Thursday, June 12, 2014

စိတ်ကြိုက်မြန်မာစာဖြင့် တက္ကသိုလ်ဝင်တန်းဖြေဆိုသူနှစ်ဦး စာမေးပွဲကျရှုံး

တက္ကသိုလ်ဝင်စာမေးပွဲအောင်စာရင်းကြည့်နေသူများ(ဓာတ်ပုံ−နစ်ကီ)
Thursday, June 12, 2014
၂၀၁၃-၁၄ တက္ကသိုလ်ဝင်တန်းစာမေးပွဲတွင် တစ်နိုင်ငံလုံး၌ စိတ်ကြိုက်မြန်မာစာဘာသာတွဲဖြင့် ၀င်ရောက်ဖြေဆိုသူ နှစ်ဦးသာရှိပြီး စာမေးပွဲအောင်မြင်ခြင်းမရှိကြောင်း အခြေခံပညာဦးစီးဌာနမှ သတင်းရရှိသည်။

တက္ကသိုလ်ဝင်စာမေးပွဲတွင် သက်ဆိုင်ရာဘာသာတွဲများအလိုက် ဖြေဆိုရန်စာရင်းပေးသူ ၅၈၈၆၀၀ ကျော် အနက် စိတ်ကြိုက်မြန်မာစာဖြေဆိုမည့်သူ နှစ်ဦးသာ စာရင်းသွင်းဖြေဆိုခြင်းဖြစ်သည်။

ကော့သောင်းမြို့နယ်မှ အသက်(၆၀)၀န်းကျင် အမျိုးသားတစ်ဦးနှင့် စမ်းချောင်းမြို့နယ်မှ အသက်(၂၀)၀န်း ကျင် အမျိုးသမီးတစ်ဦးတို့သည် စိတ်ကြိုက်မြန်မာစာဘာသာတွဲကို ဖြေဆိုကျရှုံးခဲ့ခြင်းဖြစ်သည်။

စိတ်ကြိုက်မြန်မာစာဘာသာတွဲကို အထက်ပါအမျိုးသား နှင့် အမျိုးသမီးတို့က နှစ်စဉ်ဖြေဆိုနေကြခြင်းဖြစ်ပြီး ၎င်းတို့နှစ်ဦး ဆက်လက်မဖြေဆိုတော့ပါက တစ်နိုင်ငံလုံးတွင် စိတ်ကြိုက်မြန်မာစာဘာသာရပ် ကို ဖြေဆိုသူရှိနိုင်ဖွယ်မရှိကြောင်း အခြေခံပညာဦးစီးဌာနမှ အရာရှိတစ်ဦးက သုံးသပ်သည်။

နှစ်စဉ် တက္ကသိုလ်ဝင်တန်းစာမေးပွဲတွင် ဘောဂဗေဒ၊ ဓာတုဗေဒ၊ရူပဗေဒဘာသာတို့  ပါဝင်သော ဘာသာတွဲ ဖြေဆိုသူအများဆုံး ဖြစ်နေပြီး  ပထ၀ီဝင်နှင့် သမိုင်းဘာသာရပ် ပါဝင်သော ဘာသာ တွဲကို ရွေးချယ်ဖြေဆိုသူဦးရေ  နည်းပါးကြောင်း သိရသည်။
နေလင်းထွန်း
7Day Daily

0 comments:

Post a Comment