Friday, October 10, 2014

ခရီးသည်တင်မှန်လုံယာဉ်အရှိန်မထိန်းနိုင်ဘဲတိမ်းမှောက်

သထုံ အောက်တိုဘာ ၁၀
မွန်ပြည်နယ်၊ ဘီးလင်းမြို့နယ်၊ အရက်ပျံချက်စက်ရုံဆိုင်းဘုတ်အရှေ့တွင် ယာဉ်မဆင် မခြင် မောင်းနှင် သောကြောင့် ခရီးသည်တင်မှန်လုံယာဉ်တစ်စီး အရှိန်မထိန်းနိုင်ဘဲ လမ်းဘေးသို့ တိမ်းမှောက်ကာ ယာဉ်ပေါ် ပါခရီးသည်များ ထိခိုက်ဒဏ်ရာရရှိခဲ့ကြောင်း သိရသည်။

 အောက်တိုဘာလ ၉ ရက်၊ ည ၇ နာရီခွဲအချိန်က ရန်ကုန်မှ ထားဝယ်သို့ ယာဉ်မောင်း အောင်အောင် မောင်းနှင် လာသော ကောင်းသစ်စံ ခရီးသည် တင်မှန်လုံ ယာဉ်သည် ဘီးလင်းမြို့တွင်း အရက်ပျံချက် စက်ရုံ ဆိုင်းဘုတ် အရှေ့ ရန်ကုန်-မော်လမြိုင် အဝေးပြေးလမ်း မိုင်တိုင်အမှတ် ၁၂၆/၃ နှင့် ၁၂၆/၄ အကြားတွင် ယာဉ်မဆင်မခြင်မောင်းနှင် လာရာ အရှိန်မထိန်းနိုင်ဘဲ လမ်းဘေးသို့ထိုးကျ တိမ်းမှောက်ခဲ့ပြီး ယာဉ်ပေါ်ပါ ခရီးသည် ၃၅ ဦးအနက် ၁၃ ဦး ထိခိုက်ဒဏ်ရာများ(မစိုးရိမ်ရ) ရရှိခဲ့သည်။

အဆိုပါဒဏ်ရာရရှိသူများအား တာဝန်ရှိသူတို့က ဘီးလင်းဆေးရုံသို့ အရေးပေါ် ပို့ဆောင်ပေးခဲ့ပြီး ယာဉ်မဆင်မခြင်မောင်းနှင်သူ အောင်အောင် အား ဘီးလင်းရဲစခန်းမှ ဒုရဲအုပ် ကျော်မြတ်သူ က ပြစ်မှုပုဒ်မ ၃၃၈/၃၃၇/၂၇၉ ဖြင့် တရားလိုပြုလုပ်ကာ အမှုဖွင့်အရေးယူထားကြောင်း သိရသည်။
MOI Webportal Myanmar

0 comments:

Post a Comment