Friday, January 31, 2014

တက္ကသိုလ်ဝင်တန်း အသက် ၆၃ နှစ် အမျိုးသား ဝင်ရောက် ဖြေဆိုမည်

ကော့သောင်း၊ ဇန်နဝါရီ ၃၀
တနင်္သာရီတိုင်းဒေသကြီး ကော့သောင်း မြို့နယ်တွင် ၂၀၁၃-၂၀၁၄ ပညာသင်နှစ် တက္ကသိုလ်ဝင်ခွင့် စာမေးပွဲကို ဝင်ရောက် ဖြေဆိုမည့် အသက် ၆၃ နှစ်အရွယ်ရှိ ဦးအောင်ရွှေသည် စာမေးပွဲ ဖြေဆိုရန် လပိုင်း အလိုအထိ စိတ်ကြိုက် မြန်မာစာ ပုံနှိပ်စာအုပ် မရသေးဟု ကာယကံရှင် ဦးအောင်ရွှေထံမှ သိရသည်။

၎င်းသည် ၁၉၇၃ ခုနှစ်က တစ်ခါ ဖြေဆိုခဲ့ဖူးပြီး အကြောင်းအမျိုးမျိုးကြောင့် မဖြေဖြစ်တော့ရာမှ ၂၀၁၁ - ၂၀၁၂ ပညာသင်နှစ်မှ စပြီး ပြန်လည် ဖြေဆိုခဲ့ကြောင်း၊ ဝိဇ္ဇာအတွဲ(၄)နှင့် စိတ်ကြိုက် မြန်မာစာကို ယူထားသော်လည်း ပြန်လည် ဖြေဆိုသည့်နှစ်မှ စပြီး ယခုနှစ် သုံးနှစ်မြောက်အထိ စိတ်ကြိုက် မြန်မာစာ ပုံနှိပ်စာအုပ်ကို လက်ဝယ် မရရှိသေးကြောင်း ဦးအောင်ရွှေက ပြောကြားသည်။

“မြို့နယ် ပညာရေးမှူးရုံး၊ တိုင်းပညာရေးမှူးရုံး၊ တက္ကသိုလ်က မြန်မာစာ ဌာနတွေကို မေးတယ်။ သူတို့မှာလည်း မရှိဘူး။ အခုထိ စိတ်ကြိုက် မြန်မာစာကို မလေ့လာရသေးဘူး။ တခြားဘာသာတွေက အခက်အခဲ မရှိဘူး” ဟု ဦးအောင်ရွှေက ဆိုသည်။

တနင်္သာရီတိုင်းတွင် စိတ်ကြိုက် မြန်မာစာဘာသာကို ဖြေဆိုသူမှာ ဦအောင်ရွှေ တစ်ဦးသာရှိပြီး ယင်းပုံနှိပ်စာအုပ်ကို မိမိ ကိုယ်တိုင်လည်း မမြင်ဖူးကြောင်း၊ ဖြစ်နိုင်လျှင်ဘာသာရပ် ပြောင်းပြီး ဖြေဆိုစေ လိုကြောင်း ကော့သောင်း မြို့နယ် ပညာရေးမှူးက ပြောကြားသည်။

ပုံနှိပ်စာအုပ် မရှိသည့်အတွက် မြန်မာ့အလင်းတွင် ပါသည့် စိတ်ကြိုက် မြန်မာစာ ဖြေဆိုပုံ ဖြေဆိုနည်း ကိုသာ လေ့လာနေရကြောင်း၊ ယခင် ဒသမတန်း တက်ရောက်စဉ်က စိတ်ကြိုက် မြန်မာစာ ဘာသာကို ယူထားသည့်အတွက် ပြန်ဖြေသည့် အချိန်တွင် ယင်းဘာသာကို ယူလိုက်ခြင်း ဖြစ်ကြောင်း ဦးအောင်ရွှေက ပြောဆိုသည်။

လူငယ်များ၊ ကျောင်းသူ ကျောင်းသားများအနေနှင့် ပညာ၏ တန်ဖိုးကို အလေးအနက် ထားလာရန်၊ ပညာလို အိုသည်မရှိ ဟူသည်ကို သိလာရန် ရည်ရွယ်ပြီး တက္ကသိုလ်ဝင်တန်း စာမေးပွဲကို ပြန်ဖြေ ခြင်း ဖြစ်ကြောင်း ဦးအောင်ရွှေက ဆိုသည်။

ကော့သောင်းမြို့ တက္ကသိုလ်ဝင်တန်း စာမေးပွဲ ဖြေဆိုသူများသည် သိပံ္ပဘာသာတွဲနှင့် ဝိဇ္ဇာဘာသာတွဲ(၁)၊ ဝိပ္ပံဘာသာတွဲ (၇) များကိုသာ အများစု ဖြေဆိုကြကြောင်း ကော့သောင်း အ.ထ.က (၁) မှ အထက်တန်းပြ ဆရာမတစ်ဦးက ပြောကြားသည်။

မြန်မာတစ်နိုင်ငံလုံးတွင် စိတ်ကြိုက် မြန်မာစာ ဖြေဆိုသူ နှစ်ဦးသာရှိကြောင်း တနင်္သာရီတိုင်းဒေသကြီး ပညာရေး ညွှန်ကြားရေးမှူး ရုံးထံမှ သိရသည်။

ဦးအောင်ရွှေသည် လက်ရှိတွင် တနင်္သာရီတိုင်း အမျိုးသားဒီမိုကရေစီ အဖွဲ့ချုပ် တိုင်းသဘာပတိ အဖွဲ့ဝင်တစ်ဦးလည်း ဖြစ်သည်။
Dawei Watch
The Voice Weekly