Thursday, October 9, 2014

သုံးခွမြို့နယ်တွင် လေပြင်းတိုက်ခတ်သဖြင့် တဲအိမ်များပျက်စီး

 ရန်ကုန်၊ အောက်တိုဘာ ၉
၉.၁၀.၂၀၁၄ရက်နေ့ ၀၂၀၀ အချိန်မှ ၀၄၀၀အချိန်အထိ သုံးခွမြို့နယ်၊ သမစိတ္တကျေးရွာအုပ်စု၊ ဆားတ လင်းကျေးရွာတွင် လေပြင်းတိုက်ခတ်ခဲ့သဖြင့် အဆိုပါကျေးရွာ၊ ပင်လယ်ကမ်းစပ်အနီးရှိ ရေလုပ်သားများနေ ထိုင်သောတဲအိမ်များပျက်စီး သွားခဲ့ကြောင်း သိရှိရပါသည်။

ထိုသို့ လေပြင်းတိုက်ခတ်ခဲ့သဖြင့် ဆားတလင်းကျေးရွာ ပင်လယ်ကမ်းစပ်အနီးတွင်နေထိုင်သော ဦးလှထွေး ၏ ဓနိမိုး၊ဓနိကာ တဲအပါအဝင်တဲ (၇)လုံးမှာ ပြိုကျပျက်စီးကာ ရေထဲသို့မျောပါသွားခဲ့ပြီး မွေးမြူထားသော ဝက်(၄)ကောင်မှာ လည်း ပျောက်ဆုံးသွားခဲ့ကြောင်း၊ ၎င်းအပြင် ဦးမြင့်ဦး ၏ဓနိမိုးဓနိကာတဲ အပါအဝင် တဲ(၃၂)လုံးမှာ အမိုးအကာများပျက်စီးသွားခဲ့ကြောင်းနှင့် လူထိခိုက် ဒဏ်ရာရရှိမှုမရှိကြောင်း သိရှိရပါသည်။

အဆိုပါ လေပြင်းတိုက်ခတ်သဖြင့် ပျက်စီးဆုံးရှုံးသွားခဲ့သော တဲအိမ်စုစုပေါင်း (၃၉)လုံးတို့တွင် နေထိုင်ကြ သည့် လူဦးရေ(၁၇၁)ဦးတို့အား သုံးခွမြို့နယ်အထွေထွေအုပ်ချုပ်ရေးမှူးနှင့်အဖွဲ့၊ မြို့နယ် ရဲတပ်ဖွဲ့ဝင်များနှင့် မြို့နယ်ကြက်ခြေနီအဖွဲ့များမှ ကျန်းမာရေးစောင့်ရှောက်မှုများနှင့် ဆန်၊ ခေါက်ဆွဲခြောက်၊ ရေသန့် စသည် များထောက်ပံ့ပေးခဲ့ကြောင်း၊ လေဘေးသင့်ပြည်သူများသည် ကျေးရွာ အတွင်းရှိ ၎င်းတို့၏ဆွေမျိုးမိတ်ဆွေ များထံသို့ ပြောင်းရွှေ့နေထိုင်လျက်ကြောင်း သတင်းရရှိ ပါသည်။
ရဲဇာနည်

0 comments:

Post a Comment