Wednesday, September 10, 2014

ခေါင်းလောင်း တူးဖော်မှုအခြေအနေမှန်သတင်းထုတ်ပြန်ပေးရန် အချိန်ကျရောက်ပြီဟု ပြည်သူများထောက်ပြ


စက်တင်ဘာ-၉
ရန်ကုန်
ဓမ္မစေတီခေါင်းလောင်းရှာဖွေ တွေ့ရှိခြင်း၊ မရှိခြင်းထက် ခေါင်းလောင်း တူးဖော်မှုအခြေအနေများကို အမှန်အတိုင်းသတင်းထုတ်ပြန်ပေးရန်အချိန်ကျ ရောက်ပြီဖြစ်ကြောင်း ခေါင်းလောင်းဆယ်ယူရေးလုပ်ငန်းကို စိတ်ဝင်စားသည့်ပြည်သူများကထောက်ပြပြောဆိုသည်။

'ခေါင်းလောင်းရှာဖွေတွေ့ရှိမှုအခြေအနေတွေကို သတင်းစာရှင်းလင်းပွဲမှာပြောတဲ့ပုံစံနဲ့ အခုလုပ်နေ တဲ့ပုံစံတွေက တခြားစီဖြစ်နေတယ်။ သတင်းကလည်း ဘယ်သူမှတိတိကျကျမသိတော့ ကော လာဟလတွေက ပိုပြီးထွက်လေဖြစ်နေတယ်' ဟု ခေါင်းလောင်းရှာဖွေတူးဖော်ရာ လုပ်ငန်းခွင်သို့ လာရောက်ကြည့်ရှုသူ တာမွေမြို့နယ်နေကိုစိုးရီက ပြောဆိုသည်။

ဓမ္မစေတီခေါင်းလောင်းကြီးအား ရှာတွေ့ပြီဖြစ်ကြောင်း သြဂုတ် ၂၆ ရက်တွင်ဦးစံလင်းက ကြေညာထားပြီး လက်ရှိတွင် ခေါင်းလောင်းကြိုးချည်ခြင်းလုပ်ငန်းလုပ်ဆောင်နေ၍ သတင်းထုတ်ပြန်ခြင်း မပြုနိုင်သေးကြောင်း ကြေညာထားသော်လည်းဆယ်ယူရေးအဖွဲ့တွင် ပါဝင်သူအမည်မဖော်လိုသူအချို့က မူ ခေါင်းလောင်းကြီးအားယခုအချိန်အထိ မတွေ့ရှိသေးဘဲ ရှာဖွေနေဆဲဖြစ်ကြောင်းစက်တင်ဘာ ၈ ရက်က
စံတော်ချိန်သို့ပြောကြားထားသည်။

'အမှန်အတိုင်းသတင်းထုတ်ပြန်ပေးဖို့တော့လိုတယ်။ အစိုးရအဖွဲ့က ခွင့်ပြုတဲ့ပုံလည်းမှားတယ်။ ဘယ်နေ့ ဘယ်အချိန်မှာ အခြေအနေဘယ်လိုရှိကြောင်းထုပ်ပြန်ပေးရမယ်ဆိုတာလည်း ပြော ထားရမယ်' ဟု ခေါင်းလောင်းဆယ်ယူရေးလုပ်ငန်းများတွင် သမိုင်းမှတ်တမ်းရေးခဲ့သူစာရေးဆရာ ဒေါက်တာချစ်စံဝင်းက
ပြောဆိုသည်။

ဓမ္မစေတီခေါင်းလောင်းဆယ်ယူရေးအဖွဲ့ခေါင်းဆောင် ဦးစံလင်းကိုယုံကြည်၍ခေါင်းလောင်း ဆယ်ယူမှုလုပ် ငန်းအခြေအနေများကို သတင်းထုတ်ပြန်ပေးနေခြင်း ဖြစ်ကြောင်းအထောက်အကူပြု အဖွဲ့မှ ဦးကြည်ဝင်းက စံတော်ချိန်သို့ စက်တင်ဘာ ၉ ရက်၌ပြောဆိုသည်။

'ဦးစံလင်းက သူ့ကိုယ်ကျိုးမပါဘဲခေါင်းလောင်းဆယ်ယူရေးလုပ်ငန်းကိုလုပ်နေတာ။ သူ့ရဲ့သီလ၊ သမာဓိကို ယုံကြည်လို့ ကျွန်တော်တို့က သူပြောတဲ့အရာတွေကို ပြည်သူတွေသိအောင်သတင်းထုတ်ပြန်ပေးတော။ အခုလည်းခေါင်းလောင်းလို့ ယူဆရတဲ့အရာကိုကြိုးချည်ဖို့ကြိုးစားနေတယ်လို့သိရတယ်'
ဟု ဦးကြည်ဝင်းက ပြောဆိုသည်။

အဆိုပါ ဓမ္မစေတီခေါင်းလောင်းရှာဖွေမှုအခြေအနေကို သတင်းသေချာမထုတ်ပြန်ြခင်း နှင့်ပတ်သက်၍ သုတေသီဆရာဘုန်းတင့်ကျော်က 'သတင်းထုတ်ပြန်တာ အားရစရာမရှိဘူး။သောင်တူးစက် တစ်ခု တည်းနဲ့ရှာနေတာလည်းလုံးဝဘ၀င်ကျစရာမရှိဘူး။ သိပ္ပံနည်းမကျတဲ့ပညာဗဟုသုတ မရှိတဲ့သူ၊နတ်
နဂါးတွေရဲ့ အကြံဥာဏ်နဲ့ ရှာဖွေနေတာကို သမိုင်းပညာရှင်လောကမှာရော၊သိပ္ပံလောကမှာရော အားလုံးက ပြုံးစိစိတွေ ဖြစ်ကုန်ကြတာပေါ့'ဟု ပြောဆိုသည်။

'ဦးစံလင်းကို ဘယ်သူကမှ မခိုင်းထားဘူး။ သူ့ပိုက်ဆံနဲ့သူ ရိုးရိုးသားသားလုပ်ဆောင်နေတာ။ ကျွန်တော်တို့ကလည်း သူ့ကိုယုံကြည်လို့ သတင်းထုတ်ပြန်ပေး နေတာ'ဟု ခေါင်းလောင်းဆယ် ယူရေးအထောကအ် ကြူပုအဖွဲ့မှ ဦးသန်းစိန် ကပြောဆိုသည်။

ခေါင်းလောင်းဆယ်ယူရေးတွင်ပါဝင်သူအချို့ကမူ ရေငုပ်သမားလေးဦးခန့်နှင့် ရှာဖွေရေးလုပ်ငန်းကို ဆက်လက် လုပ်ဆောင်နေသည်ဟု ပြောကြားထားသော်လည်း အထောက်အကူပြုအဖွဲ့ကမူ ယင်းသတင်းမှာမဟုတ်မှန်ကြောင်း၊ ခေါင်းလောင်းကြိုးချည်ခြင်းလုပ်ငန်းများကို ရေငုပ်သမား ၁၀ ဦး ကျော်ဖြင့်ဆက်လက်လုပ်ဆောင်နေသည်ဟု ထုတ်ပြန်ထားသည်။

'ခေါင်းလောင်းဆယ်ယူရာမှာအပြိုင်အဆိုင် အနှောင့်အယှက်တွေရှိနေတယ်။ အခုက အရေးကြီး တဲ့အချိန်ရောက်နေလို့ သတင်းမထုတ်ပြန်သေးတာပါ။ကုန်းပေါ်ရောက်ရင် သေချာသတင်း ထုတ်ပြန်ပေးမယ်လို့ ဦးစံလင်းက ပြောကြားထားပါတယ်'ဟု ဦးကြည်ဝင်းက ဆိုသည်။

ဓမ္မစေတီခေါင်းလောင်းရှာဖွေတူးဖော်မှုကို သြဂုတ် ၈ ရက်က စတင်ခဲ့ပြီး သြဂုတ် ၁၅ရက်တွင် ရေငုပ်သမား များကရှာတွေ့ခဲ့ကြောင်း နတ်စင်တစ်ရာဆရာတော်က မိန့်ကြားခဲ့သည်။ ယင်းနောက်ခေါင်းလောင်း ရှာဖွေရေး အဖွဲ့ခေါင်းဆောင်ဦးစံလင်းက ခေါင်းလောင်းရှာတွေ့နေပြီဖြစ်ကြောင်း သြဂုတ် ၂၆ ရက်၌တရားဝင်သတင်းထုတ်ပြန်ခဲ့သည်။

ခေါင်းလောင်းတူးဖော်ရာတွင် မြစ်ရေအခြေအနေ၊ ရာသီဥတုအခြေအနေများကြောင့် ခေါင်းလောင်း ဆယ်ယူရေးလုပ်ငန်းလုပ်ဆောင်ရန် နောက်ထပ် ၁၇ ရက်ထပ်တိုးလုပ်ဆောင်သွားမည်ဖြစ်ကြောင်း သြဂုတ် ၂၅ ရက်က ကြေညာခဲ့သည်။ ယင်းနောက် ခေါင်းလောင်းဆယ်ယူရာတွင် အရေးကြီးသောအချိန်ရောက်နေ ၍ ဆယ်ယူမှုလုပ်ငန်းများကို သတင်းထုတ်ပြန်ပေးမည်မဟုတ်ကြောင်း၊ ပြည်သူများက စိတ်ရှည်သည်း ခံပြီး စောင့်ဆိုင်းပေးရန်နှင့် ခေါင်းလောင်းကြီးကုန်းပေါ်ရောက်မှ သတင်းထုတ်ပြန်ပေးမည်ဟုလည်း ဦးစံလင်းက ကြေညာထားသည်။
ပြည့်ပြည့်၊ တင့်ဇော်ထွန်း
စံတော်ချိန် နေ့စဉ်သတင်းစာ

0 comments:

Post a Comment