Thursday, September 11, 2014

ကစားသမား ဦးခေါင်းထိခိုက်ပါက ဘောလုံးပွဲ ၃ မိနစ် ရပ်နားမည်

11 September 2014
ဘောလုံးပွဲအတွင်း ကစားသမားများ ဦးခေါင်းထိခိုက်ဒဏ်ရာရင် ဆေးကုသမှုပေးနိုင်ဖို့ ပြိုင်ပွဲကို သုံးမိနစ်ရပ်နားမယ်လို့ ဖီဖာဆေးဘက်ဆိုင်ရာကော်မတီ ဥက္ကဋ္ဌ မိုက်ကယ် ဒီဟူဂီက ပြောဆိုလိုက်ပါတယ်။

မိုက်ကယ် ဒီဟူဂီ
စက်တင်ဘာ ၉  ရက်နေ့က ပြုလုပ်တဲ့  ညီလာခံမှာ ပြောကြား ခဲ့တာဖြစ်ပြီး ဦးခေါင်းထိခိုက်သွားတဲ့ ကစားသမား ဆက်လက်ကစားဖို့ အတွက် ဆရာဝန်တဦးတည်းရဲ့ ဆုံးဖြတ်ချက်ကသာ အတည်ဖြစ်မယ်လို့ ဆိုပါတယ်။

“ဦးခေါင်းထိခိုက်တယ်လို့ သံသယရှိတဲ့အခါ ပွဲကို သုံးမိနစ်ရပ်နားဖို့ ဒိုင်လူကြီးကို အမိန့်ပေးထားပါမယ်။ ကစားသမားရဲ့ အခြေအနေကို ကြည့်ရှုစစ်ဆေးဖို့အတွက် အသင်းက ဆရာဝန်ကို အချိန်ပေးဖို့ပါ။ အာရုံကြောနဲ့ဆိုင်တဲ့ စစ်ဆေးမှုတွေလုပ်ဖို့၊ ကစားသမားနဲ့ စကားပြောဖို့အတွက် ဆရာဝန်မှာ အခွင့်အရေး ရှိနေပြီး ဆရာဝန်က လက်ခံမှသာ ဒိုင်လူကြီးက အဲဒီကစားသမားကို ဆက်လက်ကစားစေမှာပါ” လို့ ဒီဟူဂီက ပြောပါတယ်။

ဒီအစီအစဉ်ကို စက်တင်ဘာ ၁ ရက်နေ့က ယူအီးအက်ဖ်အေ ဆေးဘက်ဆိုင်ရာ ကော်မတီကို တင်ပြခဲ့ပြီး၊ တညီတညွတ်တည်း လက်ခံခဲ့ကြပါတယ်။

ဒါ့အပြင် လာမယ့် သီတင်းပတ်မှာ ယူအီးအက်ဖ်အေ အမှုဆောင်ကော်မတီနဲ့ စက်တင်ဘာ ၂၅ ရက်နေ့မှာ ဖီဖာအမှုဆောင်ကော်မတီတွေကို ပေးပို့တင်ပြသွားမယ်လို့ ဒီဟူဂီက ထပ်လောင်းပြောကြားခဲ့ပါတယ်။

ကမ္ဘာ့ဖလားပြိုင်ပွဲမှာ ဦးခေါင်းထိခိုက်ခဲ့တဲ့ ကစားသမား ၅ ဦးအထိ ရှိခဲ့ပြီး သူတို့ဟာ ပြည့်ဝတဲ့ ကျန်းမာရေးစောင့်ရှောက်မှု မရရှိခဲ့တဲ့အတွက် ဖီဖာက ဝေဖန်မှုတွေနဲ့ ရင်ဆိုင်ခဲ့ရပါတယ်။
ဒီဗွီဘီ

0 comments:

Post a Comment