Wednesday, October 15, 2014

ဆော်ဒီအာရေးဗီးယားတွင် အမေရိကန်တဦး ပစ်သတ်ခံရ

15 October 2014
ဆော်ဒီအာရေးဗီးယားနိုင်ငံ မြို့တော် ရီယယ်မှာ  ဆော်ဒီသေနတ်သမားတယောက်က အမေရိကန်နိုင်ငံ သားတယောက်ကို အောက်တိုဘာ ၁၄ ရက်နေ့က သေနတ်နဲ့ ပစ်သတ်ခဲ့တယ်လို့ ရဲအရာရှိတွေက ပြော ပါတယ်။

ဒီတိုက်ခိုက်မှုကြောင့် ဒေသတွင်းမှာ မငြိမ်မသက် အခြေအနေတွေ ပေါ်ပေါက်နေချိန်မှာ အနောက်တိုင်း သားတွေရဲ့ လုံခြုံရေးအတွက် စိုးရိမ်မှုတွေ ပိုပြီး  မြင့်တက်လာစေပါတယ်။

အမေရိကန်ပြည်သား ၂ ယောက် ဆီဆိုင်တခုမှာ ကားရပ်နေတုန်း ပစ်ခတ်မှု ဖြစ်သွားတာပါ။ သေ နတ်သမားရဲ့ လက်ချက်ကြောင့် နောက်တယောက်လည်း ဒဏ်ရာရခဲ့သလို၊ သေနတ်သမားလည်း ရဲက ပစ်လိုက်တဲ့ သေနတ်ဒဏ်ရာရပြီး အဖမ်းခံလိုက်ရပါတယ်။

ဆော်ဒီနိုင်ငံရဲ့ မြို့တော်မှာ နှစ်ပေါင်းများစွာအတွင်း ပထမဆုံးဖြစ်တဲ့ အခုပစ်ခတ်မှုနဲ့ ပတ်သက်လို့ အကြောင်းရင်းကို စုံစမ်းနေတယ်လို့ ပြည်ထဲရေးဌာန ပြောခွင့်ရသူက ပြောပါတယ်။

အခု အဖြစ်အပျက်နဲ့ နီးစပ်သူတယောက်ရဲ့ အဆိုအရ သေနတ်သမားဟာ မကြာခင်က အလုပ်ဖြုတ် ခံရသူ ဖြစ်ပြီး သေနတ်ပစ်ခံရသူကလည်း ဒီလို အလုပ်ဖြုတ်ရာမှာ တာဝန်ရှိသူ တယောက် ဖြစ်တယ်လို့ ဆိုပါတယ်။

အမေရိကန်နိုင်ငံခြားရေးဌာနရဲ့ ပြောခွင့်ရသူက “အမေရိကန်တွေဟာ အမေရိကန် လုံခြုံရေးကုမ္ပဏီ (Northrop Grumman Corporation)နဲ့ လက်တွဲ အလုပ်လုပ်နေတဲ့  ဆော်ဒီ ကုမ္ပဏီ ဘင်နေး အာရေးဘီယား (Vinnell Arabia)အတွက် အလုပ်လုပ်နေတယ်” လို့ ပြောပါတယ်။

ဆော်ဒီအစိုးရတပ်ဖွဲ့တွေကို သင်တန်းနဲ့ တခြား ၀န်ဆောင်မှုသင်တန်းတွေကို ပေးနေတယ်လို့ ဆိုပါတယ်။
အခုအဖြစ်အပျက်ကြောင့် ဆော်ဒီမှာ ရောက်နေတဲ့ အမေရိကန်နိုင်ငံသားတွေရဲ့ လုံခြုံရေးအတွက် ပြန် လည်သုံးသပ်နေတယ်လို့လည်း ပြောပါတယ်။
DVB TV News

0 comments:

Post a Comment