Monday, December 16, 2013

နီကယ်စက်ရုံရဲ့ တောင်ဖြိုမြေများကြောင့်ချောင်းတိမ်ကောပြီး ရေအခက်အခဲတွေ့နေရသူများ

Thu, 01/01/1970
မန္တလေးတိုင်းဒေသကြီး၊ သပိတ်ကျင်းမြို့နယ်နှင့် စစ်ကိုင်း တိုင်းဒေသကြီး၊ ထီးချိုင့်မြို့နယ် အကြား၌ တည်ရှိသော တကောင်း မြို့နယ်ခွဲ၊ အင်းနက်ကျေးရွာအုပ်စု၊ မြိုင်သာယာ(ရေရှင်)ရပ်ကွက်အနီး ရှိ ရေရှင်ချောင်းသည် CNICO  ကုမ္ပဏီ နီကယ်သတ္ထုတူးဖော်ရေး စီမံကိန်း၏ အင်းနက်တောင်ပေါ်မှ စွန့်ပစ်မြေများအား တောင်အောက် သို့ ထိုးချခဲ့မှုများကြောင့် မိုးတွင်း အခါက တောင်ကျရေဖြင့် မျော ပါလာပြီး ယခုအခါချောင်းမှာ တိမ်ကောသွားခဲ့ကြောင်း သိရ သည်။

အဆိုပါချောင်းသည်လွန်ခဲ့ သော (၄၊၅)နှစ်ခန့်က အနက် (၇) ပေခန့်နှင့် အကျယ် (ရေရှင်တံ တားနှင့် ခန့်မှန်းတိုင်းထွာချက် အရ)ပေ ၇၀ ကျော်ရှိပြီး ရေစီး ရေလာကောင်းမွန်ခဲ့ကြောင်း သိရပါသည်။ မြိုင်သာယာ (ရေ ရှင်)ရပ်ကွက်တွင် လူဦးရေ (၇၀၀) ကျော်ရှိပြီး ရေရှင်ချောင်းအား အမှီသဟဲပြုနေ ခဲ့ကြသော်လည်း၊ ယခုအခါ (၁၀)ပေခန့်အကျယ်နှင့် ခြေကျင်းဝတ်မြုပ်ရုံသာ ရေအနက် ရှိတော့ခြင်း၊ ရေစီးရေလာကောင်း မွန်မှုမရှိတော့ခြင်း၊ သောက်ရေ အဖြစ် အသုံးပြု၍ မရတော့ခြင်း နှင့် သုံးရေအတွက်ပင် အသုံးပြုရ ခက်ခဲလာအောင် နည်းပါးလာခဲ့ ခြင်းများရှိကြောင်း သိရသည်။

၎င်းအပြင် ချိုးရေအတွက်ပင် လက်ယက်တွင်းများ ပြုလုပ်၍ ခက်ခဲစွာဆောင်ရွက်ကြရကြောင်း နှင့် ရံဖန်ရံခါယားယံတတ်ခြင်း များရှိကြောင်းကိုလည်း သိရ သည်။ ယင်းသို့ ရေအခက်အခဲ ရှိမှုများကြောင့် စက်ရေတွင်း တူးဖော်ရန်အတွက် ပထမအကြိမ် အဖြစ် နီကယ်စက်ရုံမှ ငွေငါးသိန်း ကျပ်လှူဒါန်းခဲ့ပြီး ရေ တွင်းတစ် တွင်းတူးဖော်ခဲ့သော်လည်း၊ မအောင် မြင်ခဲ့သဖြင့် မြိုင်သာယာ (ရေရှင်) ရပ်ကွက်နေ ဦးဝင်းဗိုလ်နှင့် အကျိုးတော်ဆောင်အဖွဲ့မှ လှည့်လည်အလှူခံခဲ့ကြရာ ဂရိတ် ဝေါ(လ်)သကြားစက်ရုံမှ ငါးသိန်း ကျပ်လှူဒါန်းခဲ့ပြီး ကျန်စေတနာ ရှင်များ၏ လှူဒါန်းငွေသုံးသိန်း ကျော်ဖြင့် (၄)လက်မ စက်ရေတွင်း တစ်တွင်းအား ဒုတိယအကြိမ်တွင် တူးဖော်အောင်မြင်ခဲ့ပါသည်။

သို့သော်လည်း ရေကန်မရှိ သဖြင့် မိုးကာဖြင့်သာ ကန်ပြုလုပ် ရ၍ ဂရိတ်ဝေါ(လ်)စက်ရုံသို့ ထပ်မံ အကြောင်းကြား အကူ အညီတောင်းခဲ့ရာ စက်ရုံမှူး ဦးထွန်းလွင်နှင့် အုပ်ချုပ်ရေးမှူး ဦးသက်နှံမှ လာရောက်ကြည့်ရှု၍ အလှူငွေခြောက်သိန်းခန့်အား ထပ်မံကူညီလှူဒါန်းခဲ့ပြီး ယင်းငွေ ဖြင့်ပင် ၁၀ပေx၆ပေx၄ပေ အုတ် ရေကန်တစ်ခုကိုပြုလုပ်နိုင်ခဲ့ကြောင်း သိရသည်။

ယခုအခါတွင် ရေတင်ရန် အတွက် လိုအပ်သော မီးစက်နှင့် စက်သုံးဆီကိုရပ်ကွက်နေပြည်သူ များမှသာ ဆောင်ရွက်နေကြရပြီး ရေမှာမူသောက်ရေ၊ သုံးရေသာ ရရှိ၍၊ ချိုးရေမရရှိကြောင်းနှင့် ရေ လုံလောက်စွာရနိုင်ရေးအတွက် စက်ရေတွင်းတစ်တွင်းအား ထပ်မံတူးဖော်နိုင်ရန် အကူအညီ လိုအပ်နေကြောင်းကိုလည်း သိရ သည်။

စက်ရေတွင်း တူးဖော်ရေး အကျိုးတော်ဆောင်ဥက္ကဋ္ဌ  ဦးဝင်းဗိုလ်မှလည်း ““၂၀၁၁-၁၂ ခုနှစ်အတွင်းမှာ ချောင်းရေနဲ့ မျောပါပြီး ကျွန်းမြေတွေ မြေနီ ဖုံးကုန်တာကိုနီကယ်သတ္ထုတူးဖော် ရေးရဲ့ စွန့်ပစ်မြေကြောင့်ဖြစ်တာ ပါလို့ လက်ခံပြီး တစ်ဧကကို ငါးသိန်းနှုန်းနဲ့ စက်ရုံကပေးလျော် ခဲ့ပါတယ်။ ဒါကိုသူတို့လက်ခံရင် ချောင်းတိမ်ကောရတာလည်း ဒီလိုတောင်ဖြိုမှုတွေကြောင့် ဖြစ် ရတာပေါ့။ ဒါကြောင့် လိုအပ်တဲ့ အကူအညီကိုနီကယ်စက်ရုံက လှူဒါန်းပေးဖို့ကော်မတီဖွဲ့ပြီး တောင်းဆိုသွားဖို့အစီအစဉ်ရှိပါ တယ်။ ဒီချောင်းကိုသုံးနေရတာ ကလည်း CNICO က ၀န်ထမ်း တွေ၊ နေ့စားအလုပ်သမားတွေ လည်း ပါနေတာမို့ စက်ရုံအနေနဲ့ ကူညီပေးသင့်ပါတယ်”” ဟု ပြော ကြားသွားခဲ့ပါသည်။
မြလင်းအောင်၊ အောင်ကိုစိုး၊ ထိန်ထိန်လင်း