Monday, October 13, 2014

တာလီဘန်လက်ချက်နဲ့ အာဖဂန်လုံခြုံရေးအရာရှိ ၂၂ ဦး သေဆုံး

အသေခံကားဗုံးခွဲ တိုက်ခိုက်တဲ့နေရာမှာ ရောက်ရှိနေကြတဲ့ အမေရိကန်နဲ့ အာဖဂန် လုံခြုံရေးတပ်ဖွဲ့များ။ (အောက်တိုဘာ ၁၃၊ ၂၀၁၄)
13.10.2014
Afghanistan နိုင်ငံမှာ Taliban အကြမ်းဖက်သမားတွေ ခြုံခိုတိုက်ခိုက်လို့  ရဲအရာရှိ ၂၂ ဦး သေဆုံး ပြီး နောက်ထပ် ၈ ဦး ဒဏ်ရာရရှိသွားတယ်လို့ နိုင်ငံမြောက်ပိုင်းက ဒေသဆိုင်ရာ အရာရှိတွေ က ပြောပါတယ်။ ရဲတွေက Sar-e-Pul Kabul ပြည်နယ်မှာ သွားလာနေတုန်း တိုက်ခိုက်ခံရတာပါ။

အစောပိုင်းတုန်းကလည်း Kabul မြုိ့တော်မှာ မြောက်အတ္တလန္တိတ်စစ်စာချုပ်အဖွဲ့ NATO ရဲ့ ယာဉ်တန်းကို အသေခံကားဗုံးခွဲ တိုက်ခိုက်ခဲ့လို့ အရပ်သား တဦးသေဆုံးပြီး နောက်ထပ် ၃ ဦးလည်း ဒဏ်ရာရရှိ သွားပါတယ်။ Jalalabad မြို့်ဖက်ထွက်တဲ့ လမ်းမကြီးပေါ်က NATO တပ်ဖွဲ့ဝင်တွေရဲ့ အိမ်ရာနားမှာ ဒီကနေ့မနက်ပဲ တိုက်ခိုက်မှု ဖြစ်ပွားတာပါ။ ဒီတိုက်ခိုက်မှုကို လုပ်ဆောင်တာ သူတို့ဖြစ်ကြောင်း Taliban တို့က ချက်ချင်းပြောလာပေမဲ့ Sar-e-Pul ပြည်နယ်က တိုက်ခိုက်မှုနဲ့ ပတ်သတ်ပြီးတော့ ဘာမှ မပြောပါဘူး။

Afghanistan နိုင်ငံမှာက NATO တပ်ဖွဲ့ဝင်တွေ ထောင်သောင်းချီတပ်စွဲထားတာပါ။ ဒီနှစ်ကုန်မှာ Afghanistan နိုင်ငံကနေ NATO တပ်တွေ ရုပ်သိမ်းဖို့ ဖြစ်ပေမဲ့ အဲဒီနောက်မှာတော့ အမေရိကန် တပ်သား တသောင်းနီးပါးပဲ တိုက်ခိုက်ရေးပိုင်းမဟုတ်တဲ့ လုပ်ငန်းတွေအတွက် Afghanistan နိုင်ငံထဲမှာ ကျန်ခဲ့မှာ ဖြစ်ပါတယ်။
ဗွီအိုအေ (မြန်မာဌာန)

0 comments:

Post a Comment