Monday, December 16, 2013

ထိုင်း-မြန်မာ ဘောလုံးပွဲ လက်မှတ်မှောင်ခိုဈေး ကမ္ဘာကျော် အဆိုတော် ရှိုးပွဲလက်မှတ်ထက် မြင့်မား

တနင်္လာနေ့၊ ဒီဇင်ဘာ ၁၆ ရက်၊ ၂၀၁၃
မြန်မာ အမျိုးသားဘောလုံးအသင်းအတွက် ဆီမီးအဆင့် တက်ရောက်နိုင်ရေးအရေးပါသည့် ပွဲစဉ် တစ်ပွဲ ဖြစ်သော ထိုင်းအသင်းနှင့်ပွဲစဉ်ကို ဒီဇင်ဘာ ၁၄ ရက်က ရန်ကုန်မြို့ သုဝဏ္ဏဘောလုံးကွင်း၌ ယှဉ်ပြိုင် ကစားရာ ရိုးရိုးတန်း၊ အထူးတန်း ပွဲကြည့်စင် လက်မှတ်များသာမက VIP တန်းလက်မှတ် များပါမကြုံ ဖူးသည့်ဈေးနှုန်းများဖြင့် မှောင်ခိုလက်မှတ်များထွက်ပေါ်ခဲ့သည်။ မှောင်ခိုဈေးနှုန်းများမှာ ရိုးရိုးတန်း ၂၅,၀၀၀ကျပ်၊ အထူးတန်း ၃၅,၀၀၀ ကျပ်၊ VIPတန်း ၇၅၀၀၀ ကျပ်အထိပေါက်ဈေးရှိကြောင်း ထိုင်း-မြန်မာပွဲကို လာရောက်ကြည့်ရှုသည့် သာကေတမြို့နယ်မှ မြန်မာဘောလုံးပရိသတ် ကိုကျော်ကျော်က ပြောသည်။ “အခုပဲမှောင်ခိုရောင်းနေတာတွေ့ခဲ့တယ်။ လက်မှတ်လိုလား၊ ရိုးရိုးတန်းလား၊အထူးတန်း လား၊ VIP တန်းလားဆိုပြီး လိုက်မေးနေတယ်။ ဈေးတွေက ၂၅,၀၀၀၊ ၃၅,၀၀၀၊ ၇၅,၀၀၀တဲ့။ ကျွန်တော်ကတော့ မနက်မိုးမလင်းခင်ကတည်းက တန်းစီပြီး ၀ယ်ထားတဲ့လက်မှတ်နဲ့ ၀င်ကြည့်မှာပါ” ဟု ကိုကျော်ကျော်က ပြောသည်။

၎င်းညွှန်ပြသည့်နေရာသို့သွားရောက်ကာ လက်မှတ်မှောင်ခိုသမား အားရှာဖွေရာ မတွေ့ရှိရတော့ သဖြင့် မှောင်ခိုသမားအား မေးမြန်းနိုင်ခြင်းမရှိပါ။ VIP တန်းမှောင်ခိုလက်မှတ် ၇၅,၀၀၀ ကျပ်ဆိုသည် မှာမြန်မာနိုင်ငံသို့ လာရောက်ဖျော်ဖြေခဲ့သော ဆွီဒင်မှ ကမ္ဘာကျော် အဆိုတော်အဖွဲ့ ABBA ၏ လက်မှတ်ဈေးနှုန်းထက်ပင်များနေခဲ့သည်။ ABBA အဖွဲ့လာရောက်ဖျော်ဖြေ စဉ်ကအမြင့်ဆုံးလက် မှတ်ဈေးနှုန်းမှာ ကျပ် ၆၀,၀၀၀ ဖြစ်သည်။ဘောလုံးပွဲလက်မှတ် ရောင်းချရာတွင် ဒီဇင်ဘာ ၁၃၊ ၁၄ နှစ်ရက်ခွဲကာတစ်ရက် စောင်ရေ ၁၀,၀၀၀ နှုန်းဖြင့်နံနက် ၁၀ နာရီမှ စတင်၍ ပထမရက်တွင်ဘော လုံးအဖွဲ့ချုပ်၊ အောင်ဆန်းကွင်း၊စလင်းကွင်း၊ ပဒုမ္မာကွင်းတို့၌ ရောင်းချပေးခဲ့ပြီး ဒုတိယရက်တွင် ဘောလုံး အဖွဲ့ချုပ်၌ ရောင်းချပေးခဲ့ခြင်းဖြစ်သည်။ လက်မှတ်ရရှိရေးအတွက် ပရိသတ် အချို့မှာနံနက် ၄း၀၀ နာရီ ၀န်းကျင်ကတည်းကစောင့်ဆိုင်းဝယ်ယူမှုများရှိခဲ့သည်။ ယင်းပရိသတ်များထဲ တွင် မှောင်ခိုသမားများပါ ပါဝင်လာခဲ့ခြင်းဖြစ်သည်။ ဒီဇင်ဘာ၁၄ ရက် နံနက်ကလည်း လက်မှတ်ဝယ်ယူ လိုသည့် ပရိသတ်များ လွန်း၍လောက်ငှအောင် ရောင်းချမပေးနိုင်ခြင်းအားနားလည်ပေးပါရန် မြန်မာ နိုင်ငံဘောလုံးအဖွဲ့ ချုပ်ဥက္ကဋ္ဌ အပါအ၀င်ဘောလုံးအဖွဲ့ချုပ်မှလူကုန်ထွက်ပြီးပရိသတ်ကို မေတ္တာရပ်ခံ ခဲ့ရကြောင်းဆီးဂိမ်းဘော လုံးပွဲစဉ်များတွင် မီဒီယာတာဝန်ခံအဖြစ်ကူညီဆောင်ရွက်ပေးနေသူတစ်ဦးဖြစ် သည့် ကိုအောင်ကျော် ကပြောသည်။ “လက်မှတ်က ကွင်းဆံ့သလောက်ပဲရောင်းနိုင်တယ်လေ။ ကြည့်ချင်တဲ့ ပရိသတ်က သိန်းချီနေတယ်။မနက်တုန်းကဆိုရင် ဥက္ကဋ္ဌအပါအ၀င်အဖွဲ့ချုပ်ကလူကုန်ထွက်ပြီး ပရိသတ်ကိုမနည်းမေတ္တာရပ်ခံခဲ့ရတယ်” ဟုကိုအောင်ကျော်က ထိုင်း-မြန်မာ ပွဲစဉ်အပြီးတွင် ပြောသည်။

သုဝဏ္ဏကွင်းမှာပရိသတ် ၃၅,၀၀၀ ၀န်းကျင်ဝင်ဆံ့ပြီးကြိုတင်လက်မှတ်များအပါအ၀င် ပရိသတ်ထံ လက်မှတ်စောင်ရေ ၂၅,၀၀၀ရောင်းချပေးခဲ့ခြင်းဖြစ်သည်။ ကျန်အရေအတွက်မှာ စပွန်ဆာများ၊ VIP များ၊ဖိတ်ကြားခံ ပုဂ်္ဂိုလ်များအတွက် ခွဲတမ်းဖြစ်သည်။ VIPတန်းလက်မှတ်မှောင်ခိုများ ထွက်ပေါ်ခဲ့ခြင်း ကို ဘောလုံးအဖွဲ့ချုပ်မှလည်း ကြားသိခဲ့ကြောင်းနှင့် မဖြစ်သင့်ကြောင်း မြန်မာနိုင်ငံဘောလုံးအဖွဲ့ချုပ် မှ မြန်မာနေရှင်နယ်လိဂ်ပြိုင်ပွဲကျင်းပရေးဒါရိုက်တာနှင့် ဆီးဂိမ်းဘောလုံးပြိုင်ပွဲ ဖြစ်မြောက်ရေး ပေါင်းစပ် ညှိနှိုင်းပေးသူအဖြစ် တာဝန်ယူနေသည့် ဦးရဲမျိုးဟိန်းကပြောသည်။ “VIP လက်မှတ်က စပွန်ဆာတွေ ကိုပေးတယ်။ ဧည့်သည်တော်တွေကိုပေးရတာရှိတယ်။ အစိုးရ၀န်ကြီးဌာနတွေရှိမယ်။ အခုဒီလို မှောင်ခို ထွက်လာတယ်ဆိုတော့ ပြန်စိစစ်ဖို့လိုလာပါပြီ။အဖွဲ့ချုပ်မှာ ဒီ VIP လက်မှတ်မှောင်ခိုကိစ္စအတွက်ပြန်ပြီး အစည်းအဝေးထိုင်ခဲ့တယ်။ တကယ်တော့ VIP ဆိုတာ priority(ဦးစားပေး) ပေးတာပါပဲ။ အလေး ထားပြီးပေးတာကို ဒီလိုမလုပ်သင့်ပါဘူး။ VIPတန်းအတွက် လက်မှတ်စောင်ရေ၅၆၅ စောင်၊ VIP တန်းရှေ့မှာ မေတ္တာလက်မှတ်တန်းက ၁,၀၆၆ စောင်ရှိပါတယ်။ အဲဒါကတော့ ဂျာနယ်တိုက်တွေ၊ အားကစားအသင်းတွေ၊ သံရုံးတွေ၊ နိုင်ငံတကာက ပရိသတ်တွေအတွက်ပါ။

ဒီနေ့မှာဆိုရင် ထိုင်းပရိ သတ်တွေအတွက်ထိုင်း ဘောလုံးအဖွဲ့ချုပ်ဥက္ကဋ္ဌကို ပေးလိုက်တယ်။ VIP လက်မှတ်အရေအတွက်ကိုတော့ ပြန်လျှော့ဖို့မရှိပါဘူး။ ပေးတဲ့လူတွေအနေနဲ့ အဆင့်အတန်းလေး တစ်ခုရှိဖို့ပဲလိုပါတယ်”ဟု ဦးရဲမျိုးဟိန်းကပြောသည်။ ထိုင်းနှင့် မြန်မာပွဲစဉ်မှာအကြိတ်အနယ်ရှိခဲ့ပြီး တစ်ဖက် တစ်ဂိုးစီဖြင့် သရေ ကျခဲ့ရာ ၇ မှတ်ရထားသောမြန်မာဘောလုံးအသင်းမှာ ယနေ့တွင် အင်ဒိုနီးရှားအသင်းနှင့် အဆုံးဖြတ်ပွဲကစားရတော့မည်ဖြစ်ပြီး ဆီမီးအဆင့်တက်ရောက်ရန် အင်ဒိုနီးရှားကို အနိမ့်ဆုံးသရေကစားရန် လိုအပ်သည်။
Mizzima - News in Burmese