Thursday, February 13, 2014

သံသယစိတ်နှင့် ဆက်ဆံခဲ့၍ ညီညွတ်ရေးပျက်ပြားခဲ့၊ နိုင်ငံရေး ရင်ကြားစေ့ရေး အောင်မြင်မည်ဟုယုံကြည်

ရန်ကုန်၊ ဖေဖော်ဝါရီ-၁၂
နှစ်ပေါင်း ၅၀ ကျော်ကာလအတွင်း အချင်းချင်း သံသယစိတ်များနှင့် ဆက်ဆံခဲ့၍ မညီညွတ်မှု၊ စည်းလုံး ညီညွတ်မှုမရှိခြင်းကြောင့် လက်ဝဲ အင်အားစု ညီညွတ်ရေးဆိုကာ ဆွေးနွေးအဖြေရှာခဲ့သော်လည်း ပင်ကို စိတ်များက အချင်းချင်းသံသယစိတ်များနှင့် ပြုလုပ်ခဲ့သဖြင့် ညီညွတ်ရေး ပျက်ပြားကာ လက်နက်စွဲကိုင်ပြီး ပဋိပက္ခများနှင့် တိုင်းရင်းသား ပြည်သူများ ဒုက္ခဆင်းရဲဖြင့် ဆုံးရှုံးနစ်နာခဲ့ရကြောင်း အမျိုးသားဒီမိုကရေစီ အဖွဲ့ချုပ် နာယကသူရဦးတင်ဦးက ဖေဖော်ဝါရီ ၁၂ ရက်တွင် ရန်ကုန်မြို့ ရွှေဂုံတိုင် ဒို့ရိုးရာစားသောက်ဆိုင် ၌ ပြုလုပ်သည့် (၆၇) နှစ်မြောက်ပြည်ထောင်စုနေ့ အခမ်းအနားအဖွင့် မိန့်ခွန်း၌ ထည့်သွင်းပြောကြားခဲ့ သည်။

ထို့ပြင်ကြိမ်ဖန်များစွာရင်ကြားစေ့ရေး ဆွေးနွေးမှုများရှိခဲ့သော်လည်း ပြီးခဲ့သည့် မဆလခေတ်၊ အာဏာသိမ်း စစ်အုပ်ချုပ်ရေး အာဏာရှင် စနစ်အောက်တွင် အပစ်အခတ်ရပ်စဲရေး ဆွေးနွေးမှုများပြုလုပ် ခဲ့သော် လည်း နိုင်ငံရေးပြဿနာကို နိုင်ငံရေးနည်းလမ်းဖြင့် မဖြေရှင်းခဲ့သောကြောင့် တိုင်းရင်းသားပြည်သူများ သည် မိမိအခြေချနယ်မြေများမှ ထွက်ပြေးတိမ်းရှောင်ခဲ့ရပြီး ဆင်းရဲဒုက္ခများ ယနေ့တိုင်ကြုံတွေ့နေ ခဲ့ရကြောင်း ၎င်းက ဆက်လက်ပြောကြားသည်။

' မညီညွတ်မှု၊ စည်းလုံးညီညွတ်မှု မရှိခြင်းကြောင့် ကိုယ့်သွေးသားချင်း၊ တိုင်းရင်းသားပြည်သူအားလုံး၏အ ကျိုး၊ နိုင်ငံတော်၏အကျိုးကို ထောက်ထား နိုင်ကြဖို့ သတိသံဝေဂတွေ၊ အတွေ့အကြုံအဆိုးသံသယ ကို မြင်လာပြီ ဖြစ်သဖြင့် အပစ်အခတ်ရပ်စဲရေးကို အောင်မြင်စွာကျင်းပနိုင်ဖို့ နီးကပ်လာတဲ့ သတင်းကောင်း များ ကြားရသဖြင့် စိတ်သက်သာရာရနေကြပါတယ်။ အစိုးရနဲ့ အဖွဲ့အစည်းအသီးသီးကလည်း စုပေါင်းကာ အချင်းချင်း ညီညွတ်နိုင်သမျှ အားစုကာအပစ်အခတ်ရပ်စဲရေးတွင် နိုင်ငံရေးရင်ကြား စေ့ရေး ကို အောင်မြင်အောင် ကြိုးပမ်းဆောင်ရွက်နိုင်မယ်လို့ ယုံကြည်ပါတယ် ' ဟု ပြောကြားသည်။

ထို့ပြင် ပြည်သူ့လွှတ်တော်၏ အဆုံးအဖြတ်၊ ဦးဆောင်မှုကို ခံယူကာ သက်စွန့်ကြိုးပမ်း အောင်မြင် ရန်တာဝန်ကျေပွန်စွာ ဆောင်ရွက်ရမည်ဖြစ်၍ ပြည်သူတို့၏ အခန်းကဏ္ဍသည် အဓိကဖြစ်ကြောင်း၊ တပ်မတော်တာဝန် ထမ်း ဆောင်ရာတွင် ကျေပွန်ခြင်းလည်းမရှိ၊ မထမ်းဆောင်နိုင်၍ အမှားပြုလုပ် လျှင် ပြည်သူတို့က ပြည့်စုံတည့်မတ်အောင် ထိန်းကျောင်း ပျိုးထောင် ပြုပြင်ပေးရန် တာဝန်ရှိကြောင်း၊ ထို့ကြောင့် နိုင်ငံတော် အချုပ် အခြာအာဏာတည်တံ့ခိုင်မြဲအောင် တပ်မတော်အပါအ၀င် ပြည်သူ လူထုတစ်ရပ်လုံး၏ အင်အားသည် အဓိကဖြစ်သည်ကို ဒီမိုကရေစီစနစ်ဖြင့် ထူထောင်သော နိုင်ငံ၏အစဉ် အလာကောင်းတစ်ခုဖြစ်ကြောင်း အပြန် အလှန် ထိန်းကျောင်းပြုပြင်ခြင်းကို နားလည်မှုရှိလျှင်ပိုမို၍ တပ်မတော်နှင့် တိုင်းရင်းသားများသည် အစဉ်ကြည်ဖြူ ကြမည်ဖြစ်ကြောင်း ဆက်လက်ပြော ကြားသည်။

(၆၇) နှစ်မြောက် ပြည်ထောင်စုနှစ်ပတ်လည်နေ့တွင် ရှေ့ဆက်ရမည့်ခရီး သည်အဆင်ချော၍ တိုးတက် လာမည်ဟု မျှော်လင့်ထားသည့် အခက် အခဲဖြစ်သော ၂၀၀၈ ဖွဲ့စည်းပုံအခြေခံဥပဒေသည် တင်းကျပ် လွန်းကာ ပြင်ဆင်ရန်အတွက် ခက်ခဲအောင်ပြုလုပ်ထားသည့် အချက်များကို ပြောင်းလဲကာ ကြိုးပမ်းအား ထုတ် ဆောင်ရွက်ခြင်းဖြင့် နိုင်ငံတော်ကို ဘက်စုံတိုးတက်မြင့်မားလာပါစေကြောင်း ၎င်းက တိုက်တွန်းပြော ကြား ခဲ့သည်။

အမျိုးသားဒီမိုကရေစီအဖွဲ့ချုပ် (၆၇) နှစ်မြောက် ပြည်ထောင်စုနှစ်ပတ် လည်နေ့ကို ရန်ကုန်မြို့ ရွှေဂုံတိုင်ရှိ ဒို့ရိုးရာစားသောက်ဆိုင်တွင် ကျင်းပခဲ့ရာ အမျိုးသားဒီမိုကရေစီအဖွဲ့ချုပ်မှ အဖွဲ့ဝင်များ၊ နိုင်ငံရေးပါတီများမှ ကိုယ်စား လှယ်များ၊ ၈၈ မျိုးဆက် (ငြိမ်းချမ်းရေးနှင့် ပွင့်လင်းလူ့အဖွဲ့အစည်း)မှ ကိုယ်စားလှယ်များ၊ နိုင်ငံ တကာမှ သံတမန်များ နှင့် ဧည့်ပရိသတ်များ တက်ရောက်ခဲ့ကြသည်။ထို့နောက် အမျိုးသားဒီမိုကရေစီ အဖွဲ့ချုပ်၏ (၆၇) နှစ်မြောက် ပြည်ထောင်စုနှစ်ပတ်လည်နေ့ အခမ်းအနား ရှမ်း အိုးစည်နှင့် ရှမ်းတိုင်း ရင်းသားရိုးရာအက ပြိုင်ပွဲမှ ဆုရရှိသူများကို ဆုများ ဆက်လက်ပေးအပ်ခဲ့သည်။
ရန်နိုင်
စံတော်ချိန် နေ့စဉ်သတင်းစာ