Thursday, December 26, 2013

မြစ်ဆုံစီမံကိန်း ပြန်စတင်ရန် မြန်မာအစိုးရသစ်နှင့် ညှိနှိုင်းမည်ဟုဆို

ရန်ကုန်၊ ဒီဇင်ဘာ ၂၆
ပြည်လုံးကျွတ် ကန့်ကွက် ဆန္ဒထုတ်ဖော်မှုကြောင့် ရပ်ဆိုင်းလိုက်ရသည့် အမေရိကန်ဒေါ်လာ သန်း ၃၆၀၀ တန်ဖိုးရှိ ဧရာဝတီမြစ်ဆုံ ရေအားလျှပ်စစ် စီမံကိန်း ပြန်လည် အကောင်အထည် ဖော်ရန်အတွက် ၂၀၁၅ ရွေးကောက်ပွဲပြီးနောက် တက်လာမည့် အစိုးရသစ်နှင့် ညှိနှိုင်းသွားမည် ဖြစ်ကြောင်း ဧရာဝတီ မြစ်ညာ-မြစ်ဆုံရေအား လျှပ်စစ် စီမံကိန်း ကုမ္ပဏီ၏ ဥက္ကဋ္ဌက ပြောကြားသည်။

ဧရာဝတီ မြစ်ဆုံ ရေအားလျှပ်စစ် စီမံကိန်း အကောင်အထည် ဖော်ဆောင်ရေး ကုမ္ပဏီက ဒီဇင်ဘာလ ၂၆ ရက်နေ့တွင် ဆီဒိုးနား ဟိုတယ်၌ ကျင်းပခဲ့သည့် ကုမ္ပဏီလုပ်ငန်း စတင်ဆောင်ရွက်သည့် ၂၀၁၀ ပြည့်နှစ်မှ ၂၀၁၂ ခုနှစ်အတွင်း မြန်မာနိုင်ငံတွင် ဆောင်ရွက်ခဲ့သည့် သဘာဝ ပတ်ဝန်းကျင်နှင့် လူမှုရေး တာဝန်ယူ မှုဆိုင်ရာ အစီရင်ခံ စာထုတ်ပြန်သည့် အခမ်းအနားတွင် ၎င်းက ယင်းသို့ ပြောကြားလိုက်ခြင်း ဖြစ်သည်။

ယခုအစိုးရ လက်ထက်၌ စီမံကိန်း ဆောင်ရွက်ရန် ပြည်သူလူထု၏ ကန့်ကွက်ဆန္ဒ ထုတ်ဖော်မှုကြောင့် ရပ်ဆိုင်း လိုက်ရသော်လည်း နောက်အစိုးရသစ် လက်ထက်များတွင် စီမံကိန်း ပြန်လည် အကောင်အ ထည် ဖော်ရန်အတွက် နိုင်ငံတကာ စံချိန်စံညွှန်းများ၊ နှစ်ဖက်အစိုးရ သဘောတူ ချုပ်ဆိုထားသည့် စာချုပ်များအရ ညှိနှိုင်းမှုများ ပြုလုပ်သွားမည် ဖြစ်ကြောင်း ၎င်းကဆိုသည်။ “အဓိကတော့ မြန် မာပြည်သူတွေက စီမံကိန်းနဲ့ ပတ်သက်ပြီးတော့ နားလည်မှု လွဲမှားနေတာ တွေ့ရတယ်။ ကျွန်တော်တို့ ဘက်ကလည်း ကြိုးစားပြီး ဖြေရှင်းသွားဖို့ ရှိပါတယ်” ဟု ၎င်းက ရှင်းပြသည်။

ယင်းစီမံကိန်းကို ရပ်ဆိုင်း ထားရသည့်အတွက် ၎င်းတို့ကုမ္ပဏီ အနေနှင့် နှစ်စဉ် အမေရိကန်ဒေါ်လာ သန်း ၅၀၀ ဆုံးရှုံးနေရကြောင်း၊ သဘာဝပတ်ဝန်းကျင် ထိန်းသိမ်းရေးအတွက် အမေရိကန်ဒေါ်လာ ၁၀ သန်း ရင်းနှီးမြှုပ်နှံခဲ့ရကြောင်း ၎င်းကဆိုသည်။

စုစုပေါင်း ရင်းနှီးမြှုပ်နှံမှု တန်ဖိုးပင်လျှင် အမေရိကန်ဒေါ်လာ သန်း ၃၆၀၀ သာရှိသော ယင်းစီမံကိန်း တွင် နှစ်စဉ် ဆုံးရှုံးငွေ သန်း ၅၀၀ ရှိသည်ဆိုသည့် ကိစ္စနှင့် ပတ်သက်၍ ကုမ္ပဏီက အသေးစိတ် ရှင်းလင်းထုတ်ပြန်ခြင်း မရှိပေ။

စီမံကိန်းတွင် ဒေသတွင်း တိုင်းရင်းသား ကုမ္ပဏီများနှင့် ပူးပေါင်း ဆောင်ရွက်မှုများ ဆောင်ရွက်ခဲ့သည့် အပြင် ကန်ထရိုက် စာချုပ်တန်ဖိုး အမေရိကန်ဒေါ်လာ သန်း ၄၀ ပေးချေခဲ့ပြီး ဖြစ်ကြောင်း ကုမ္ပဏီ ဥက္ကဋ္ဌက ထပ်လောင်း ရှင်းပြသည်။

မြန်မာနိုင်ငံ၏ အသက်သွေးကြော ဖြစ်သော ဧရာဝတီ မြစ်ဆုံဒေသတွင် ဆည်တည်ဆောက်ရန်အ တွက် မြန်မာ အစိုးရက လမ်းညွှန်ချက်အသစ် ထုတ်ပြန်ပြီး စာချုပ်သစ် ချုပ်ဆိုရမည် ဆိုပါက ချုပ်ဆို မည် ဖြစ်ကြောင်း ဧရာဝတီ မြစ်ညာ- မြစ်ဆုံ မြစ်ဝှမ်း ရေအားလျှပ်စစ် လီမိတက်၏ ဒုတိယ ဥက္ကဋ္ဌ Chen Ying က The Voice သို့ ပြောကြားသည်။ “ဒါက မြစ်ဆုံ ပြန်ဆောက်ဖို့လာ ဆက်သွယ်နေတဲ့ သဘော ပဲ။ ပြည်သူ ဖြစ်စေချင်တဲ့အတိုင်း ပြည်သူ့အသံ နားထောင်ရမယ်” ဟု NLD ပါတီ ပြည်သူ့လွှတ်တော် ကိုယ်စားလှယ် ဒေါ်ခင်စန်းလှိုင်က ပြောကြားသည်။

အဆိုပါ စီမံကိန်းကို အကောင်အထည်ဖော် ဆောင်ရွက်နေသည့် တရုတ်အမျိုးသားစွမ်းအင် ကော်ပိုရေးရှင်း သည် ကုလသမဂ္ဂက ချမှတ်ထားသော သဘာဝ ပတ်ဝန်းကျင်နှင့် လူမှုဘဝ တာဝန်ယူမှု ဆိုင်ရာ စည်းမျဉ်း စည်းကမ်းများနှင့်အညီ ဆောင်ရွက်နေခြင်းသာ ဖြစ်ကြောင်း ကုလသမဂ္ဂ ဖွံ့ဖြိုးရေး အစီအစဉ်၏ ကမ္ဘာလုံးဆိုင်ရာ သဘာဝ ပတ်ဝန်းကျင်နှင့် လူမှုဘဝ တာဝန်ယူမှု မြှင့်တင်ရေးရုံး၏ ညွန်ကြားရေးမှူး Dr.Wang Xia guang က The Voice သို့ ပြောကြားသည်။

သို့သော် စီမံကိန်းတိုင်းတွင် ကောင်းကျိုးနှင့် ဆိုးကျိုးများ ရှိသောကြောင့် မြစ်ဆုံ စီမံကိန်းကြီးသည် သဘာဝ ပတ်ဝန်းကျင်နှင့် လူမှုဘဝ တစ်စုံတစ်ရာ ထိခိုက်မှုမရှိဟု မဆိုလိုကြောင်း ၎င်းက ထပ်လောင်း ပြောကြားသည်။

မြန်မာနိုင်ငံ၏ စီးပွားရေး မြှင့်တင်ရေးနှင့် လူနေမှု အဆင့်အတန်း မြင့်မားရေးအတွက် မြစ်ဆုံ စီမံကိန်းသည် အကျိုးဖြစ်ထွန်းနိုင်မည် ဖြစ်သော်လည်း သဘာဝ ပတ်ဝန်းကျင် ထိခိုက်မှုနှင့် ဖြစ်ပေါ်လာမည့် နောက် ဆက်တွဲ အခြေအနေများ အတွက်မှု ဆိုးကျိုးများ ဖြစ်ပွားစေနိုင်ကြောင်း ၎င်းက ရှင်းပြသည်။

နိုင်ငံတော်သမ္မတ အမိန့်ဖြင့် ရပ်ဆိုင်းထားသော အမေရိကန်ဒေါ်လာ သန်းပေါင်း ၃၆၀၀ ကျော် ရင်းနှီးမြှုပ်နှံ ထားသည့် မြစ်ဆုံ ရေအားလျှပ်စစ် စီမံကိန်းပြန်စရန် တရုတ်အမျိုးသား စွမ်းအင် ကော်ပိုရေးရှင်းက အကြိမ်ကြိမ် ကမ်းလှမ်းခဲ့ဖူးသည်။

ကချင်ပြည်နယ် ဧရာဝတီမြစ် အထက်မေခနှင့် မလိခမြစ်ပေါ်တွင် ရေကာတာ ခုနစ်ခု တည်ဆောက်ရန် ၂၀၀၆ ခုနှစ်က တပ်မတော်အစိုးရနှင့် China Power Investment Corporation တို့ အကျိုးတူ ပူးပေါင်း ဆောင်ရွက်ရန် နားလည်မှု စာချွန်လွှာ ရေးထိုးခဲ့ကြသော် လည်း မြန်မာ ပြည်သူများက ပြည်လုံး ကျွတ် ကန့်ကွက် ဆန္ဒထုတ်ဖော်ကြခြင်းကြောင့် နိုင်ငံတော်သမ္မတ ဦးသိန်းစိန်က မြစ်ဆုံ စီမံကိန်းကို မိမိအစိုးရ လက်ထက်တွင် ရပ်ဆိုင်းထားမည်ဟု ၂၀၁၁ ခုနှစ် စက်တင်ဘာလ ၂၉ ရက်နေ့တွင် အမိန့်ထုတ်ပြန်ခဲ့သည်။
The Voice Weekly