Thursday, January 30, 2014

မလေးရှားတွင် အကျဉ်းကျ မြန်မာများ တစ်လတစ်ကြိမ် နေရပ်ပြန်ခေါ် မည်ဟုဆို

ရန်ကုန်၊ ဇန်နဝါရီ ၂၉
မလေးရှားနိုင်ငံ အကျဉ်းထောင်များတွင် အကျဉ်းကျ ခံနေရသည့် မြန်မာများကို တစ်လတစ်ကြိမ်နှုန်းဖြင့် နေရပ်ပြန်ခေါ်ရန် စီစဉ်ထားကြောင်း ဇန်နဝါရီလ ၂၉ ရက်နေ့က မလေးရှားတွင် အကျဉ်းကျနေသည့် မြန်မာလုပ်သား ၁၄၀ ကျော်ကို နေရပ်ခေါ်လာစဉ် ရန်ကုန် အပြည်ပြည်ဆိုင် ရာ လေဆိပ်တွင် သီတဂူ အထောက်အဖွဲ့ (မလေးရှား) မှ အတွင်းရေးမှူး ဒေါက်တာမြတ် သူက ပြောကြားသည်။

ဇန်နဝါရီလ ၂၉ ရက်နေ့က နေရပ်ပြန်ခေါ်လာသည့် အကျဉ်းကျခံ မြန်မာလုပ်သား ၁၄၁ ဦးတွင် အမျိုးအသား ၁၀ ဦး ပါဝင်သည်။

အဆိုပါ မြန်မာများကို သီတဂူ ကမ္ဘာ့ဗုဒ္ဓတက္ကသိုလ် အဓိပတိ ဒေါက်တာ အရှင်ဉာဏိဿရ ဦးဆောင်သည့် သီတဂူ အထောက်အကူပြုအဖွဲ့နှင့် ကမ္ဘောဇဘဏ် လီမိတက်တို့ ပူးပေါင်း လှူဒါန်းမှုဖြင့် နေရပ်ပြန်ခေါ် လာခြင်း ဖြစ်သည်။

မလေးရှားတွင် အကျဉ်းကျခံရသူ များကို ဖေဖော်ဝါရီလ ၂၀ ရက် ဝန်းကျင်တွင်လည်း နောက်တစ်ကြိမ် ထပ်မံခေါ်ယူမည်ဖြစ်ပြီး ယခုနေရပ်ပြန်သူများမှာ အကျဉ်းကျခံနေရသူ သီးသန့်ခေါ်လာခြင်း ဖြစ်ကြောင်း၊ ၎င်းတို့ကို အိမ်ပြန်ရန် လမ်းစရိတ် တစ်ဦးလျှင် ကျပ်နှစ်သောင်းစီ ပေးကြောင်း ဒေါက်တာမြတ်သူက ဆိုသည်။
“အရင်က အပြင်က လူတွေပါခေါ်တော့။ ဒုက္ခသည် မဟုတ်တဲ့ ဒုက္ခသည်အတုတွေ ပါလာတယ်။ အဲဒါကြောင့် အပြင်က လူတွေကို မခေါ်ဘူး” ဟု ၎င်းက ပြောဆိုသည်။

မလေးရှားနိုင်ငံတွင် သွားရောက် အလုပ်လုပ်ကိုင်ရန် ကျပ် ၁၀ သိန်းပေးခဲ့ရပြီး တရားမဝင် လမ်းကြောင်း (အောက်လမ်း) က သွားရောက်ခဲ့သဖြင့် မလေးရှားနိုင်ငံသို့ ရောက်သည့်နေ့တွင် ဖမ်းဆီးခံခဲ့ရကြောင်း ရှမ်းပြည်နယ် လားရှိုးမြို့မှ ဦးမောင်ကျော်ဦးက ပြောကြားသည်။
“အလုပ် မလုပ်ခဲ့ရဘူး။ ထောင်မှာ သုံးလ နေခဲ့ရတယ်။ ထောင်က ဘယ်မှာရှိတယ်ဆိုတာ မသိခဲ့ဘူး” ဟု ၎င်းကဆိုသည်။

အကျဉ်းကျ ခံရသူများများကို နေရပ်ပြန်ခေါ်လာစဉ် ကွာလာလမ်ပူ လေဆိပ်တွင် အမျိုးသမီးအများစု အပါအဝင် မြန်မာ ၅၀ ခန့်မှာ အေးဂျင့် လာမခေါ်သဖြင့် သောင်တင်နေသည်ကို တွေ့ခဲ့ရကြောင်း သီတဂူ သာသနာပြုအဖွဲ့ အောက်မြန်မာပြည် အတွင်းရေးမှူး (၄) ဦးမြင့်အောင်က ပြောကြားသည်။

သီတဂူ အထောက်အကူပြုအဖွဲ့နှင့် ကမ္ဘောဇဘဏ် လီမိတက်တို့ ပူးပေါင်း လှူဒါန်းမှုဖြင့် ကွာလာလမ်ပူ မှ မြန်မာနိုင်ငံသို့ MAI စင်းလုံးငှား လေယာဉ်ဖြင့် မလေးရှားနိုင်ငံတွင် အကျဉ်းကျ ခံနေရသည့် မြန်မာလုပ် သား ၁၇၆ ဦး ဇူလိုင်လ ၁၆ ရက်နေ့တွင်လည်း တစ်ကြိမ် ပို့ဆောင်ပေးခဲ့ပြီး ဖြစ်သည်။

မလေးရှားနိုင်ငံ အခြေစိုက် သီတဂူ အထောက်အကူပြု အဖွဲ့သည် ကမ္ဘောဇဘဏ် လီမိတက်နှင့် ပူးပေါင်း၍ မလေးရှားတွင် ဒုက္ခရောက်နေသူ၊ အကျဉ်းကျနေသူ မြန်မာလုပ်သားများကို မြန်မာနိုင်ငံသို့ ယခုတစ်ကြိမ် အပါအဝင် ကိုးကြိမ်တိုင်တိုင် စရိတ်ငြိမ်း ပို့ဆောင်ပေးခဲ့ပြီး လူဦးရေအားဖြင့် စုစုပေါင်း ၁၅၀၀ ဝန်းကျင်ရှိပြီ ဖြစ်ကြောင်း ဒေါက်တာမြတ်သူက ဆိုသည်။
The Voice Weekly