Tuesday, June 17, 2014

မြေတူးစက်သုံးစီးမှ ဘက်ထရီအိုးများပျောက်မှု တစ်အိမ်လျှင် နှစ်ထောင်ကျပ် ရွာခံများပေးလျော်ရ

Tuesday, June 17, 2014
ကုမ္ပဏီပိုင်မြေတူးစက် များမှ ဘက်ထရီအိုးများပျောက် ဆုံးခဲ့၍ ဒေသခံများစုပေါင်းပြီး ပြန်လျော်ပေးရန် ဆုံးဖြတ်ချက် ကို ဒေသခံများမကျေနပ်ကြကြောင်း သတင်းရရှိသည်။

ထားဝယ်ခရိုင် ဘန်းချောင်း ဒေသ ကျောက်ထုကျေးရွာတွင် ကျောက်မီးသွေးတူးဖော်ရေးလုပ် ငန်းများဆောင်ရွက်နေသော East Star Mining ကုမ္ပဏီပိုင်မြေတူးစက် သုံးစီးမှ ဘက်ထရီသုံးစုံ(၆လုံး)မေလအတွင်း ပျောက်ဆုံးခဲ့ရာ ယင်းကျေးရွာအနီးရှိ ကျောက်ထု၊ ကထောင်းနီ၊ကွမ်း ချောင်းကြီး၊ သပြုချောင်း စသည့်ကျေးရွာများမှ ဒေသခံများက စုပေါင်း ပေးလျော်ရမည်ဖြစ်သည်။ ပျောက်ဆုံးခဲ့သော ဘက် ထရီအိုးများဒေသခံများ သယ်ယူ သွားသည်ကို ကုမ္ပဏီမှတာဝန်ရှိ သူများက မြင်တွေ့ခဲ့သည်ဆိုသ ဖြင့် အဆိုပါကျေးရွာများရှိ အိမ်ထောင်စုတစ်ခုလျှင် နှစ်ထောင် ကျပ်စီကောက်ခံပြီး ပြန်လျော်ပေးရန် ဆုံးဖြတ်ချက်ချထားခြင်းဖြစ် သည်။

ယင်းပျောက်ဆုံးမှုနှင့်ပတ် သက်သည့်အဆုံးအဖြတ်ကို ဇွန် လ ၁၂ ရက်က ကျောက်ထုနယ်မြေ တပ်စခန်းတွင် တပ်မှတာဝန်ရှိ သူ၊ ကုမ္ပဏီမှ တာဝန်ရှိသူများနှင့် အဆိုပါကျေးရွာများမှ အုပ်ချုပ် ရေးမှူး၊ အတွင်းရေးမှူးနှင့် ရပ်မိ ရပ်ဖအပါအဝင် တာဝန်ရှိသူလေး ဦးတက်ရောက်ကာ အစည်းအ ဝေးပြုလုပ်ဆုံးဖြတ်ခဲ့ခြင်း ဖြစ်သည်။ အဆိုပါဘက်ထရီအိုးများ သည် တစ်လုံးလျှင်ကျပ်နှစ်သိန်း ဝန်း ကျင်ရှိသည်ဟုဆိုသည်။

‘‘ရွာသားတွေကိုပြန်လျော် ပေးရမယ်ပြောထားတယ်။ ဒါပေ မဲ့ ကျွန်တော်တို့ခိုးယူထားတာ မဟုတ်ဘူးဆိုတော့ မလျော်ပေး နိုင်ဘူးပေါ့။  တခြားရွာတွေမှာ လည်း ဒီလိုပဲပြောနေကြတယ်။ ဒါကိုခြိမ်းခြောက်ပြီး အတင်း တောင်းလာမယ်ဆိုရင်တော့ ရွာ သားတွေလည်း ငြိမ်ခံနေမှာမဟုတ်ဘူး’’ဟု ကထောင်းနီကျေးရွာခံ တစ်ဦးကပြောသည်။

ယခုအချိန်ထိ ကျေးရွာတာ ဝန်ရှိသူများက ဒေသခံများအား အသိပေးထားခြင်းသာဖြစ်ပြီး ပိုက်ဆံကောက်ယူခြင်းမရှိသေး ကြောင်းသိရသည်။

ကျေးရွာများမှ ကောက်ခံရရှိသောငွေကြေးများကို ကျေးရွာအုပ်ချုပ်ရေးမှူးများက သိမ်းထားမည်ဖြစ်ကာ သီတင်းသုံးပတ်အ တွင်း တရားခံမပေါ်ပါက ကုမ္ပဏီ သို့လျော်ကြေးအနေဖြင့် သွင်းရမည်ဖြစ်သည်။ တရားခံဖော် ထုတ်နိုင်ပါက ဖော်ထုတ်ပေးသူ အား ဆုကြေးငွေငါးသောင်းကျပ် ချီးမြှင့်မည်ဖြစ်ကာ ကောက်ခံထားသောငွေများကို ဒေသခံများအား ပြန်ပေးမည်ဖြစ်ပြီး နောက်ထပ်အလားတူဖြစ်ရပ် များဖြစ် ပွားပါက တည်ဆဲဥပဒေအရ ထိရောက်စွာ အရေးယူမည်ဟု ကျေးရွာများသို့ အသိပေးထား သည်။
စိုးမိုးအောင်
7Day Daily

0 comments:

Post a Comment