Thursday, September 18, 2014

စဥ့်ကူးတွင် ရေကြီးမှုကြောင့် အိမ်ခြေ ၃၀၀ ပျက်စီး၊ လူ ၁၀၀၀ နီးပါး အကူအညီလိုအပ်

19 September 2014
မန္တလေးတိုင်း စဥ့်ကူးမြို့နယ် ရေမြတ်ကျေးရွာ၊ ကျည်တောက်ပေါက်၊ နွယ်ရုံနဲ့ ရှောက်ပင်ရိုး တလျှောက်မှာ စက်တင်ဘာ ၁၈ ရက်နေ့ မနက်အစောပိုင်း ၂ နာရီကျော်လောက်က မိုးများပြီး ရေကြီးမှုကြောင့် အိမ်ခြေ ၃၀၀ ၀န်းကျင် ထိခိုက်ပျက်စီးပြီး လူ ၁၀၀၀ ၀န်းကျင် အကူညီတွေ လိုအပ်နေပါတယ်။

ရေမြတ်ကျေးရွာမှာ အိမ်ခြေ ၂၃၇ လုံး ထိခိုက်ပျက်စီးပြီး အဲ့ဒီထဲမှာ အိမ် ၅၃ လုံးမှာ သဲနှုန်း တွေနဲ့ ဖုံးအုပ်ခံလိုက်ရလိုက်ပါတယ်။ ကျည်တောက်ပေါက်ကျေးရွာ အမှတ် ၂ ရပ်ကွက်မှာလည်း အနည်းဆုံး အိမ် ၆ လုံး ပျက်စီးပြီး စာသင်ကျောင်းတွေလည်း ပိတ်ထားရပါတယ်။

နွယ်ရုံနဲ့ ရှောက်ပင်ရိုးတလျှောက် ရေကြီးရေလျှံမှုကြောင့် ပျက်စီးဆုံးရှုံးမှုတွေနဲ့ လူအသေအပျောက်လည်း ရှိတယ်လို့ သိရပါတယ်။

လက်ရှိအချိန်မှာတော့ ဒေသခံ လူမှုရေးအဖွဲ့တွေက ကူညီကယ်ဆယ်ရေးတွေ ပြုလုပ်ပေး နေပြီး လူဦးရေ ၁၀၀၀ လောက် အရေးပေါ်စားနပ် ရိက္ခာနဲ့ သောက်ရေများ လိုအပ်နေကြောင်း သတင်းရရှိပါတယ်။
ဒီဗွီဘီ
ဓာတ်ပုံ – ဇော်ဇော်၊ မတ္တရာလူငယ်






0 comments:

Post a Comment