Monday, November 18, 2013

ရတာမလို လိုတာမရ၊ ရသူမလို လိုသူမရ ဤလောက

အနာထပိဏ် သူဌေးကြီးနှင့် ၀ိသာခါ ကျောင်းအမကြီးတို့သည် တစ်နေ့နှစ်ကြိမ် မိမိတို့ လှူဒါန်းခဲ့သော ကျောင်းတော်ကြီး အသီးသီးသို့ သွားရောက် ဆည်းကပ်ပါတယ်။ သွားသည့် အခါတိုင်း လက်ချည်းမသွား။ သာမဏေတို့ ငါတို့၏လက်ကို ကြည့်ကြကုန်အံ့ဟု တွေး၍ လှူဖွယ်ပစ္စည်းတို့ကို ယူဆောင်သွားသည်။ နံနက်ပိုင်းနှင့် ညနေပိုင်းအချိန် လိုအပ်မည် ထင်သော လှူဖွယ်ပစ္စည်းတို့ကို လေ့လာ၍ ယူဆောင်သွားသည်။ ရဟန်းသာမဏေနှင့် ကျောင်းတော်ကြီး၏ လိုအပ်ချက်ကို လေ့လာပြီး အချိန်ကာလ၊ အခြေအနေနှင့် လိုက်လျောညီထွေ ဖြစ်အောင် လှူဒါန်းသည်။ အကျိုးရှိအောင် လှူဒါန်းသည်။ (ဓမ္မ ပဒမှ)

ဒီနေ့ဒီအချိန် ကာလမျိုးမှာ သူဌေးကြီး သူကြွယ်မကြီးတို့သာ ရှိပါက နံနက်တစ်ခါ၊ ညနေတစ်ခါ ရပ်ကွက်၊ ကျေးရွာ၊ ဘုရား ကျောင်းကန်တို့ကို လှည့်လည်၍ လိုအပ်ချက်များ ဖြည့်ဆည်းပေးလိမ့်မယ်။ ဆင်းရဲပင်ပန်းစွာ ရုန်းကန်လှုပ်ရှားရင်း ဘ၀နေ၀င်ချိန်ကို စောင့်စားနေရသည့် လူများ၏ လိုအင်ဆန္ဒကို ဖြည့်ဆည်းလိမ့်မည် ထင်တယ်။ ခေတ်စနစ်ကလွဲ၊ အတိတ်ကံကမွဲလို့ ထမင်းတစ်လုတ် ချွေးတစ်စက်၊ ခြေတစ်လှမ်း၊ အသက်တစ်ကမ်း ဘ၀မှာရှိနေတဲ့ သူတွေအတွက် ကောင်းလိုက်မည့်ဖြစ်ခြင်း။ ဆန္ဒနဲ့ဘ၀ တစ်ထပ်တည်းကျပြီး ရတာလို လိုတာရတဲ့ လောကကြီးဖြစ်ရင် ပြောဖွယ်ရာ မရှိပေါ့။ ယခုဒီလို မဟုတ်တော့။ ပြောဖွယ်ရာတွေက ထောင်ပုံရာပုံဖြစ်လို့ နေပါတယ်။

မနှစ်က ကထိန်ပွဲတော်မှာ ကျွန်တော်တို့ လမ်းမိသားစုနဲ့ အနှေးယာဉ်လုပ်သား (ဆိုက်ကား) တို့ စုပေါင်းပဒေသာပင် လုပ်ခဲ့တယ်။ ပဒေသာပင်ပို့ဖို့ ကထိန်ခင်းမယ့်ကျောင်းကို ရွေးချယ်ဖို့လိုလာတယ်။ အများဆန္ဒအရ မရှိနွမ်းပါး တကယ်လိုအပ်တဲ့ကျောင်း၊ ပရိယတ္တိ၊ ပဋိပတ္တိကျင့်ကြံ အားထုတ်တဲ့ကျောင်းကို ရွေးချယ်ပေးဖို့ ဆုံးဖြတ်ခဲ့ကြတယ်။ ကြီးကျယ်တာတော့ မဟုတ်ပါဘူး။ ဆင်းရဲသား ချွေးနှဲစာလေးနဲ့ ကြိုးစားပြီး လှူရတာမို့ ပစ္စပ္ပုန်ရော သံသရာပါ အကျိုးများအောင်ဆိုတဲ့ ရည်ရွယ်ချက်ပါ။ တစ်ပဲလောက်လှူပြီး တစ်လှည်းလောက် ပြန်လိုချင်တဲ့ ဆန္ဒလည်း ပါမှာပေါ့။ ကျောင်းရှာ ထွက်တော့ ကျောင်းဝင်းကြီးထဲက ကျောင်းတိုက်လေး တစ်ခုတွေ့တယ်။ ကျောင်းတိုက်က သစ်သားဆောင်။ အိုမင်းဟောင်းနွမ်းနေပြီ။ ဆရာတော်ကို ပဒေသာပင်ပို့ချင်တဲ့ အကျောင်း ကထိန်ခင်းမယ့်နေ့ကို သိလိုကြောင်း၊ လျှောက်တယ်။ ဆရာတော်က သက်တော် ၈၀၊ ၀ါတော် ၆၀ ရှိပြီလို့ မိန့်တယ်။ ဘုန်းကြီးကျောင်းရဲ့ ကျောင်းမှာ ကထိန်မခင်းဖြစ်တာ သုံးနှစ်ရှိပြီ ဖြစ်ကြောင်း။ ဒကာတို့ လုပ်ချင်တဲ့ရက် လာလုပ်ပါလို့ မိန့်ပါတယ်။ သီလ၊ သမာဓိ၊ ပညာနဲ့ ပြည့်စုံပုံရတဲ့ ဆရာတော်ကျောင်းမှာ ကထိန်မခင်းဖြစ်တာ၊ မခင်းနိုင်တာ သုံးနှစ်ရှိပြီဆိုတော့ အံ့သြသွားမိပါတယ်။

ကထိန်ခင်းမယ့် ဆရာတော်ကျောင်းကို ပဒေသာပင်တွေ ပို့ကြတယ်။ ကျောင်းနားရောက်တော့ ကားတွေပိတ်နေလို့ တော်တော်နဲ့ ၀င်မရဘူး။ ဘေးနားက ကျောင်းတိုက်ကြီး တစ်ခုကို ကထိန်ခင်းဖို့ လာကြတဲ့ ကားတွေနဲ့ ပိတ်နေတယ်။ အဲဒီကျောင်းတိုက်ကြီးက သူဌေးတွေ ကိုးကွယ်တာများတယ်။ ဆရာတော်က သက်တော် သိပ်မကြီးသေးပေမယ့် ကံ၊ ဉာဏ်၊ ၀ီရိယကြောင့်လား သီလသမာဓိ ပညာကြောင့်လား ကျွန်တော်တို့ မသိတဲ့ ဂုဏ်အင်္ဂါတွေ ရှိလို့လား မသိ။ ချမ်းသာတဲ့ကျောင်းကြီး ဖြစ်ပါတယ်။ ကျွန်တော်တို့ ပို့ခဲ့တဲ့ ကျောင်းကလည်း သီလသမာဓိ ပညာမှာတော့ ညံ့ဖျင်းပုံ မပေါ်ပါဘူး။ ဆရာတော်ရဲ့ ကံအကြောင်း ဆိုရမလားမသိ။ လာဘ်လာဘကတော့ တော်တော်ချို့ငဲ့တာ တွေ့ရတယ်။ ယိုင်ရွဲ့နေပြီး အပေါက်တွေ ပြည့်နေတဲ့ ကျောင်းအိုကြီးနဲ့ ဘုန်းကြီးအိုကြီးမို့ လာဘ်လာဘကလည်း အိုမင်းမစွမ်း ဖြစ်နေပုံရပါတယ်။ လူအိုတော့ လူမလေး၊ ကျောင်းအိုတော့ သူဌေးမလေးလို့ ဆိုရမလိုပါ။

ဦးအေးချမ်း(အမည်လွှဲ) အသက် ၇၈ နှစ်ရှိပါပြီ။ ဌာနတစ်ခုမှ အငြိမ်းစား ယူထားသူ ဖြစ်ပါတယ်။ သူ့မှာ ဇနီးတစ်ယောက်၊ သားနှစ်ယောက်၊ သမီးတစ်ယောက် ရှိတယ်။ သားနှင့်သမီး တစ်ယောက်က အိမ်ထောင်သည် များဖြစ်၍ သူနှင့်အတူမနေ။ သားအကြီးဆုံးက အတူနေ လူပျိုကြီးဖြစ်တယ်။ ယခင်က ဆိုက်ကားနင်းပြီး သောက်လိုက် နင်းလိုက် လုပ်ရင်း သူ့တစ်ယောက်စာတောင် မပြည့်စုံချင်။ ယခုတော့ ရောဂါရပြီး ဘာမှမလုပ်နိုင်တော့။ ဦးအေးချမ်းဟာ ဇနီးနဲ့ လူမမာသားကို ရေလှည်းတွန်းပြီး လုပ်ကျွေးသည်မှာ ၁၅ နှစ် ကျော်ခဲ့ပါပြီ။ သူ့ရဲ့ ပင်စင်လစာ နှစ်သောင်းရသည် ဆိုပါတယ်။ ပင်စင်ယူပြီးသည်မှ ရေတွန်းရောင်းသည်မှာ ယနေ့ထိ ဖြစ်ပါတယ်။ ဦးအေးချမ်းဟာ နွေမိုးဆောင်း တစ်နှစ်လုံးမနား။ နေမကောင်း၍ မထနိုင်မှ နားပါတယ်။

မနက်မိုးလင်းသည်နှင့် ဦးအေးချမ်း တစ်ယောက် ရေတွန်းရန် ရောက်လာသည်။ လူကပိန်သေးသေး၊ ပင်ပန်းဆင်းရဲသည့် ဒဏ်ကြောင့် အသားအရေက မွဲခြောက်ခြောက်၊ အကြောပြိုင်းပြိုင်း ထနေသည်။ လောကဓံနှင့် အသက်အရွယ်ကြောင့် လမ်းလျှောက်လျှင် ယာဘက်ခြေထောက်က ခပ်ဆွဲဆွဲ ဖြစ်နေသည်။ လက်ဖက်ရည် မသောက်၊ ကွမ်းမစား၊ ဆေးလိပ်မသောက်၊ အရက်မသောက်၊ လောင်းကစားမလုပ်၊ ထမင်းနှင့် ဟင်းသာစားတယ်။ ရေသောက်တယ်။ မနက်စာထမင်း အိမ်ကပါလာလျှင် လမ်းဘေးက အသက်သာဆုံးဆိုင်မှ ထမင်းနှင့်ဟင်း ၀ယ်စားတယ်။ နေပူ၍မနား၊ မိုးရွာလည်းမမှု တစ်နေကုန်တွန်းတယ်။ သူရသည်က ရေတစ်လှမ်း သုံးရာနီးပါး။ ညနေမှောင်မှ အိမ်ပြန်ပါတယ်။

ကံနည်း ဉာဏ်မွဲထောက်ပံ့မှု ကင်းမဲ့သည့် ဦးအေးချမ်း အိမ်အပြန်ခရီးမှာ ခြေထောက်နဲ့မြေကြီး မလွတ်ချင်။ မလှမ်းချင် လှမ်းချင်နှင့် လမ်းဘေးထမင်းဆိုင်က အထုပ်ဆွဲကာ ပြန်တော့တယ်။ မနက်ဖြန် မိုးရွာရွာ နေပူပူ ရင်ဘတ်ဟပြဲ ရှပ်အင်္ကျီလက်တို၊ ပုဆိုးညစ်ညစ် ခပ်တိုတိုဝတ်၍ လာနိုင်ပါဦးမလား တွေးရင်း စိတ်မော နေမိတယ်။ ဦးအေးချမ်း ရေတွန်းရောင်းသည့် ရပ်ကွက်တွင် ဘိုးဘွား ထောက်ပံ့ရေး အဖွဲ့ရှိတယ်။ လစဉ်အလှူငွေ ကောက်ခံ၍ ရပ်ကွက်တွင်းရှိ အသက် ၇၅ နှစ် အထက်ရှိ အဘိုး၊ အဘွားများအား လစဉ်တစ်ဦးလျှင် ကျပ်ငါးသောင်း ထောက်ပံ့တယ်။ မွန်မြတ်ကောင်းမွန်သော အလုပ်ဖြစ်တယ်။ ဦးအေးချမ်းက ၇၈ နှစ် ရှိပေမယ့် ဒီရပ်ကွက်သား မဟုတ်၍ ထောက်ပံ့ငွေမရ။ ဦးအေးချမ်း ရေထည့်သည့် အငြိမ်းစား အရာရှိသည် သားသမီးလည်း အဆင်ပြေ။ ထောက်ပံ့စရာမလို။ သူကိုယ်တိုင်လည်း စီးပွားရေး လုပ်ငန်းတစ်ခု ဦးစီးတည်ထောင်ထား၍ ဘက်စုံပြည့်စုံသူ ဖြစ်တယ်။ ထိုအဘိုးသည်လည်း အသက် ၇၅ နှစ် ရှိပြီဖြစ်၍ ထောက်ပံ့ငွေ ရရှိတယ်။ ထိုအဘိုးသည် သူ့အတွက် ငွေမလို၊ လိုအပ်သည်က အသက်ရှည် ကျန်းမာဖို့သာ လိုအပ်သူဖြစ်တယ်။ ဦးအေးချမ်းကတော့ လိုနေတာငွေ၊ ကျန်တာ သိပ်ဂရုမစိုက်သူ ဖြစ်တယ်။ သူနှင့်စကား ပြောရသည့် အခါများစွာတွင် သေတောင် သေချင်တယ်ဟု ညည်းရှာတယ်။

မနက်စောစော လမ်းလျှောက်ရတဲ့ ရပ်ကွက်တစ်ခု၏ လမ်းထောင့်တွင် အဘွားအို တစ်ယောက် တောင်းထဲမှ ပဲပင်ပေါက်များ ရေဆေးသန့်စင် နေတတ်တယ်။ အေးတဲ့အချိန် ဖြစ်ပေမယ့် အဘွားအိုက အင်္ကျီခပ်ပါးပါး ထပ်ဝတ်ပြီး ရေဆေးနေတယ်။ သူ့ကို ကြည့်ရတာ ငယ်ငယ်တုန်းက သင်ခဲ့ရတဲ့ ခေါင်းသုံးလုံးနဲ့ အဘိုးအိုကို သတိရမိသည်။ တစ်နေ့ ပဲပင်ပေါက်ဝယ်ရင်း မေးကြည့်မိသည်။ အဘွားက ၇၈ နှစ်၊ သားတစ်ယောက်၊ သမီးတစ်ယောက် ရှိတယ်။ ယောက်ျားမရှိတော့။ သားက အလုပ်ရှာရန် ထွက်သွားတာ ကြာပြီ။ သေသလား၊ ရှင်သလားမသိ။ အဆက်အသွယ်မရ။ သမီးက မုဆိုးမ ကျန်းမာရေး သိပ်မကောင်း။ အိမ်မှုကိစ္စတောင် အနိုင်နိုင်။ မြေးမတစ်ယောက်ရှိတယ်။ အဘွားနှင့် ရာသီပေါ်သီးနှံ ရောင်းဝယ် စားသောက်တယ်။ ကျောင်းမနေနိုင်။ အိမ်ငှားနေတယ်။ အကြွေးက ပတ်လည်ဝိုင်း။ ဇရာကလည်း ငြာသံပေး ခြောက်လှန့် ခံနေရသည်တဲ့။ အဘွားအတွက် အရင်းနှီးဆုံး မိတ်ဆွေက ဆင်းရဲခြင်းဖြစ်ပြီး ချမ်းသာခြင်းကတော့ အစိမ်းကားဆုံး ရန်သူပဲလို့ ပြောတယ်။ ဆင်းရဲခြင်းဒုက္ခက အဘွားတို့ကို တော်တော် သံယောဇဉ်ကြီးတယ်။ တွယ်တာတယ်လို့ မျက်ရည်စမ်းစမ်းနဲ့ ပြောရှာတယ်။ ကျွန်တော်က အားမငယ်ပါနဲ့။ ဆင်းရဲမွဲတေမှု တိုက်ဖျက်ရေးတွေ နိုင်ငံတော်က လုပ်နေပါပြီ ဆိုတော့ အဘွားက ပြုံးတယ်။ အဘွားရဲ့အပြုံးက ကမ္ဘာကျော် မိုနာလီဇာ အပြုံးလို အဓိပ္ပာယ် ဖော်ရခက်လှပါတယ်။ အဲဒီအဘွားတို့နေတဲ့ ရပ်ကွက်က ဘိုးဘွား ထောက်ပံ့ရေးအသင်း မရှိလို့ ထောက်ပံ့ငွေ မရဘူးပေါ့။ ဒါကြောင့်လည်း အဘွားက ဆင်းရဲခြင်း ဒုက္ခဆိုတာ အဘွားတို့ရဲ့ အရင်းနှီးဆုံး မိတ်ဆွေလို့ပြောတာ ယုံရတော့ မလိုပါဘဲ။

ဆေးကုနေကျ ရင်းနှီးနေတဲ့ အိမ်တစ်အိမ်ကို ရောက်တုန်း ကြားခဲ့ရတဲ့ စကားကလည်း လောကနဲ့ ဘ၀အကြောင်း ထင်ဟပ်နေပြန်ပါတယ်။ အဒေါ်ကြီး ပြောသည်က ''ဆရာရယ် ခွေးက နေမကောင်း၊ သမီးက ခါးနာလို့ ဆေးခန်းပြနေတာနဲ့ မအားရပါဘူး။ သမီးကြီးလေ မနေ့က ဈေးကအပြန် ကားထဲက ငွေထုပ်ကို နှစ်ယောက်မတာ ခါးနာသွားတယ်။ ဒါတောင် နေ့တိုင်းလိုလို ဘဏ်မှာငွေအပ်တာပါ။ ကြာလာပြီး ငွေကများတော့ ဘဏ်က သိပ်အဆင်မပြေဘူး။ ဒါတောင် ယိုးဒယား (ထိုင်း) ကို လှမ်းအပ်ရသေးတယ်''။ သူတို့တွေရဲ့ အတိတ်ကံနဲ့ ပစ္စုပ္ပန် အလုပ်တွေကြောင့် အကျိုးပေး ကောင်းလှတယ် ဆိုရမှာပါ။ ဒါပေမဲ့ အနိမ့်အမြင့်၊ အဆိုးအကောင်း၊ ချမ်းသာဆင်းရဲရဲ့ ကွာခြားလွန်းတဲ့ ဘ၀တွေဟာ လောကအလှကို အကျည်းတန် အရုပ်ဆိုး စေတာတော့ အမှန်ပါ။

လောကကြီးက လူမှန်နေရာမှန် မထားတတ်သေး။ လူတွေရဲ့ လိုအင်ဆန္ဒကို တည့်မှန်အောင် ဖြည့်မပေး တတ်သေးပါဘူး။ ပြည့်စုံချမ်းသာပြီး ဇနီးမယား၊ သမီးသား၊ မြေးကလေးများနဲ့ အသက်ရှည်ရှည် နေချင်သူတွေ ကျတော့ နေခွင့်မရ။ အချိန်မတန် မပြန်ချင် သေးပေမယ့် သေမင်းက ခေါ်သည်။ ငွေပေးလို့လည်းမရ၊ ငိုကြွေးလို့လည်းမရ၊ ပါဝါနဲ့ လဲမရ၊ တောင်းပန်လို့မရ၊ ယမမင်းက ဇွတ်ဆွဲခေါ်တော့သည်။ ဆင်းရဲပင်ပန်း ရှင်ရမယ့်ဘ၀ကို ကြောက်ရွံ့ငြီးငွေ့ နေသူတွေကျတော့ ပါမစ်ကမကျ။ ဆင်းရဲသား သေရင် ဘာမှမက်လောက်စရာ မပါမှာ သိလို့လား။ ၀ဋ်ကြွေး မကျေသေးလို့ လားမသိ။ အသက်ရှည်ရှည်နေခွင့် ပေးပြန်ပါတယ်။ လူတွေတောင်းနေ၊ လိုချင်နေတဲ့ ဆန္ဒနဲ့ လောကကြီးက ပေးနေတာနဲ့ ထပ်တူမကျ။ ငါတစ်ကောကော လုပ်ချင်သလို လုပ်နေပါတယ်။ လူတွေရဲ့ဆန္ဒကို လျစ်လျူရှုနေတတ်သည်။ သတ္တလောကကြီးမှာ ငါသာလျှင် ကြီးကျယ် မြင့်မြတ်ဆုံးလို့ ကြွေးကြော်တတ်တဲ့ ကျွန်တော်တို့ လူသားတွေဟာ သဘာဝ လောကကြီးနဲ့ တွေ့ရင်တော့ အဆိပ်မရှိတဲ့ မြွေလို ခေါင်းငုံ့ပြီးသာ လည်စင်းခံရပါတော့တယ်။

ရတာမလို လိုတာမရ၊ ရသူမလို၊ လိုသူမရ ဖြစ်နေတဲ့ လူသားတို့၏ အလွဲများ တည့်သွားလျှင် မည်မျှ ကောင်းမည်နည်း။ ဘ၀ဇာတ်ဆရာတို့က လွဲနေသော ဇာတ်ညွှန်းကို အတည့်အမှန် ပြင်ပေးရင် ဖြည့်ပေးရင် လူသားအားလုံးက အထူးကျေးဇူး တင်ကြမယ် ထင်တယ်။ အဲဒီကျရင် လှပကြည်နူးဖွယ် ကောင်းပြီး နိုဘယ်ဆုရ ဇာတ်ညွှန်းကောင်းတစ်ခု ဖြစ်လာမှာ မလွဲပါ။

ရတာလို လိုတာရ၊ ရသူလို လိုသူရတဲ့ လောကကြီး ဖြစ်စေချင်လွန်း လှကြောင်းပါ ခင်ဗျား။
သန်းထိုက် (သာကေတ)
Eleven Media Group