Thursday, June 12, 2014

ကမ္ဘာ့ဖလားပွဲစဉ်အချို့ MRTV မှ ပြသမည်

AFP/Getty Images

Thursday, June 12, 2014
ကမ္ဘာ့ဖလားဘောလုံးပွဲစဉ်အချို့ကို မြန်မာ့အသံနှင့် ရုပ်မြင်သံကြား (MRTV) မှ တိုက်ရိုက်ထုတ်လွှင့်ပြ သမည်ဖြစ်ကြောင်း သတင်းရရှိသည်။

ယနေ့ (ဇွန်လ ၁၂ရက်)မှ စတင်ကျင်းပမည့် ၂၀၁၄ကမ္ဘာ့ဖလားဘောလုံးပြိုင်ပွဲဖွင့်ပွဲအခမ်းအနား(ည ၁၂နာရီခွဲ)နှင့် ဘရာဇီး-ခရိုအေးရှားပွဲစဉ်(နံနက် ၂နာရီခွဲ)ကို မြန်မာ့အသံနှင့်ရုပ်မြင်သံကြားမှ တိုက်ရိုက်ထုတ်လွှင့်ပြသမည်ဖြစ်ပြီး ပွဲစဉ် ၆၄ပွဲအနက် ဘရာဇီးနှင့် ခရိုအေးရှားအုပ်စုပွဲအပါအ၀င် ရှုံးထွက်ပွဲစဉ်နှစ်ပွဲ၊ ကွာတားဖိုင်နယ်နှစ်ပွဲ၊ ဆီမီးဖိုင်နယ်နှစ်ပွဲနှင့် ဗိုလ်လုပွဲ စသည့်ပွဲစဉ်စုစုပေါင်း ရှစ်ပွဲကို ထုတ်လွှင့်ပြသမည်ဖြစ်ကြောင်း မြန်မာ့အသံနှင့်ရုပ်မြင်သံကြားကယနေ့ထုတ်ပြန်ကြေညာသည်။

ကမ္ဘာ့ဖလားပွဲများကို ၂၀၁၀ကမ္ဘာ့ဖလားပြိုင်ပွဲအထိ မြန်မာနိုင်ငံတွင်အခမဲ့ရုပ်သံလိုင်းများမှ ထုတ်လွှင့် ခဲ့သော်လည်းယခုနှစ်တွင်မူ Sky Netက တစ်ဦးတည်းမူပိုင်ခွင့်ယူ၍ ထုတ်လွှင့်ပြသမည်ဖြစ်သဖြင့် ဘောလုံး ပရိသတ်များ၏ ဝေဖန်မှုများထွက်ပေါ်ခဲ့သည်။ ပွဲကျင်းပရန် နီးကပ်လာသည့်နှင့်အမျှ ကမ္ဘာ့ဖလားပွဲကြည့် ရှုခွင့်အတွက် ဝေဖန်ခံ နေရချိန်တွင် ပြိုင်ပွဲစတင်မည့်ယနေ့တွင် မြန်မာ့အသံနှင့် ရုပ်မြင်သံကြားက ညနေ ၃နာရီသတင်းအစီအစဉ်တွင် စာတန်းထိုးကြေညာခဲ့ခြင်းဖြစ်သည်။
7Day Daily

0 comments:

Post a Comment