဲထားတဲ့ al-Qaida ထိပ်တန်းခေါင်းဆောင် Adnan Shukrijumh ကို ပါကစ္စတန်စစ်တပ်က သုတ်သင်နိုင်ခဲ့ပြီး နောက်တရက်ဖြစ်တဲ့ ဒီကနေ့ တနင်္ဂနွေနေ့မှာ ပါကစ္စတန် al Qaida အဖွဲ့ပြောခွင့်ရသူ သေဆုံးခဲ့တာဖြစ်ပါတယ်။
ဗွီအိုအေ (မြန်မာဌာန)

0 comments:

Post a Comment