Monday, June 30, 2014

ဘိန်းဘုရင်သားကို ကနေဒါအစိုးရလက်ခံမှု ပြစ်တင်ဝေဖန်ခံရ

အာရှ ၁၀ နိုင်ငံမှ ကုန်သွယ်ရေးကိုယ်စားလှယ်များ တွေ့ဆုံဆွေးနွေးနေစဉ် (ဓာတ်ပုံ - theprovince.com)
Monday, June 30, 2014
ကနေဒါပြည်ထောင်စု အစိုးရ သည် အာရှကုန်သွယ်မှုကိုယ်စား လှယ်အဖွဲ့တွင်ပါဝင်သူ၊ အာရှ တွင် နာမည်ဆိုးဖြင့် ကျော်ကြား သူ၊ ကြွယ်ဝချမ်းသာသူများထဲမှ တစ်ဦးဖြစ်သည့် မြန်မာနိုင်ငံမှ ဦးစတီဗင်လောကို လက်ခံကြိုဆို လိုက်ကြောင်း The Province သတင်းတွင် ဖော်ပြသည်။


ယခင်စစ်အစိုးရကို ထောက် ခံအားပေးခဲ့သူ၊ ဘိန်းဘုရင်လော် စစ်ဟန်၏သားကို အမေရိကန် နိုင်ငံက စီးပွားရေးပိတ်ဆို့အရေး ယူထားသည်။ ဦးစတီဗင်လောပါ ဝင်သော အဆိုပါအာရှကုန်သွယ် မှုကိုယ်စား လှယ်အဖွဲ့သည် တိုရန် တိုနှင့် ဗင်ကူးဗားမြို့တို့တွင် ဝန်ကြီးချုပ် ခရစ်တီကလပ်နှင့် ကက်ဘိနက်ဝန်ကြီး တယ်ရီစာဝပ်တို့နှင့် တွေ့ဆုံခဲ့သည်။

‘‘အဲဒီသတင်းကြားရတော့ ကျွန်တော်အတော့်ကို တုန်လှုပ် သွားတယ်’’ဟု ကနေဒါ မြန်မာ့ မိတ်ဆွေများ အဖွဲ့မှ ဦးမောင်ထူး က ပြောသည်။ ‘‘သူက တကယ့် ကို နာမည်ပျက်တာ။ သူ့အဖေက လည်း မြန်မာနိုင်ငံ က လူသိများ ဆုံး ဘိန်းရာဇာဖြစ်ခဲ့တာပါ’’ဟု ဆိုသည်။

ဦးစတီဗင်လော၏ အမေရိ ကန်နိုင်ငံတွင် ထားရှိသော ပိုင် ဆိုင်မှုများကို အမေရိကန်အစိုးရ က ထုတ်ယူခွင့် ကိုပိတ်ပင်ထားပြီး အမေရိကန် နိုင်ငံသားများနှင့် စီးပွားရေးလုပ်ကိုင်ခွင့်ကိုလည်း ပိတ်ပင်ထားသည်။

‘‘စတီဗင်လောနဲ့ လော်စစ် ဟန်တို့ဟာ တရားမဝင်လုပ်ငန်း တွေမှာ ပါဝင်လုပ်ကိုင်ခဲ့တဲ့ ရာဇဝင်ရှိနေပါ တယ်’’ဟု အမေရိကန်နိုင်ငံ ဘဏ္ဍာရေးဌာနမှ ထုတ်ပြန်သည့် ကြေညာချက်တွင် ဖော်ပြထားသည်။

‘‘ဟီရိုးအင်းဘိန်းဖြူရာဇာလို့ လူသိများတဲ့ လော်စစ်ဟန်ဟာ ၁၉၇၀ နှစ်တွေကစပြီး အဓိက ကမ္ဘာ့ဘိန်းဖြူမှောင်ခိုကုန်ကူးသူ တွေထဲက တစ်ယောက်ဖြစ်တယ်။ စတီဗင်လောက သူ့အဖေရဲ့ မူး ယစ်ဆေးနယ်ပယ်ထဲကို ၁၉၉၀ ပြည့်နှစ်တုန်းက စဝင်လာပြီး အဲဒီ ကတည်းက မြန်မာနိုင်ငံရဲ့ အချမ်း သာဆုံးစာရင်းဝင်ဖြစ်လာတယ်’’

ကနေဒါနိုင်ငံသို့လာရောက် သည့် ဦးစတီဗင်လောသည် သူ၏ တရုတ်အမည်ဖြစ်သည့် လိုပင်း ဇောင် (Lo Ping Zhong)ကို အသုံးပြုခဲ့ပြီး မြန်မာအမျိုးသား စီမံကိန်းနှင့် စီးပွားရေးဖွံ့ဖြိုးတိုးတက်ရေးဝန်ကြီးနှင့်အတူ လိုက်ပါလာခြင်းဖြစ်သည်။ ကနေဒါနိုင်ငံသို့ အာရှ ၁၀ နိုင်ငံမှ ကုန်သွယ်ရေးကိုယ်စားလှယ်များက ဇွန်လ ၁ရက်မှ ၅ ရက်အတွင်း လာရောက်ခဲ့ကြသည်။

ကနေဒါနိုင်ငံ၏ နိုင်ငံတကာ ကုန်သွယ်မှုဆိုင်ရာဝန်ကြီး အဒ် ဖတ်စ်က မြန်မာနိုင်ငံနှင့် အခြား အာရှနိုင်ငံများ ကို ကနေဒါသို့ လာရောက်ရန်ဖိတ်ကြားခဲ့ပြီး ယင်းနိုင်ငံများက မိမိတို့နိုင်ငံကို ကိုယ်စားပြုမည့်ကိုယ်စားလှယ် ကို ရွေးချယ်ခြင်းသာဖြစ်ကြောင်း ဝန်ကြီးမစ္စတာဖတ်စ်၏ ပြောခွင့်ရပုဂ္ဂိုလ်က ပြောဆိုသည်။

‘‘မြန်မာနိုင်ငံ ပုဂ္ဂလိကကဏ္ဍ ကိုယ်စားလှယ်အဖြစ်နဲ့ သူတို့ရဲ့ ဝန်ကြီးနဲ့အတူလိုက်ပါဖို့အတွက် အဲဒီပုဂ္ဂိုလ် ကို မြန်မာအစိုးရက ဖိတ်ကြားတာပါ’’ဟု ကိတ်လင်း ဝပ်မန်းက ပြောဆိုလိုက်သည်။

‘‘ပုဂ္ဂလိကကဏ္ဍကိုယ်စား လှယ်ရွေးချယ်ရာမှာ ကနေဒါ အစိုးရက ပါဝင်ပတ်သက်တာမရှိ ပါဘူး’’

လာရောက်မည့် ကုန်သွယ် မှုကိုယ်စားလှယ်စာရင်းကို မြန်မာ အစိုးရက ပေးခဲ့ခြင်းဖြစ်ပြီး ကနေ ဒါအစိုးရက ဦးစတီဗင်လော၏ ကိုယ်ရေးနောက်ခံသမိုင်းကြောင်း ကို သတိမပြုမိဟု ဆိုသည်။

ဝန်ကြီးချုပ်ကလပ်က ကုန် သွယ်မှုကိုယ်စားလှယ်အဖွဲ့ဝင် များကို အစိုးရနှင့်ညစာစားပွဲတွင် တွေ့ဆုံခဲ့သည်။

‘‘အဆိုပါပုဂ္ဂိုလ်နှင့် ကနေဒါ ဝန်ကြီးချုပ် ကလပ်တို့ တွေ့ဆုံခဲ့ ခြင်းမရှိပါ’’ဟု အစိုးရက ဗုဒ္ဓဟူး နေ့က ကြေ ညာချက်ထုတ်ပြန်ငြင်း ဆိုခဲ့သည်။ သို့သော်လည်း တရုတ်အမည်ကို အသုံးပြုထားသူ ဦးစတီဗင်လော သည် နိုင်ငံတကာကုန်သွယ်မှုရေးရာဝန်ကြီး တည်ခင်းသော ညစာစားပွဲသို့ တက်ရောက်ခဲ့သည် ကို တွေ့ရသည်။

‘‘ဝန်ကြီးမစ္စဝဒ်က အာဆီယံ အပါအဝင် အာရှနိုင်ငံတွေက ကုန်သွယ်မှု စီးပွားရေးကိုယ်စားလှယ် များနဲ့တွေ့ဆုံတဲ့ နေ့လယ်စာစားပွဲကို တက်ရောက်ခဲ့ပါတယ်။ အဲဒီမှာ ဝန်ကြီးဝဒ်ဟာ ဖိတ်ကြားထားတဲ့ အာဆီယံအစိုးရ ကိုယ်စားလှယ်အဖွဲ့ခေါင်းဆောင်တွေနဲ့ထိုင်ပြီး အတူသုံးဆောင်ခဲ့ပါ တယ်’’ဟု ကြေညာချက်က ဆိုသည်။

ဦးစတီဗင်လောသည် ဝန်ကြီး ဝဒ်နှင့် စားပွဲတစ်ခုတည်းမထိုင် သော်လည်း ဝန်ကြီးနှင့် ခဏ တစ်ဖြုတ်တွေ့ မိခြင်းမျိုးဖြစ်နိုင် ကြောင်း ကနေဒါအစိုးရအရာရှိ တစ်ဦးက ပြောဆိုထားသည်။

ဦးစတီဗင်လောကို ပျော့ ပျော့ပျောင်းပျောင်း ပြောဆိုတတ် သူ၊ အေးရှားဝေါကုမ္ပဏီပိုင်ဆိုင်သူ တရုတ်လူမျိုး စီးပွားရေးသမား၊ ယခင်မြန်မာစစ်ခေါင်းဆောင်များနှင့် ပုဂ္ဂိုလ်ရေးရင်းနှီးမှုကြောင့် အကျိုးအမြတ်များစွာ ရရှိသူအဖြစ် ရိုက်တာသတင်းက ဖော်ပြ ထားသည်။

မြန်မာနိုင်ငံကို နှစ်ပေါင်း များစွာ ဖိနှိပ်အုပ်ချုပ်ခဲ့သောာ အာဏာရှင်အစိုးရကို ၎င်းတို့၏ လူ့အခွင့်အရေး ချိုးဖောက်မှုမှတ်တမ်းများကြောင့် ကမ္ဘာတစ်ဝန်းက ရှုတ်ချခဲ့ကြသည်။

စစ်အစိုးရခေါင်းဆောင်များ ကို လူ့အခွင့်အရေးများ ကျယ် ကျယ်ပြန့်ပြန့်ချိုးဖောက်နေမှုများ အတွက် စွပ်စွဲခဲ့ရာတွင် ပြည်သူ များအား အဓမ္မနေရာရွှေ့ပြောင်း ခြင်း၊ ကလေးစစ်သားအသုံးချ ခြင်း၊ အစိုးရက ခွင့်ပြုထားသည့် မုဒိမ်းမှုများနှင့် နေရာတကာ လာဘ်စားမှုနှင့် အခြားကျူးလွန်မှု များပါဝင်သည်။

မကြာသေးမီ နှစ်ပိုင်းများ တွင် မြန်မာနိုင်ငံသည် ဒီမိုကရေစီ အသွင်ကူးပြောင်းရေးအတွက် ခြေလှမ်း ရပ်များစတင်လာခဲ့သည်။ ၂၀၁၂ ခုနှစ်တွင် လွှတ်တော် ကိုယ်စားလှယ်အဖြစ် ဒေါ်အောင် ဆန်းစုကြည် ရွေးကောက်တင် မြှောက်ခံရပြီး ၂၀၁၅ ခုနှစ်တွင် သမ္မတရွေးကောက်ပွဲဝင်ရောက် ယှဉ်ပြိုင်မည်ဟု ယူဆရသည်။

သို့သော် မြန်မာနိုင်ငံ၏ ပြုပြင် ပြောင်းလဲမှုများကြောင့် ကနေဒါအစိုးရအနေဖြင့် ယခင် စစ်အစိုးရပံ့ပိုးသူများ ကို ကြိုဆိုရန် မလိုကြောင်း ဝေဖန်သူများက ထောက်ပြခဲ့ကြသည်။

‘‘စစ်အစိုးရနဲ့ပေါင်းစားလို့ ချမ်းသာသွားတဲ့ လူဆိုးလူမိုက် တွေ အများကြီးရှိပါတယ်။ ဒီလူ တွေကို ကျွန်တော် တို့က လက် ကမ်းကြိုဆိုတာမျိုးမလုပ်သင့်ပါ ဘူး’’ဟု ဗင်ကူးဗား မြန်မာစကား ဝိုင်းမှ ရို့ဒ်ဂျာမိန်းက ပြောဆို လိုက်သည်။

နိုင်ငံခြားကိုယ်စားလှယ်စာ ရင်းကို စိစစ်ခြင်းမပြုခဲ့သည့် အပေါ် NDP ပါတီအမတ် ဂျင်နီဆင်းကလည်း အစိုးရကို အပြစ်တင်လိုက်သည်။

‘‘မိသားစုတွေ၊ ဆွေမျိုးတွေ ရဲ့ မင်္ဂလာအခမ်းအနားတွေတက် ဖို့၊ ဒါမှမဟုတ် နားမကျန်းဖြစ်နေတဲ့ မိသားစု ဝင်တွေကို တွေ့ဖို့ အတွက် ဗီဇာမရကြတဲ့ ကြေကွဲ စရာသတင်းတွေကို ကျွန်မတို့ ကြားဖူးတယ်။ ဒါပေမဲ့ ဒီလိုလူမျိုး ကိုကျတော့ နိုင်ငံထဲကို ဝင်ခွင့် ပေးနေပါလား’’ဟု မစ္စဆင်းက ဝေဖန်သည်။

‘‘ဒီလူ ဘယ်သူလဲဆိုတာ မသိလို့ပါ - လို့ ပြောရင်တော့ ဒါက အတော်ကို စိုးရိမ်စရာဖြစ်နေပြီ’’

(The Province သတင်းစာပါ ဆောင်းပါးရှင် Michael Smyth ၏ Notorious tycoon from Burma with alleged drug ties welcomed by feds, B.C. ဆောင်းပါးကို ခင်မေဇော် ဘာသာပြန်ဆိုပါသည်။)
7Day Daily

0 comments:

Post a Comment