Monday, December 30, 2013

ဆန္ဒပြမှုကြီးများနှင့် ရင်ဆိုင်နေရသည့် ဘန်ကောက်မြို့

Thu, 01/01/1970
ထိုင်းနိုင်ငံ၏မြို့တော်ဖြစ် သော ဘန်ကောက်မြို့၌ ဒီဇင်ဘာ လ (၂၂) ရက်နေ့တွင်အစိုးရအား ဆန့်ကျင် သည့် လူထုဆန္ဒပြပွဲကြီး များဖြစ်ပွားခဲ့သည်။ ထိုင်းနိုင်ငံဘ ၏၀န်ကြီးချုပ်ရင်လတ်ရှင်နာဝါထရာ သည်သူမအတွက်နိုင်ငံရေးထောက်ခံ မှုခိုင်မာသည့်ဒေသဖြစ်သောနိုင်ငံ၏ အရှေ့မြောက်ပိုင်းဒေသသို့ခရီး ထွက်ခွာနေစဉ်အစိုးရအားဆန့်ကျင် ဆန္ဒပြသူများသည်သူမအား နှုတ်ထွက်ပေးရန် သူမ၏နေအိမ်  ပတ်ဝန်းကျင်တွင်လည်း ဆန္ဒပြခဲ့ ကြပြီးဆန္ဒပြခေါင်းဆောင်များက မိန့်ခွန်းပြောကြားရာတွင် ၀န်ကြီး ချုပ်ရင်လတ်နှုတ်ထွက်မပေးပါက လနှင့်ချီ၍ကျယ်ကျယ်ပြန့်ပြန့် လူထုဆန္ဒပြပွဲများပြုလုပ်သွားကြ မည်ဖြစ်ကြောင်း ပြောကြားခဲ့ကြ သည်။

ဆန္ဒပြသူများသည်အရောင်း အ၀ယ်စည်ကားရာနေရာများအပါ အ၀င်ဘန်ကောက်မြို့လယ်တွင် တစ်ဒါဇင်မက လူစုခွဲ၍ဆန္ဒပြ ခဲ့ကြကာဝန်ကြီးချုပ်ရင်လတ်နေ အိမ်တွင်ရှိမနေသော်လည်းလုံခြုံရေး တင်းကြပ်ထားသည့်ကြားမှသူမ၏ နေအိမ်အားထောင်ပေါင်းများစွာ သောဆန္ဒပြသူများက ၀ိုင်းရံခဲ့ကြ သည်။

ဝန်ကြီးချုပ်ရင်လတ်သည် ဒီဇင်ဘာလ (၉) ရက်နေ့က လွှတ်တော်အားဖျက်သိမ်းခဲ့ပြီး ဖေဖော်ဝါရီလ (၂) ရက်နေ့တွင် ရွေးကောက်ပွဲကျင်းပပေးမည်ဖြစ် ကြောင်းကြေညာခဲ့ကာထိုအချိန် မှစတင်၍ နိုင်ငံ၏မြောက် ပိုင်းနှင့် အရှေ့မြောက်ပိုင်းဒေသများသို့ခရီး ထွက်ခွာခဲ့သည်။ သူမ၏ခရီးစဉ်တွင် ဖူထိုင်းပါတီအားထောက်ခံ သူများကသူမအားလာရောက်တွေ့ ဆုံးခဲ့ကြပြီး သူမအားထောက်ခံ သည့်ကြွေးကြော်သံများဖြင့်ထောက် ခံအားပေးခဲ့ကြသည်။

သို့ရာတွင် ၀န်ကြီးချုပ် ရင်လတ်သည်သူမနှင့် သူမ၏ အစ်ကိုဖြစ်သူဝန်ကြီးချုပ်ဟောင်း သက်စင်တို့ အားနိုင်ငံရေးလောက မှဖယ်ရှားလိုသည့်အတိုက်အခံများ၏ သင်္ကေတဖြစ်သော ခရာမှုတ်သံ များမှလည်း မလွတ်မြောက်နိုင် ခဲ့ပေ။ အတိုက်အခံများအား သူမ သွားရောက်ခဲ့ရာပြည်နယ်အားလုံး နီးပါးတွင်တွေ့ကြုံခဲ့ရသည်။

နောင်းခိုင်တွင်သူမနေ့လည်စာ စားရန်သွားရောက်ချိန်၌ဆန္ဒပြသူ (၇) ဦးခန့်က ထိုင်းနိုင်ငံအလံ များဝှေ့ရမ်း ၍ ခရာများမှုတ်ပြီး “ထွက်သွား၊ ထွက်သွား”ဟု အော်ဟစ်ခါဆန္ဒပြခဲ့ကြသည်။ အူဒွန်သနီမှနောင်းခိုင်သို့ မီးရထား ဖြင့်ထွက်ခွာလာစဉ်တွင်လည်း ၀န်ကြီးချုပ်ရင်လတ်သည် သူမ၏ နေအိမ်ရှိကင်မရာကွန်ယက်နှင့် ချိတ်ဆက်ထားသောအိုင်ပဒ်မှတဆင့် ဆန္ဒပြသူများ၏လှုပ်ရှားမှုများကို ကြည့်ရှုခဲ့သည်။ သူမက ဗန်ကောက်တွင်ဖြစ်ပွားနေသည့် လူထုဆန်္ဒပြမှုများအတွက်စိုးရိမ်  မကင်းဖြစ်မိကြောင်းဝန်ခံခဲ့ပြီး သူမ၏ ရုံးဝန်ထမ်းများအား သူမနေအိမ်တွင်မရှိကြောင်းဆန်္ဒပြ သူများကိုပြောကြားရန် သတင်း စာသားပေးပို့ခဲ့သည်။

ဝန်ကြီးချုပ်ရင်လတ်သည် သူမ၏ ခရီးစဉ်အတွင်းအများဆုံး လုပ်ဆောင်ခဲ့သည်မှာ ကျေးရွာသူ ကျေးရွာ သားများနှင့် သွားရောက် တွေ့ဆုံခြင်း၊ ဆရာတော်ကြီးများ အားဂါရ၀ပြုပြီးကောင်းမှုကုသိုလ် များပြုလုပ်ခြင်း၊ နောင်ဘွာလမ်ပူတွင် ငါးလွှတ်ခြင်းများပြုလုပ်ခဲ့ပြီး သူမ၏ဘေးတွင်ထောက်ခံသူများ ၀ိုင်းနေသည့်အခါတွင်ပျော်ရွှင် နေဟန်ရှိကာနှစ်သစ်ကူးမတိုင်မီ ဘန်ကောက်သို့ပြန်လာမည့်ပုံမပေါ် ပေ။

တစ်ချိန်တည်းတွင်ပင်အတိုက် အခံပါတီကဖေဖော်ဝါရီလရွေးကောက် ပွဲအား ဖျက်သိမ်းပေးရေးအတွက် ဆန္ဒပြမည်ဖြစ်ကြောင်းဆုံးဖြတ်ပြီး နောက်တစ်ရက်တွင် ပီဒီအာရ်စီ အထွေထွေအတွင်းရေးမှူးချုပ် ဆူသက်သပ်စူဘန်က ဆန်္ဒပြသူ ထောင်ပေါင်းများစွာအားဦးဆောင် ၍ဘန်ကောက်မြို့၏အဓိကနေရာ ကြီး (၅) ခုတွင် စုဝေးဆန္ဒပြခဲ့ကြ သည်။

ဆူသက်သည်အခြားသော အဓိကလူထုလှုပ်ရှားဆန်္ဒပြမှုတစ်ရပ် ဖြစ်သည့်ရပ်ဂ်ျဒမ်နွန်းလမ်းမှဝေါင်ဝီ ယန်ယိုင်သို့လမ်းလျှောက်၍ရင်လတ် အစိုးရဖြုတ်ချရေးအတွက်သွန်ဘူရီ ဌာနေလူထုထောက်ခံမှုရရှိရေး လှုပ်ရှားမှုအားလည်း ဦးဆောင်ခဲ့ သည်။ထိုသို့လမ်းလျှောက်ချီတက် ရာတွင် လမ်းဘေးဝဲ/ယာ၌ ထောက် ခံသူလူအများစုပြုံကာဆန်္ဒ ပြချီတက်သူများအားကြိုဆိုခဲ့ ကြသည်။ အချို့သောသူများက ခရာများမှုတ်၍ အချို့ကထိုင်း နိုင်ငံအလံများဝှေ့ယမ်းကာအချို့ ကလည်း အလှူငွေကောက်ခံရန် အတွက် အိတ်အမဲကြီးတစ်လုံး အား သယ်ဆောင်လာသည့်ဆူ သက်ထံသို့အလှူငွေများပေးအပ် လှူဒါန်းကြသည်။ အချို့သော ကြည့်ရှုအားပေးသူများကလည်း ဆန္ဒပြချီတက်မှုတွင်ပါဝင်ပူးပေါင်းခဲ့ ကြသည်။  ဆူသက်ကလက်သီး လက်မောင်းတန်း၍ချီတက်သူများအား ဦးဆောင်ကာဆာသွန်တံတား အား ဖြတ်ကျော်ပြီးကုမ္ပဏီတွင် ဆန္ဒပြ သူများနှင့်ပူးပေါင်းခဲ့သည်။ ထိုနောက်ဆက်လက်၍ ဆန္ဒပြ နေရာ (၄) ခုမှ ဆန္ဒပြသူများနှင့် ပူးပေါင်းခဲ့ပြန်သည်။

ဆန္ဒပြသူများ၏အရေအတွက် မှာမျှော်လင့်ထားသည်ထက်ပိုမို များပြားကြောင်း၊ အစိုးရ နှုတ်ထွက်မပေး ပါက နောက်ထပ် (၇)ရက်မှ (၁၀) ရက်အထိ လမ်း မများပေါ်သို့ပိုမို ထွက်ပြီးပိတ်ဆို့ ဆူသက်ကပြောကြား သည်။ ဆန္ဒ ပြသူအများအပြားကလည်းဆူသက် ကနောက်ထပ်တစ်ကြိမ်ခေါ်ယူလျှင် နှစ်သစ် ကူးနောက်ပိုင်းတွင်ပင်၎င်းင်း တို့ပါဝင်ကြမည်ဖြစ်ကြောင်း၊ တစ်ဝက်တစ်ပျက်နှင့် ရပ်မထား နိုင်ကြောင်း၊ အဆုံးတိုင်ပါဝင် ပူးပေါင်းမည်ဖြစ်ကြောင်းပြော   ကြားကြသည်။

ရတ်ချာပရာဆောင်တွင်ဆန္ဒ ပြသူများသည်နံနက်ခင်းကပင် စုဝေးနေခဲ့ကြပြီးပါဝင်ခဲ့ကြသည့် ရုပ်ရှင် သရုပ်ဆောင်မင်းသားနှင့် မင်းသမီးများအနက် အော်နာပါ ခရစ်္စာဒီးခေါ်မားလည်းအပါအ၀င် ဖြစ်ခဲ့သည်။ ဒီမိုကရက်တစ်အကြံ ပေးအရာရှိချုပ်ချွန်လီးပိုင်က လည်း ပါတီဌာနချုပ်မှအပေါင်း အဖော်များ အားဦးဆောင်၍ဒီမိုကရီစီ အဆောက်အဦဆန္ဒပြနေရာသို့ ချီတက်လာခဲ့သည်။

ဆန္ဒပြသူများသည်ဘန်ကောက် မြို့အားလှုပ်ရှား၍မရအောင် ပိတ်ဆို့ထားခဲ့ကြပြီးအငြင်းပွားနေ သည့်ရွေးကောက်ပွဲအတွက်ပါတီ များကစာရင်းသွင်း၍မရအောင် ပိတ်ဆို့ထားမည်ဖြစ်ကြောင်းလည်း သန်္နိဋ္ဌာန်ချမှတ်ထားခဲ့ကြသည်။ ထိုဆန်္ဒပြမှုများသည်အဓိက အတိုက်အခံပါတီဖြစ်သည့်ဒီမိုက ရက်တစ်ပါတီက ၀န်ကြီးချုပ်ရင် လတ်ကြေညာခဲ့သည့်ဖေဖော်ဝါရီ လ (၂)ရက်နေ့ရွေးကောက်ပွဲအား သပိတ်မှောက်မည်ဖြစ်ကြောင်း ကြေညာချက်ထုတ်ပြန်ပြီးသည့် နောက်ပိုင်းတွင်ဖြစ်ပေါ်လာခဲ့ခြင်း ဖြစ်သည်။

အမျိုးသားလုံခြုံရေးကောင်စီ ၏အကြီးအကဲပါရာဒွန်ပတ္တနာတာ ဘတ်ကအနည်းဆုံးလူပေါင်း တစ်သိန်းခွဲခန့်သည်ဘန်ကောက် မြို့အနှံ့အပြားတွင်စုရုံးခဲ့ကြ ကြောင်းပြောကြားသော်လည်း  ဆန္ဒပြခေါင်းဆောင်များက လူ အရေအတွက်မှာထိုထက်အဆ ပေါင်းများစွာများပြားကြောင်း ပြောကြား ကြသည်။ ၀န်ကြီးချုပ် ရင်လတ်ကမငြိမ်မသက်ဖြစ်ပေါ်နေ မှုများပပျောက်သွားစေရန်ကြိုးပမ်း သော အနေနှင့်ရွေးကောက်ပွဲခေါ် ယူခဲ့သော်လည်း ထိုင်းနိုင်ငံ၏ အရေးအခင်းများမှာ ပို၍ပို၍ နက်ရှိုင်းလာနေသည်။

ဆန္ဒပြသူများက ထိုင်း နိုင်ငံအား ၀န်ကြီးချုပ်ရင်လတ်နှင့် ဒူဘိုင်းတွင်အခြေစိုက်နေထိုင်သည့် သူမ၏အစ်ကိုဝန်ကြီးချုပ်ဟောင်း သက်စင်တို့၏အာဏာလွှမ်းမိုးမှုမှ လွတ်မြောက်စေလိုသည်။ ၎င်းတို့ ၏အဆိုအရ၀န်ကြီးချုပ်ဟောင်း သက်စင်သည်ပြည်ပမှနေ၍အစိုးရ အားကြိုးကိုင်နေ ဆဲဖြစ်ကြောင်း ပြောကြားကြသည်။ ထို့ကြောင့် ပင်ဆန်္ဒပြခေါင်းဆောင်ဆူသက် ကရင်လတ်ခေါ်ယူ သည့်ရွေးကောက် ပွဲသည်အခြားသောသက်စင်ပူးပေါင်း အစိုးရအဖွဲ့တစ်ဖွဲ့သာဖြစ်လာမည် ဟုဆိုကာရွေးကောက်ပွဲခေါ်ယူခြင်း အားငြင်းပယ်ခဲ့ခြင်းလည်းဖြစ် သည်။

ဗန်ကောက်မြို့၏ဒီမိုကရေစီ အဆောက်အဦ၌ဆူသက်က မိန့်ခွန်းပြောကြားရာတွင် ရွေးကောက်ပွဲကော် မရှင်ကနိုင်ငံ ရေးပါတီများကို မှတ်ပုံတင်ရန် လက်ခံမည့်နေရာအား ဒီဇင်ဘာလ (၂၃)ရက်နေ့မှစတင်၍ပိတ် ဆို့ ထားရန်ဆန်္ဒပြသူများအား တောင်းဆိုလိုက်သည်။

ဆန္ဒပြမှုများဆက်တိုက် ဖြစ်ပွားခဲ့ပြီးနောက်ဒီဇင်ဘာလ (၂၆) ရက်နေ့က ဘန်ကောက်လူ ငယ်ဗဟိုဌာန (ထိုင်း- ဂျပန်အား ကစားရုံ) တွင် ဖြစ်ပွားခဲ့သော အဓိကရုဏ်း၌ ရဲအရာရှိတစ်ဦး သေဆုံးခဲ့ပြီး ရဲတပ်ဖွဲ့ဝင် (၂၈) ဦး၊ ဆန္ဒပြသူနှင့်သတင်းသမားအနည်း ဆုံး (၉၆) ဦးတို့ဒဏ်ရာရရှိခဲ့ ကြောင်း အရေးပေါ်ဆေး ၀န်ဆောင်မှု အေဂျင်စီကထုတ်ဖော်ပြောကြား လိုက်သည်။

ပြည်သူ့ကျန်းမာရေးဝန်ကြီး ဌာနကလည်းအနည်းဆုံးဦးခေါင်း တွင် သေနတ်ဒဏ်ရာရရှိခဲ့သော ဆန္ဒပြသူတစ်ဦးအားဦးနှောက်ခွဲစိတ် ကုသပေးခဲ့ရကြောင်းပြောကြား ခဲ့ပြီး ရဲအထွေထွေဆေးရုံ၏ ဒါရိုက်တာရဲဒုဗိုလ်ချုပ်ကြီးဂျွန်ဂျက် အိုဂျန်ပေါင်က အသက် (၄၅) နှစ်အရွယ်ရှိရဲအရာခံနာရောင်း ပီတီဆီသီသည်ညာဘက်ရင်အုံ တွင်သေနတ်ထိမှန်ပြီး ဆေးရုံသို့ သယ်ဆောင်လာရာလမ်းတွင်သွေး ထွက်လွန်ကာဆေးရုံတွင်ကွယ်လွန် ခဲ့ကြောင်းပြောကြားသည်။

ဒီဇင်ဘာလ (၂၆) ရက်နေ့ နံနက်ပိုင်းတွင်ရဲတပ်ဖွဲ့ကဆန်္ဒပြသူ များ အားမျက်ရည်ယိုဗုံးများဖြင့် ပစ်ခတ်ခဲ့ကြပြီး ထိုပစ်ခတ်မှု ကြောင့်ထိုင်းရတ်သ်ရုပ်သံမှသတင်း ထောက်တစ်ဦးဒဏ် ရာရရှိခဲ့ကာ အေအက်စ်ရုပ်သံမှဓာတ်ပုံဆရာ တစ်ဦးမှာလည်း ရာဘာကျည်ဆံ ထိမှန်ခံခဲ့ရကြောင်း၊ ဂျပန်သတင်း ထောက်တစ်ဦးမှာလည်းမျက်နှာတွင် ဒဏ်ရာရရှိခဲ့ကြောင်း သတင်း များတွင်ဖော်ပြလိုက်သည်။

ထိုသို့ရဲတပ်ဖွဲ့နှင့် ဆန်္ဒပြ သူများ အဓိကရုဏ်းဖြစ်ပွားမှု ကြောင့် ရွေးကောက်ပွဲကော်မရှင် ကသက်ဆိုင်ရာပါတီများသဘော တူကျေနပ်မှုရရှိသည်အထိ ရွေးကောက်ပွဲအားရွှေ့ဆိုင်းပေး ရန် တောင်းဆိုလိုက်သော်လည်း ထိုင်းအစိုးရကလက်မခံပဲရွေးကောက် ပွဲအားမူလအစီအစဉ်အတိုင်းသာ ဆက်လက်ကျင်းပသွားမည်ဖြစ် ကြောင်း ဒုဝန်ကြီးချုပ်ပေါင်သက် သပ်ကန်ချာနာက ရုပ်/သံမိန့် ခွန်းပြောကြားရာတွင် ထည့်သွင်း ပြောကြားလိုက်သည်။ ဆန်္ဒပြသူ များကလည်း ၀န်ကြီးချုပ်ရင် လတ်နှုတ်ထွက်မပေးပါက ၎င်းတို့ အနေနှင့်ရွေးကောက်ပွဲအားကျင်းပ ခွင့်ပြုမည်ညမဟုတ်ကြောင်း အခိုင်အမာပြောကြားကြသည်။

နယူးယောက်အခြေစိုက် လူ့အခွင့်အရေးစေင့်ကြည့်ရေး အဖွဲ့မှ အဆင့်မြင့်သုတေသီ ဆူနိုင်းဖာဆွတ်က လည်း ယနေ့ ထိုင်းနိုင်ငံ၏ ဒီမိုကရေစီအား အဓိကရုဏ်းများက ပြန်ပေးဆွဲ သွားကြပြီဖြစ်ကြောင်းအ င်တာနက် တွီတာတွင်ရေးသားလိုက်သည်။
ဥက္ကာအောင်
Hot News Journal