Tuesday, October 14, 2014

R ဇာနည်တောင်းပန်ရန်ပျဉ်မနားပြည်သူများ ဂီတအစည်း အရုံးဗဟို သို့တိုင်ကြား

ဓာတ်ပုံ-ဘိုဘို
ရန်ကုန်၊ အောက်တိုဘာ ၁၄။   ။R ဇာနည်၏ ရိုင်းပျမှုများကို ပြန်လည်တောင်းပန်ရန် ပျဉ်းမနားပြည်သူများ က မြန်မာနိုင်ငံ ဂီတအစည်းအရုံးသို့ တိုင်ကြားထားသည်ဟု ပျဉ်းမနားမြို့နယ်၊ ဂီတအစည်းအရုံး ဥက္ကဌ ဦးအောင်သန်းက မဇ္ဈိမကိုပြောသည်။ ပျဉ်းမနားမြို့၏ အထင် ကရဘုရားပွဲတော်ဖြစ်သည့် နှစ်ကျိပ်ရှစ်ဆူ ဘုရားပွဲတော်တွင် အဆိုတော် R ဇာနည်ကို ဖျော်ဖြေပေးနိုင်ရန်အတွက် ရန်အောင် (၁) ဝတ်ဖြူတော် အသင်းက အောက်တိုဘာ ၇ ရက်နှင့် အောက်တိုဘာ ၉ ရက်တို့တွင် ငှားရမ်းခဲ့သည်ဟု ၎င်းကပြောသည်။

ယင်းနှစ်ရက်တွင်R ဇာနည်သည် Sky Palace ဟိုတယ် တွင်တည်းခို ခဲ့ပြီး၎င်း ၏လူမှုကွန်ယက် စာမျက်နှင့်ပေါ် တွင် " ပျဉ်းမနားမိုးဖင်မိုးလင်းတိုက် ပွဲကြီးစရန် နာရီ ပိုင်း သာလိုတော့သည်။

ကဲ ကိုနိုင်ဇော်မျောက် ပွဲစပြီနော်"ဟုရိုင်း ပျသည့် စကားလုံးများပြောဆို ရေးသားခဲ့သည့်အပေါ်ပျဉ်း မနားမြို့သူမြို့သားများမှပျဉ်းမနားမြို့၏အထင်ကရပွဲတော် တစ်ခုဖြစ်သည့် နှစ်ကျိပ်ရှစ်ဆူ ဘုရားပွဲတော် ကိုမျောက်ပွဲဟု ခိုင်းနှိုင်းထားခြင်းကို မကျေ နပ်သောကြောင့် ပျဉ်းမ နားမြို့နယ်ဂီတအစည်းအရုံးသို့တိုင်ကြား ခဲ့ခြင်းဖြစ်သည်ဟု ပျဉ်းမနားမြို့နယ်ဂီတအစည်းအရုံး မှဥက္ကဌဦးအောင် သန်းကပြောသည်။

“ပျဉ်းမနားမြို့မှာအောက်တိုဘာ၁၀ရက်မနက်က တည်း ကဆူနေတာ။ ပြည်သူပြည်သား တွေကသူတို့အ ထွတ်အမြတ်ထားတဲ့ နှစ်ကျိပ်ရှစ်ဆူဘုရားပွဲကိုမျောက် ပွဲလို့ ခိုင်းနှိုင်းထားတဲ့ အပေါ်မှာမကျေနပ်ကြတာ။ အဲဒါနဲ့ ကျွန် တော်တို့ ဂီတအစည်းအရုံးကိုလာတိုင်တော့ကျွန်တော်က ဗဟို ဂီတအစည်း အရုံးကိုဖုန်းနဲ့ လှမ်း ဆက်ပြီး တိုင်လိုက်တယ်။

အဲဒါ မြန်မာနိုင်ငံဂီတ အစည်းအရုံး (ဗဟို) ကကျွန်တော် ကိုစာရွက်စာတမ်းနဲ့အထောက်အထားနဲ့ တိုင်ပါဆိုလို့ စာရွက်စာတမ်းအထောက်အထားတွေကိုအောက်တိုဘာ ၁၃ ရက် ညကားနဲ့ မြန်မာ နိုင်ငံဂီတ အစည်းအရုံး (ဗဟို)ကို ပို့ပေးလိုက်ပါပြီ။” ဟု ဦးအောင်သန်းကပြောသည်။

ပျဉ်းမနားမြို့သူမြို့သားများအနေဖြင့် R ဇာနည်၏လူမှုကွန်ယက်စာမျက်နှာပေါ်တွင် ပြန်လည် တောင်းပန်ပါ က ကျေနပ်သွားမည်ဖြစ်သည် ဟု၎င်းကဆိုသည်။

မြန်မာနိုင်ငံ ဂီတအစည်းအရုံး(ဗဟို)မှဒုဥက္ကဌဦးလွင်မြင့် က “ အောက်တိုဘာ ၁၃ ရက်က ကျွန်တော် တို့ဗဟိုကိုဖုန်းဆက်ပြီးပျဉ်းမနားဂီတအစည်းအရုံးကလှမ်း တိုင် ပါတယ်။ စာရွက်စာတမ်းတော့ မရောက်သေးပါဘူး။ စာ ရွက်စာတမ်း ရောက်ရင်တော့ကာယကံရှင်ကိုခေါ်မေးပြီး သူဖြေတဲ့အဖြေ အပေါ်မူတည်ပြီးဆုံးဖြတ် သွားမှာ ပါ။အဲဒီကနေအများရဲ့ဆန္ဒ၊ကာယကံရှင်ရဲ့အဖြေအပေါ်မူတည်ပြီး ဆုံးဖြတ်သွားမှာပါ R ဇာနည်ကရမ်းရမ်းကားကားမဟုတ်ပါဘူး။အတိုင်ခံရတာလည်း တစ်ခါမှ မရှိခဲ့ ဘူး။ ပညာပေးသဘော လေးနဲ့ပဲ ဆောင်ရွက်သွားမှာပါ  ” ဟု မဇ္ဈိမသို့ပြောသည်။

မြန်မာနိုင်ငံဂီအစည်းအရုံး (ဗဟို) ရှိညှိနှိုင်းဖြေရှင်းရေးေ က်ာမတီသည် အဆိုတော် R ဇာနည် နှင့်မြို့ ခံကာယကံရှင် များ၏အဖြေပေါ်မူတည်ပြီးညှိနှိုင်းဆောင်ရွက်ပေး သွားမည်ဟု ၎င်းကပြောသည်။

ယင်းကိစ္စနှင့် ပတ်သက်ပြီး Rဇာနည်အားမဇ္ဈိမမှဖုန်းဖြင့် ဆက်သွယ်မေးမြန်း ရာ Rဇာနည်၏ဇနီးမှ Rဇာနည်ခရီးသွားနေကြောင်းနှင့်ပျဉ်းမနားကိစ္စနှင့်ပတ်သက်ပြီး မည်သို့မျှ ပြောကြားလိုခြင်းမရှိ ဟု ဖြေကြားခဲ့သည်။

R ဇာနည် သည်ပျဉ်းမနားမြို့ နှစ်ကျိပ်ရှစ် ဆူဘုရား ပွဲတွင် ချမ်းချမ်း၊ ဝိုင်းစုခိုင်သိန်း၊ ဖြူဖြူကျော်သိန်း၊ နိုင် ငံကျော် အဆိုတော် များစွာနှင့် ပါဝင်သီဆို ဖျော်ဖြေ ခဲ့ခြင်းဖြစ်သည်။  
မြင့်မြင့်စိုး
Mizzima - News in Burmese

0 comments:

Post a Comment