Friday, September 26, 2014

ဓမ္မစေတီ ခေါင်းလောင်းကြီး ရှာမယ့်သူ နောက်တစ်ယောက် လာပြီ

ခေါင်းလောင်းကြီး ရှာဖွေတဲ့ နေရာကို စိတ်ဝင်စားသူ တွေ သွားကြည့်
26 September 2014
ဓမ္မစေတီ ခေါင်းလောင်းကြီးကို မတွေ့သေးဘဲ ဆယ်မယ်လို့ အလှုရှင်တွေနဲ့ ပြည်သူတွေကို ဦးစံလင်းက လိမ်လည်ခဲ့တယ်လို့ ခေါင်းလောင်းကြီး ဆယ်ယူရေးအတွက် အလှုငွေ ထည့်ဝင်သူ တစ်ယောက်က ထုတ်ဖော် ပြောလိုက်ပါတယ်။

ပြည်သူလူထုကိုရော အလှုရှင်တွေကိုပါ ဦးစံလင်းက လိမ်ခဲ့တာဖြစ်တယ်လို့ ကျပ်သိန်း ၁၅၀ဝ စုပေါင်း လှုခဲ့တဲ့ အလှုရှင် ၇ ယောက်ထဲက တစ်ယောက် ဖြစ်တဲ့ ရွှေအုန်းပင် စားသောက်ဆိုင်ပိုင်ရှင် ဦးဝင်းမြင့် က ပြောလိုက်တာ ဖြစ်ပါတယ်။

ပြီးခဲ့တဲ့ သြဂုတ်လ ၂၆ ရက်နေ့က ခေါင်းလောင်းကြီးကို ၁၄ ရက် အတွင်း ကုန်းပေါ်ရောက်အောင် ဆယ်မယ်လို့ သတင်းစာရှင်းပွဲမှာ ဦးစံလင်း ပြောခဲ့တာဟာ ခေါင်းလောင်းကြီးကို တကယ် မတွေ့သေး ဘဲ တွေ့ပြီးလို့ ဆယ်ယူ တော့မယ်လို့ ပြောခဲ့တာဟာ လိမ်ညာတာလို့ ဦးဝင်းမြင့်က ပြောပါတယ်။

ဦးစံလင်းက အစိုးရဆီက ခွင့်ပြုချက်တောင်းခဲ့တုန်းကလည်း ရှာဖွေမယ့် အဆင့်ကို မပြောဘဲ ဆယ်မယ်လို့ သာ ပြောခဲ့တယ်လို့ သူက ဆိုပါတယ်။

ဒါပေမဲ့ ဦးဝင်းမြင့်က ခေါင်းလောင်းကြီး တကယ်ရှိတယ်ဆိုတာ သူ့အနေနဲ့ အမှန်တကယ် ယုံကြည်တယ်၊ သူကိုယ်တိုင်လည်း ခေါင်းလောင်းကြီးကို ဆက်လက် ရှာဖွေချင်တယ်လို့ ပြောပါတယ်။

သိပ္ပံနည်းရော ဝိဇ္ဖာ နည်းနဲ့ပါ ရှာဖွေဖို့ အခုကတည်းက အစီအစဉ်တွေ ချနေတယ်၊ မကြာခင် အစိုးရဆီမှာ ခွင့်ပြုချက် တောင်းသွားမယ်လို့ သူက ပြောပါတယ်။

ခွင့်ပြုချက်ရရင် ကျပ်ငွေ သိန်းတစ်ထောင်ကို ကိုယ်တိုင် မတည်သွားမှာဖြစ်ပြီး ၆၂ ရက်ပဲ ရှာဖွေဆယ်ယူ မယ်၊ အဲဒီရက်အတွင်း ရှာလို့ မတွေ့ရင်လည်း ဆယ်ယူခွင့်ကိုပြန်အပ်မယ်လို့ ဦးဝင်းမြင့်က ပြောပါတယ်။

ရှာဖွေမှု အခြေအနေကို ပြည်သူတွေသိအောင် နေ့စဉ် သတင်း ထုတ်ပြန်သွားမယ်လို့လည်း ပြောပါတယ်။
ဘီဘီစီ (မြန်မာပိုင်း)

0 comments:

Post a Comment