Wednesday, August 27, 2014

ပေါပေါရ များများသောက် မြန်မြန်သေ

ရန်ကုန်မြို့ ဆင်ခြေဖုံးရပ်ကွက်တစ်ခုရှိ ယမကာဆိုင်တွင် မှီဝဲနေသူများ [ဓာတ်ပုံ−ဂျေမောင်မောင်(အမရပူရ)]
 Wed, 2014-08-27
‘‘ကျွန်တော့်မျက်နှာကိုသာ ကြည့်တော့။ အရက်တုတွေ သောက်နေရလို့ ဘယ်လိုဖြစ်နေတယ်ဆိုတာ’’

အစိုးရအဖွဲ့ဝင် ပြည်ထောင်စုဝန်ကြီးတစ်ဦးဖြစ်သည့် ဦးဝင်းမြင့်ကိုယ်တိုင်က အရက်တုများ မြန်မာပြည်အ တွင်း ရောင်းချနေမှုအပေါ် စိတ်နာနာနှင့် ထုတ်ဖော်ပြောကြားလာရသည့် အခြေအနေဖြစ်သည်။
ယမကာသောက်သုံးနေသူအချို့ [ဓာတ်ပုံ − ဂျေမောင်မောင်(အမရပူရ)]
မြန်မာနိုင်ငံတွင် အရက်သောက်သုံးသူအများစုမှာ အရက်တုများ သောက်သုံးနေရသောကြောင့် ဘေး ထွက်ဆိုးကျိုးများ ခံစားနေရပြီး သောက်သုံးသူများအတွက် ကျန်းမာရေးအာမခံချက် လုံးဝမရှိဘဲ မိမိကိုယ် တိုင် အရက်တုသောက်သုံးခြင်းကြောင့် ဆိုးကျိုးခံစားနေရခြင်းကို စီးပွားကူးသန်းဝန်ကြီးဌာန ပြည်ထောင်စု ၀န်ကြီးဦးဝင်းမြင့်က ယင်းကဲ့သို့ ပြောကြားခဲ့ခြင်းဖြစ်သည်။

လက်ရှိမြန်မာနိုင်ငံတွင် အရက်ကြောင့် သေဆုံးမှု တဖြည်းဖြည်း မြင့်တက်လာနေပြီး ရောဂါကြောင့် သေ ဆုံးသူများအနက် ဒုတိယအများဆုံးဖြစ်ကြောင်း ကိန်းဂဏန်းများက ဖော်ပြနေသည်။

မြန်မာနိုင်ငံတစ်ဝန်း ပြည်တွင်းထုတ်အရက်များဖြစ်သည့် နာမည်ကျော်တံဆိပ်များသာမက ကိုယ်တိုင်ချက် ဘီအီးနှင့် တောအရက်များကို ပေါပေါလောလော သောက်သုံးလျက်ရှိသည်။ သို့သော်လည်း ပြည်တွင်း ချက်အရက်များမှာ နိုင်ငံခြားအရက်များကဲ့သို့ စံချိန်စံညွှန်းသတ်မှတ်ချက်မရှိဘဲ လွယ်လင့်တကူ ပြု လုပ်ရောင်းချနေကြခြင်း ဖြစ်သည်။

ဈေးနှုန်းကြီးမြင့်သော နိုင်ငံခြားအရက်များကို လူလတ်တန်းစားများကသာ ၀ယ်ယူသောက်သုံးနိုင်ကြပြီး အခြေခံလူတန်းစားတို့မှာ ရပ်ကွက်ကျေးရွာများအတွင်းရှိ အရည်အသွေးမပြည့်မီသော အရက်ကြမ်းများ ကိုသာ စွဲစွဲမက်မက် ၀ယ်ယူသောက်သုံးနေကြသည်ကို တွေ့ရသည်။

ကျေးလက်နေ အခြေခံလူတန်းစားတို့သည် ဈေးပေါ၍ ၀ယ်ရလွယ်သော ချက်အရက်၊ ဘီအီးအရက် စသည်တို့ကို နေ့စဉ်နှင့်အမျှ သောက်သုံးလေ့ရှိပြီး ထိုအရက်များကြောင့် ဖြစ်ပွားသည့် ရောဂါများကိုလည်း ခံစားနေကြရသည်။ အရက်တွင် ရှိသင့်သည့် အရည်အသွေးနှင့် စံချိန်စံညွှန်း မီ၊ မမီကို သတ်မှတ်စစ်ဆေး မှုမရှိသဖြင့် မိမိသောက်လိုက်သည့် အရက်တွင် ဆိုးကျိုးမည်မျှပါဝင်နေသည်ကိုလည်း မသိရှိကြပေ။

နယ်အချို့တွင် အလွယ်တကူ ၀ယ်ယူနိုင်သည့် အရက်အဆီကို ငါးကျပ်သား၊ တစ်ဆယ်သား စသဖြင့် ချိန်တွယ်ရောင်းချမှုများရှိပြီး ထိုအရက်ဆီကို ရေသန့်ဘူးထဲထည့်၍ ရေဖြင့်ရောကာ လှုပ်သောက်ကြမှု က ရောဂါဆိုးကို ပျော်ပျော်ကြီး ဖိတ်ခေါ်နေသကဲ့သို့ပင်။

‘‘အဲဒီအရက်ဆီတွေက ဘယ်လိုချက်လုပ်ထားမှန်းမသိဘူး။ တရားဝင် အရက်ဆိုင်တွေမှာ အရက်ဆီ နဲ့ ရေကို အချိုးကျကျ စဥ့်အိုးထဲ ဒလက်နဲ့မပြတ်မွှေပြီး သတ်မှတ်ချိန်တစ်ခုထားထားမှ အရက်ဖြစ်တာ။ အခုကျတော့ အဆီကို ရေရော၊ လက်နဲ့လှုပ်၊ ချက်ချင်းမော့သောက်တော့ ကြာလာရင် ရောဂါဖြစ်လာတယ်။ တို့နယ်မြို့လေးမှာ ဆယ်နှစ်အတွင်း အရက်ကို ဖြစ်သလိုသောက်ကြလို့ သေတဲ့လူရော၊ သေမ လို့ စောင့်နေရတဲ့လူရော အနည်းဆုံး အယောက်နှစ်ရာနီးပါးရှိနေပြီ’’ဟု သဲကုန်းမြို့မှ စာရေးဆရာ ဦးသင်းရီက ပြောပြသည်။

ထို့အပြင် စီးပွားရေးသောင်းကျန်းသူအချို့က နိုင်ငံခြားဖြစ် အရက်ပုလင်းခွံများကို လိုက်လံဝယ်ယူပြီး ကိုယ်တိုင်ချက်လုပ်ကာ မူလအရည်အသွေးမဟုတ်သည့် အရက်များကို ထည့်သွင်း၍ ပုလင်းသစ် သဖွယ် ဈေးကွက်ဖြန့်ဖြူးမှုများလည်း ရှိနေသောကြောင့် အရက်တုအန္တရာယ်ကလည်း ကြီးမားလာနေသည်။

ဆင်ခြေဖုံးရပ်ကွက်များနှင့် ကျေးလက်နေ အရက်သောက်သုံးသူတို့က ဈေးကြီးသည့်အရက်ကို ၀ယ်မသောက်နိုင်သည့်အတွက် ဖြစ်ကတတ်ဆန်း ပြုလုပ်ထားသော အရက်ကြမ်းများကိုသာ ကြိတ်မှိတ်သောက်သုံးကြရသည်။ အရက်ဈေးကွက်တွင်လည်း အခြေခံလူတန်းစားတို့ နှစ်သက်စေမည့် အမျိုးသမီးပုံပါ အရက်ကြော်ငြာများက လက်ညှိုးထိုးမလွဲ ဖြစ်လာသည်။

‘‘ကြော်ငြာတွေက ကြည့်လိုက်တာနဲ့ အဲဒီအရက်ကို သောက်ချင်လာအောင် မိန်းကလေး မလုံ့တလုံပုံနဲ့ ဆွဲဆောင်ထားတယ်။ အရက်တွေကလည်း ခဏခဏ အသစ်တွေထွက်နေတယ်။ ဈေးလည်းပေါတယ်။ လိမ္မော်ရနံ့တို့၊ နာနတ်ရနံ့တို့ ထည့်ထားတဲ့ အရက်တွေလည်း ရှိတယ်။ အရက်ကြမ်းတွေအကုန်လုံးက အန္တရာယ်တွေချည်းပဲ။ အရက်တုတွေများတယ်’’ဟု လှိုင်မြို့နယ်တွင် နေထိုင်သူတစ်ဦးက ပြောသည်။

အရက်ကြမ်း၊ အရက်တုသောက်သုံးမှုများကြောင့် မြန်မာနိုင်ငံတွင် လူငယ်များ သေဆုံးမှုမြင့်တက် လာနေသည်။ အသည်းရောဂါအပြင် ကျောက်ကပ်ပျက်စီးခြင်း၊ အာရုံကြောထိခိုက်ခြင်း၊ ရေ ဖျဉ်းစွဲ၍ ဖောသွပ်ဖောရောင်ဖြစ်ခြင်း၊ လေဖြတ်ခြင်း၊ မျက်စိကွယ်ခြင်း၊ ဆီးချိုသွေးချိုဖြစ်ခြင်း၊ အသည်းရောင်၊ အသည်းခြောက်၊ အသည်းကင်ဆာဖြစ်ခြင်း၊ အစာရေပြွန်သွေးကြောပေါက်ခြင်း၊ အစာအိမ်နာဖြစ်ခြင်း၊ ပန်ကရိယရောင်ရမ်းခြင်း၊ ခံတွင်းနှင့် လည်ချောင်းကင်ဆာဖြစ်ခြင်း၊ နှလုံးအားနည်းခြင်း၊ အာဟာရချို့ တဲ့ခြင်း၊ သွေးတိုးဖြစ်ခြင်း၊ အရက်ဆိပ်တက်ခြင်း၊ သွေးအန်ခြင်းတုိ့ဖြစ်ပြီး အသက်ပင်ဆုံးရှုံးရ သည်အထိ ဖြစ်လာနေသည်။

ကမ္ဘာပေါ်တွင် အရက်အလွန်အကျွံ သောက်သုံးမှုနှင့် ပတ်သက်သည့် ပြဿနာကြောင့် နှစ်စဉ် လူပေါင်း ၃ ဒသမ ၃ သန်းခန့် သေဆုံးနေရသည်။ ထိုအရေအတွက်တွင် အသက်(၁၅)နှစ်မှ (၂၉)နှစ်ကြား လူငယ်ပေါင်း သုံးသိန်းနှစ်သောင်း ပါဝင်နေသည်ဟု ကမ္ဘာ့ကျန်းမာရေးအဖွဲ့ကြီးက ထုတ်ပြန်သည်။ ထိုသို့ အရက်ကြောင့် သေဆုံးမှုမှာ HIV/AIDS ရောဂါ၊ တီဘီရောဂါတို့ဖြင့် သေဆုံးခြင်း၊ အကြမ်းဖက် မှုကြောင့် သေဆုံးခြင်းတို့ထက် ပိုမိုမြင့်မားနေသည်။

မြန်မာနိုင်ငံတွင်လည်း လူဦးရေတစ်ထောင်တွင် ၂၃ ဦးက အရက်စွဲနေကြောင်း ကမ္ဘာ့ကျန်းမာရေးအဖွဲ့ကြီး ၏ မြန်မာနိုင်ငံရုံးခွဲက လေ့လာတွေ့ရှိထားသည်။ ထို့အပြင် မြန်မာနိုင်ငံသည် ကမ္ဘာ့ကင်ဆာရောဂါ အဖြစ်အများဆုံး နိုင်ငံဆယ်နိုင်ငံတွင် နံပါတ်(၂) နေရာ၌ရှိနေပြီး အမျိုးသားများတွင် အသည်းကင် ဆာ ဖြစ်ပွားမှုများပြားနေသည်။ လူငယ်များ အရက်သောက်သုံးမှုများပြားလာပြီး အသည်းရောဂါဖြစ် ပွားမှုနှုန်း မြင့်တက်လာခြင်း၏ အကြောင်းရင်းတွင် အရက်တုများကလည်း ပါဝင်သည်။ အရက်တုများ ကို မြန်မာနိုင်ငံအနှံ့အပြား တရားမ၀င်ထုတ်လုပ်၊ ဖြန့်ဖြူးရောင်းချလျက်ရှိသည်ကို အရက်တုများ မကြာခဏ ဖမ်းဆီးရမိနေသည့် သတင်းများကိုကြည့်၍ သိနိုင်ပါသည်။ အရက်သေစာ ရောင်းချရန်အတွက် ယစ်မျိုး လိုင်စင် လျှောက်ထားရန် လိုအပ်သော်လည်း တရားမ၀င် ဖွင့်လှစ်ရောင်းချနေသည့် အရက်ပုန်းဆိုင်များက လည်း နေရာအနှံ့တည်ရှိနေသည်။

အရက်ပုန်းဆိုင်များ ပပျောက်ရန်နှင့် အရက်တုများ ပေါများနေခြင်းကို ကာကွယ်တားဆီးရန် တိုးမြှင့်ဆောင် ရွက်ရေးအတွက် ကန်ကြီးထောင့်မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးကျော်ဝင်းက လွှတ်တော်သို့ တင်သွင်းခဲ့သည်။

အရက်ပုန်းဆိုင်များ ပပျောက်ရေး၊ အရက်ဆိုင်အရေအတွက် လျှော့ချရေးနှင့် တရားမ၀င် ရောင်း ၀ယ်ဖြန့်ဖြူးနေခြင်းတို့နှင့် ပတ်သက်၍ ရဲတပ်ဖွဲ့နှင့်အတူ ထိရောက်စွာ ဆောင်ရွက်နေပြီး ယစ်မျိုးဥပဒေကို လည်း ပြင်ဆင်နေပါသည်ဟု ပြည်ထဲရေးဝန်ကြီးဌာန ဒုတိယ၀န်ကြီး ဗိုလ်မှူးချုပ်ကျော်ဇံမြင့်က လွှတ်တော် သို့ ဖြေကြားခဲ့သည်။

ယခု ၂၀၁၄-၁၅ ဘဏ္ဍာနှစ်တွင် အရက်ဆိုင်လိုင်စင်အရေအတွက် လေးသောင်းတစ်ထောင်ကျော် ကို နိုင်ငံတော်က တရားဝင်ခွင့်ပြုထားပြီး မည်သို့ပင် တားဆီးနှိမ်နင်းနေသည် ဆိုစေကာမူ အရက်ပုန်း ဆိုင်များက နိုင်ငံတစ်ဝန်း တိုးပွားနေဆဲဖြစ်သည်။

အရက်တုများမှာ ဓာတုဗေဒပစ္စည်းများဖြင့် ချက်လုပ်ခြင်းဖြစ်ပြီး အရောင်နှင့် အနံ့အရသာများကို ရောစပ် ထည့်သွင်းထားသည့်အတွက် အခြားအရက်များထက် ပိုမို၍ ဘေးထွက်ဆိုးကျိုး ဖြစ်ပေါ်စေနိုင်သည်။

‘‘ကျွန်တော်တို့ရပ်ကွက်ထဲက ညီအစ်ကိုနှစ်ယောက် နေ့တိုင်းဘီအီးတွေသောက်ပြီး ကျောက်ကပ်နဲ့ သေ သွားတယ်။ မနှစ်က အစ်ကိုသေတယ်။ ဒီနှစ် ညီသေတယ်။ တစ်ယောက်က ဆေးရုံအထိ ရောက်သေး တယ်။ တစ်ယောက်ကတော့ လမ်းမှာတင်သေသွားတယ်။ သူတို့နှစ်ယောက်စလုံးက အရက်ကို အစုံသောက်ကြတာပဲ။ အများဆုံးကတော့ ဘီအီးပေါ့။ ညီလုပ်တဲ့လူဆိုရင် အသက်က(၂၄)နှစ်ပဲ ရှိသေးတယ်’’ဟု လှိုင်မြို့နယ် ဓမ္မာရုံလမ်းအတွင်း ကွမ်းယာရောင်းချသူတစ်ဦးက ပြောပြသည်။

ဘီယာဆိုင်၊ စားသောက်ဆိုင်ကြီးများတွင် ညစဉ် ဘီယာသောက်သုံးသူများ၊ နိုင်ငံခြားဖြစ် အရက်သောက် သုံးနေသူများဖြင့် စည်ကားနေချိန် ရပ်ကွက်တွင်း အရက်ဖြူဆိုင်များတွင်လည်း ညနေပိုင်းမှ စတင်ကာ ညဥ့်နက်သည်အထိ လက်လုပ်လက်စား အခြေခံလူတန်းစားတို့ဖြင့် စည်ကားနေလေ့ရှိသည်။

အလုပ်ကြမ်းသမားအချို့သည်လည်း မနက်မှညအထိ အလုပ်လုပ်ရင်း ခေတ္တနားချိန်၌ အရက်ပုန်းဆိုင်အ တွင်း ခပ်သုတ်သုတ်ဝင်ကာ တစ်ရာဖိုး၊ နှစ်ရာဖိုး စသဖြင့် ကောက်မော့ရင်း အလုပ်ပြန်လုပ်လေ့ရှိကြသည်။ အရက်ဆိုင်များတွင် ရောင်းချသည့် ဘီအီးမှာ ငှက်ပျောဖူးပုလင်းတစ်လုံးလျှင် လေးရာကျပ်၊ တရားဝင်ထုတ် လုပ်သည့် ဇေအရက်မှာ တစ်ပုလင်းလျှင် ခြောက်ရာကျပ် စသဖြင့် ဈေးပေါပေါ ၀ယ်ယူသောက်သုံးနိုင်သဖြင့် အခြေခံလူတန်းစားတို့ သုံးစွဲရာဖြစ်သည်။

 ‘‘ကျေးရွာဆယ်ရွာမှာ ခြောက်ရွာလောက်က အရက်အတုတွေ သုံးစွဲနေတယ်။ အရက်တုသောက်တဲ့ သူတွေဆို မျက်နှာတွေဖောရောင်နေတယ်။ အသက်အရွယ်နဲ့မလိုက် အိုမင်းနေတယ်။ အဲဒီလိုပုံစံတွေ ကို သေချာသိအောင် ပြချင်ပါတယ်’’ဟု စီးပွားကူးသန်းဝန်ကြီး ဦးဝင်းမြင့်က ယခုနှစ် ဇန်န၀ါရီလ က ပြောကြားခဲ့ဖူးသည်။

အရက်သောက်သုံးသူများကို အရက်မသောက်သုံးစေရန် တားမြစ်၍မရနိုင်ပါ။ အရက်ဆိုင်များကိုလည်း ဖွင့်လှစ်ခွင့်ပိတ်ပင်ရန် မစွမ်းသာပါ။ သို့ဖြစ်ရာ အရက်တုများ ပပျောက်ရေးအတွက် အစိုးရက တင်းတင်း ကျပ်ကျပ် စိစစ်ဆောင်ရွက်ပြီး အရေးယူမှုများ ပြုလုပ်သွားရန် လိုအပ်နေပါသည်။

‘‘အခြေခံလူတန်းစားက အလုပ်ကြမ်းလုပ်ပြီးရင် သုံးလေးခွက်လောက်သောက်လိုက်မှ အဆင်ပြေတဲ့ လူတွေရှိတယ်။ တချို့ဆို မန္တလေးရမ်လောက်တောင် ၀ယ်မသောက်နိုင်ကြဘူး။ တစ်လုံးမှ နှစ်ရာ့ငါးဆယ် တန်မျိုးလည်း သောက်ကြတာပဲ။ အဲဒီတော့ သေကြတာပဲ။ မသောက်ဘဲလည်း မနေနိုင်။ အရက်ကောင်းသောက်နိုင်တဲ့ ၀င်ငွေလည်းမရှိ။ အရက်ကို ကောင်း၊ မကောင်း ဆင်ခြင်နိုင်တဲ့ ပညာပေးမှု လည်းမရ။ ပညာယူနိုင်တဲ့ အခြေခံပညာကလည်းမတတ်။ အရက်စည်းကမ်းက ဒီနိုင်ငံမှာ ပျက်နေပါပြီ’’ဟု စာရေးဆရာ ဦးသင်းရီက သုံးသပ်သည်။

အရက်တုများ ဈေးကွက်တွင်း ပျံ့နှံ့နေခြင်းကို ထိန်းချုပ်ရန်အတွက် အစိုးရက နိုင်ငံခြားအရက်များကို တရားဝင် တင်သွင်းခွင့်ပြုတော့မည်ဟု ပြည်ထောင်စုဝန်ကြီးဦးဝင်းမြင့်က ပြောသည်။ အရက်ပုန်းဆိုင်များ ပပျောက်ရေးနှင့် အရက်တုများ နှိမ်နင်းရေးကိုလည်း ထိရောက်စွာဆောင်ရွက်နေပါကြောင်း ပြည် ထဲရေးဝန်ကြီးဌာနက ပြောသည်။

သို့ရာတွင် အရက်ပုန်းဆိုင်များနှင့်အတူ အရက်တုများ၊ အရည်အသွေးမမီသော အရက်များက တစ်နိုင်ငံလုံး ဖောဖောသီသီပျံ့နှံ့နေပြီး လူငယ်ထုကြား အရက်သောက်သုံးမှုနှုန်း ကြောက်မက်ဖွယ်မြင့် တက်နေကာ အရက်ကြောင့် သေဆုံးမှုနှင့် ရာဇ၀တ်မှုများ ထူပြောလာခြင်းတို့လည်း နောက်ဆက်တွဲဆိုး ကျိုးများအဖြစ် အရှိန်အဟုန်မြင့်လျက်ရှိသည်။

‘‘ဘီယာဖြစ်ဖြစ်၊ ၀ိုင်ဖြစ်ဖြစ်၊ အရက်ကြမ်းဖြစ်ဖြစ် များများသောက်ရင် ဒုက္ခရောက်မှာပဲ။ အရက်တိုင်းမှာ လစ်မစ်ရှိတယ်။ အထူးသဖြင့် အကောင်းစားသောက်ပြီး နည်းနည်းသောက်တဲ့လူထက် ဓာတုဗေဒ ပစ္စည်းတွေပါတဲ့ အရက်တွေကို သောက်တဲ့လူက အကြာကြီးသောက်တာမဟုတ်ဘဲ ရောဂါဖြစ်တယ်။ အရက်ဆိုင်တွေကို နင်းကန်လိုင်စင်တွေထုတ်ပေး၊ အရက်ပုန်းတွေကလည်း ရောင်းနေတော့ ဘယ်ရပ် ကွက်သွားသွား အရက်ဆိုင်ရှိနေတာပဲ။ မိသားစုဆင်းရဲပြီး ငွေကြေးမပြည့်စုံတော့ စိတ်ညစ်။ အရက်သောက်ပြန်တော့လည်း ကောင်းတာမသောက်နိုင်။ ဆင်းရဲမွဲတေမှုကနေ ၀ဋ်ကျွတ်တာပဲ။ သေ ရင်အေးရောဆိုပြီး စွတ်သောက်ကြရော’’ဟု အထူးကုဆရာဝန်ကြီး ဒေါက်တာဒေါ်ခင်ဝင်းဝင်းမြင့်က ဆိုသည်။

အရက်ပုန်းဆိုင်များ ပပျောက်ရေးကို ထိရောက်စွာ ဆောင်ရွက်သည်နှင့်အတူ အခြေခံလူတန်းစားတို့ တတ်နိုင်သည့် အရက်များကို အရည်အသွေးတစ်ခုမီသည့် အရက်များ ဖြစ်လာစေရန်လည်း အစိုးရက အမြဲမပြတ် ကွင်းဆင်းစစ်ဆေး၍ ကြပ်မတ်ဆောင်ရွက်ပေးရန် လိုအပ်နေပြီဖြစ်ပါသည်။

အရက်တု၊ အရက်ကြမ်းများ အရည်အသွေးမမီသောကြောင့် သောက်သုံးသူတို့အနေဖြင့် ငယ်ငယ်ရွယ် ရွယ်နှင့် အသက်ဆုံးရှုံးရမှုများ မဖြစ်ပွားစေရန် အရည်အသွေးကို အဓိက စစ်ဆေးခွင့်ပြုပေးရန်၊ အရက်လိုင် စင်များကို ထိန်းချုပ်ပေးရန်၊ စားသုံးသူနှင့် သင့်လျော်သည့် အရည်အသွေးဖြစ်လာစေရန် မြှင့်တင်သင့် သည်များကို မြှင့်တင်သွားရန် လိုအပ်နေပြီဖြစ်သည်။

‘‘ပြောသာပြောနေရတယ်။ အခြေခံလူတန်းစားတွေ တတ်နိုင်တဲ့ ပိုက်ဆံနဲ့ အရက်အရည်အသွေးကို ဘယ်လိုလုပ်မြှင့်နိုင်ဦးမှာလဲ’’ဟု ဒေါက်တာဒေါ်ခင်ဝင်းဝင်းမြင့်က ပြောပါသည်။

အစတွင် အရက်ကို လူကနိုင်သော်လည်း နောက်ဆုံးတွင် အရက်က လူကိုနိုင်သွားကြောင်း အရက်သ မားလောကတွင် ပြောလေ့ပြောထရှိသည့် စကားတစ်ခွန်းရှိသည်။ မြန်မာနိုင်ငံတွင် အရက်တုများ၊ အရည်အသွေးမမီသည့် အရက်ကြမ်းများသည် သောက်သုံးသူတို့၏ အသည်းကလီစာများကို တစ်စချင်း ခြေမွဆွဲဖြုတ်၍ တဖြည်းဖြည်းနှင့် အသက်ပါနုတ်ယူသွားတတ်သည့် လူသတ်သမားကြီး ဖြစ် လာနေပါပြီ။ အဆိုပါ လူသတ်သမားကြီးကို အမြန်ဆုံး နှိမ်နင်းတားဆီးရန် အစိုးရအနေဖြင့် ပြင်ဆင် သင့်ပြီ ဖြစ်ပါသည်။
ဥက္ကာကိုကို
အတွဲ (၁၃)၊ အမှတ်(၂၅)
7Day Daily

0 comments:

Post a Comment