Wednesday, August 6, 2014

ရထားလမ်းအားဖြတ်ကူးသူအမျိုးသားတစ်ဦး ရထားတိုက်မိသေဆုံး

ရန်ကုန်၊ သြဂုတ် ၆
၅.၈.၂၀၁၄ရက်နေ့ ၂၁၃၀အချိန် ဒဂုံမြို့သစ်(အရှေ့ပိုင်း)မြို့မရဲစခန်းမှ တပ်ဖွဲ့ဝင်များသည် ဒဂုံမြို့သစ် (အရှေ့ပိုင်း)မြို့နယ်၊ ရွာသာကြီးရပ်ကွက်၊ အင်းဝလမ်း မီးရထားသံလမ်းဂိတ်အနီးတွင် အမျိုးသားတစ်ဦး ရထားတိုက်ခံရသဖြင့် သေဆုံးနေကြောင်း သတင်းအရ သွားရောက်စစ်ဆေးခဲ့ရာ သေဆုံးသူမှာ အသက် (၃၅)နှစ်ခန့်ရှိ အမည်မသိ မြန်မာအမျိုးသားတစ်ဦးဖြစ်ပြီး ဦးခေါင်းနောက်စေ့၊ ဝဲဒူးတို့တွင် ပေါက်ပြဲ၊ ပွန်းပဲ့ဒဏ်ရာများဖြင့် သေဆုံးနေသည်ကိုတွေ့ရှိခဲ့ရပါသည်။

ဖြစ်စဉ်အားစုံစမ်းရာ ၂၁၂၀အချိန် သေဆုံးသူအမျိုးသားသည် မီးရထားလမ်းအားဖြတ်ကူးစဉ် ရန်ကုန်မှနေပြည်တော်သို့ပြေးဆွဲသော အမှတ်(၇)အဆန်ရထားနှင့် တိုက်မိသဖြင့် ဒဏ်ရာရသေဆုံးခဲ့ခြင်းဖြစ်ကြောင်း သိရှိရပါသည်။

၎င်းသေဆုံးမှုနှင့်ပတ်သက်၍ ဒဂုံမြို့သစ်(အရှေ့ပိုင်း)မြို့မရဲစခန်းသေမှုသေခင်း အမှတ်စဉ် (၁၃/၂၀၁၄)ဖြင့် ရေးဖွင့်စစ်ဆေးဆောင်ရွက်လျက်ရှိကြောင်း သတင်းရရှိပါသည်။
Yangon Police

0 comments:

Post a Comment