Wednesday, December 4, 2013

Facebook နှင့် Twitter အသုံးပြုသူများအတွက် မူဝါဒရေးရာတရားဝင် လမ်းညွှန်ချက်များ ပြဋ္ဌာန်းသွားမည်

ဝါရှင်တန်၊ ဒီဇင်ဘာ ၄
တရားရေးရာကိစ္စရပ်များနှင့်စပ်လျဉ်း၍ အွန်လိုင်းပေါ်တွင် ထင်မြင်ချက်ပေးခြင်းကြောင့် မရည်ရွယ်ဘဲ ဥပဒေချိုးဖောက်မိခြင်းမှ ကာကွယ်ရန်အတွက် facebook နှင့် Twitter အသုံးပြုသူများအတွက် ယခင် က ပုံနှိပ်ထုတ်ဝေခြင်းမရှိသေးသည့် မူဝါဒရေးရာ တရားဝင်လမ်းန်ချက်များကို ပုံနှိပ်ထုတ်ဝေသွားမည် ဖြစ်ကြောင်း သိရသည်။

ယခင်က ရုပ်မြင်သံကြားနှင့် ပုံနှိပ်မီဒီယာများတွင်သာ ထုတ်ပြန်ထားသော အကြံပြုချက်များကို မျှတမှု ရှိသော တရားစီရင်မှုများကို လုပ်ဆောင်နိုင်ရန်အတွက် ရေးဆွဲခဲ့ခြင်းဖြစ်ကြောင်း ရှေ့နေချုပ် မိုမီနစ် ဂရစ်ကြူစီက ပြောကြားသည်။

တရားရေးရာစီရင်မှုများမတိုင်မီ တရားရေးရာကိစ္စရပ်များကို ထင်မြင်ချက်ပေးခြင်းဖြင့် တရားဝင်ပြဋ္ဌာန်း ထားသော ဥပဒေရေးရာများကို ရှောင်ရှားရန်လုပ်ဆောင်မှုကို တားဆီးရန်အတွက် မိမိအနေဖြင့် လမ်းညွှန်ချက်မူဝါဒရေးရာကို ပြောင်းလဲခြင်းဖြစ်ကြောင်း ၎င်းက ပြောကြားသည်။

facebook နှင့် Twitter ကဲ့သို့သော မီဒီယာများသည် ယခုအခါ ၎င်းတို့၏ ၀က်ဘ်ဆိုဒ်ပေါ်တွင် စာသား များ ရိုက်ထည့်ခြင်းဖြင့် လူထောင်ပေါင်းများစွာကို ၀င်ရောက်ကြည့်ရှုနိုင်ခြင်းသည် စိတ်ကိုတက်ကြွစေ သော အလားအလာများ ဖြစ်စေသော်လည်း ရာဇ၀တ်မှုဆိုင်ရာ တရားရေးရာစနစ်ကို စိန်ခေါ်မှုများ ဖြစ်ပေါ်စေနိုင်သည်။

ရှေးယခင်ကမူ တရားရုံးအမှုနှင့် ပတ်သက်သောအချက်အလက်များကို ကြီးမားများပြားသော လူထုရှေ့ မှောက် အန္တရာယ်ရှိနိုင်လောက်အောင် အရောက်ပို့နိုင်သောအခွင့်အလမ်းမှာ ပင်မမီဒီယာများဖြစ်သော သတင်းစာနှင့် ရေဒီယို ရုပ်သံတွင်သာဖြစ်သည်။

ယခုအခါတွင် ဆက်သွယ်ရေးမီဒီယာ အခြေအနေမှာ ထိုသို့မဟုတ်တော့သဖြင့် ယခင်က မီဒီယာကိုသာ ထုတ်ပြန်ပေးခဲ့သော ဥပဒေအကြံပြုချက်များကို ပုံနှိပ်ထုတ်ဝေရန် ဆုံးဖြတ်ခဲ့ခြင်းဖြစ်သည်။

မူဝါဒရေးရာ တရားဝင်လမ်းညွှန်ချက်များကို AGO’s twitter feed-@AGO--UK<span< a=""> class="apple-converted-space"> နှင့် ရှေ့နေချုပ်ရုံး (AGO) ၏ gov.uk ၀က်ဘ်ဆိုဒ်တို့တွင် ထုတ်ပြန်ပေးသွားမည်ဖြစ်သည်။
Mizzima - News in Burmese