Thursday, November 14, 2013

မနှိုက်ဘဲ မဲပေါက်နေသော ၁၅၀၀ ဆင်းကတ်များအကြောင်း



ကျွန်မတို့ရပ်ကွက်အတွင်း တစ်လ တစ်ကြိမ် မဲနှိုက်ပေးနေသော တန်ဖိုးနည်း ဖုန်းကတ်များ မဲနှိုက်ပြီးဆုံး သည့်အချိန် တိုင်း ရပ်ကွက်အတွင်း မကျေမနပ်ပြော ဆိုနေသောအသံများ၊ ဝေဖန်သံညံနေ သော အကြောင်းအရာများနှင့်အတူ အုပ် ချုပ်ရေးမှူး၏ ပွင့်လင်းမြင်သာမှုမရှိသော လုပ်ရပ်များကို ကျွန်မနေထိုင်သော ၂၈ ရပ်ကွက်၊ မြောက်ဒဂုံမြို့နယ်မှ အိမ်ရှင်မ အများစုနှင့် ရပ်ကွက်တွင်းနေထိုင်သူများ ၏ ရင်တွင်းဆန္ဒများကို ရင်ဖွင့်ရေးသား လိုက်ခြင်းဖြစ်ပါသည်။

ဧပြီလမှစတင်ပြီး နိုင်ငံတော်သမ်္မတ ကြီးမှ လူတန်းစားမရွေးသုံးစွဲနိုင်စေရန် အတွက် ပြည်သူလူထုထံသို့ ၁၅၀၀ ကျပ် တန် တန်ဖိုးနည်း ဖုန်းဆင်းကတ်များကို မဲနှိုက်ရောင်းချပေးခဲ့သည်မှာ ယခု အောက်တိုဘာလ အထိဆိုပါလျှင် ၇ လ တိုင်တိုင်ရှိခဲ့ပါပြီ။

ကျွန်မတို့မိသားစုအတွင်း ကျွန်မမှ လွဲ၍ ဖုန်းများကိုယ်စီရှိကြသည့်အတွက် ၂၀၁၃ ခုနှစ်ဧပြီလမှစတင်၍ ရပ်ကွက် အတွင်းမဲနှိုက်စနစ်ဖြင့် ရောင်းချပေးသည် ကို သိရှိခဲ့ပါသော်လည်း ရပ်ကွက်အတွင်း ဖုန်းလုံးဝ ကိုင်တွယ်မသုံးနိုင်သေးသော ချို့တဲ့မိသားစုများကို ကိုယ်ချင်းစာငဲ့ညှာ စိတ်ထား၍ ၂၀၁၃ ခုနှစ် ဇူလိုင်လမှ စတင်၍သာ လျှောက်ထားခဲ့ပါသည်။ ၎င်းလမှစတင်၍လည်း မဲနှိုက်ခြင်းကို ကိုယ်တိုင်ကိုယ်ကျ တက်ရောက်ပြီးလေ့လာ သုံးသပ်တွေ့မြင်မိသမျှတို့ကို ရင်ဖွင့်ရေး သားခြင်းလည်း ဖြစ်ပါသည်။

ကျွန်မတို့ရပ်ကွက်တွင် တစ်လလျှင် ဖုန်းလျှောက်သူလျှောက်လွှာရှင်ပေါင်း ကိုးရာ၊ တစ်ထောင်ကြားရှိခဲ့ပါ သည်။ တစ် လလျှင် နိုင်ငံတော်မှချပေးသော ဆင်း ကတ် ၄၀ နှုန်းဖြင့်တွက်ရပါလျှင် ၇ လလျှင် ၂၈၀ ကတ်နှုန်းနှင့် ရပ်ကွက်တွင်း နေ ပြည်သူများထံသို့ အနည်းဆုံးလက် ၀ယ်အသုံးပြုနေမည်ဖြစ်ပါသည်။ သို့ပါ သော်လည်း ဖုန်းလျှောက်ထားသူများမှာ ယနေ့ထိတိုင် မလျော့ကြသေးဘဲ လစဉ် တိုင်းအနည်းဆုံး ၉၀၀ ကျော်ဖြင့် မဲနှိုက် နေခဲ့ရပါသည်။ မဲပေါက်ပြီးသော အိမ် ထောင်စုမှ ထပ်မံလျှောက်ခွင့်မရှိဟု အုပ်ချုပ်ရေးမှူးမှ စည်းကမ်းထုတ်ထား သော်လည်း လျှောက်လွှာရှင်အရေအ တွက်မှာ လျှော့ပါးသွားခြင်း မရှိခဲ့ပါ။

မဲနှိုက်သည့်အခါ၌လည်း ရပ်ကွက် ရုံးတွင် မဲနှိုက်သူပေါင်း ရာကျော်ရောက် ရှိနေကြပြီး နေ့လယ် ၁၂ နာရီမှ ညနေ ၆ နာရီကျော်သည်အထိ အချိန်ကြာမြင့် စွာ မိမိနာမည်မရောက်မချင်းစောင့်ဆိုင်း ၍ အချိန်ကုန်ခံကာ မဲနှိုက်ခဲ့ကြရပါ သည်။ ကျွန်မ မတက်ရောက်ဘဲ မဲနှိုက် ခင်ကတည်းက တစ်ခါတစ်ရံ နံနက် ၉ နာရီမှ စတင်ခဲ့သည့်လများလည်း ရှိခဲ့ သည်ဟု သိရသည်။

ရပ်ကွက်တွင်းနေပြည်သူများသည် တချို့လများတွင် မိမိတို့၏အမည်ခေါ်ဆို ခံရမည့် အလှည့်ပင် မရောက်ရှိခဲ့တဲ့ ခွဲတမ်းရရှိထားသည့် ဆင်းကတ်အရေ အတွက်မှာ မဲပေါက်၍ ကုန်ခဲ့ပြိး အချိန် ကုန်ခံရကျိုးမနပ်စွာ အိမ်ပြန်ခဲ့ကြရသော လူအများမှာ ကျွန်မအပါအ၀င် လူပေါင်း မနည်းခဲ့ကြပါ။ ထိုအချိန်တွင် ကျွန်မ၏ အတွေးထဲတွင် လွန်ခဲ့သော နှစ်ပေါင်း ၄၀ ကျော် ၅၀ နီးပါးကာလများစီမှအဖြစ် အပျက်တို့သည် ယခုအဖြစ်တို့နှင့်ထပ်တူ တူညီခဲ့သည်ကို ပြန်လည်၍ အမှတ်ရခဲ့ မိပါသည်။

ကျွန်မငယ်စဉ်ကလေးဘ၀အချိန် ကာလတွင် မိခင်မှစေခိုင်းခဲ့၍ ပြည်သူ့ ဆိုင်တွင် ရေနံဆီထုတ်ယူရန် အတွက် သွားရောက်စောင့်ဆိုင်းနေခဲ့ရခြင်းပင်ဖြစ် ပါသည်။ ပြည်သူ့ဆိုင်မှပေးသော ရေနံဆီ အနည်းငယ်ရ ရှိရန်အတွက် နံနက်ပြည်သူ့ ဆိုင်ဖွင့်သည့်အချိန် ၉ နာရီမှစတင်၍ စာအုပ်ထပ်ပြီး တန်းစီစောင့်ဆိုင်းနေရ သည်မှာ ညနေ ၃ နာရီရောက်သည့် အချိန်ထိ မရရှိသေးဘဲ အိမ်မှကိစ္စများ ပြီးစီး၍ ပြည်သူ့ဆိုင်သို့ လူလဲစောင့်ရန် အတွက် မိခင်က ထပ်မံရောက်ရှိလာခဲ့ရ ပါသည်။

မိမိအလှည့်ပင်မရောက်ခဲ့ရဘဲရေနံဆီ ကုန်သွား၍ ဆိုင်ပိတ်ချိန်မှ အိမ်ကိုပြန် ရောက်ခဲ့ရသည့် မိခင် ကိုမြင်တွေ့ခဲ့ရ သည့်အဖြစ်အပျက်တို့သည် ယခုတဖန် ကျွန်မပြန်လည်ခံစားနေရသောအဖြစ်တို့ နှင့် ထပ်တူကြနေခြင်းကို အံ့သြစွာဖြင့် တွေးနေမိပါသည်။

ဒီမိုကရေစီဟု အရာရာပြောင်းလဲမှု ပေးနေသောခေတ်ကာလကြီးတွင် လွန်ခဲ့ သော နှစ်ပေါင်း ၅၀ နီးပါးစီ မှ ရေနံဆီ တန်းစီ၍ မရရှိဘဲ အိမ်ပြန်လာခဲ့ရသော မိခင်နှင့် ယနေ့ဒီမိုကရေစီဟု အော် ဟစ် နေကြသောခေတ်စီမှ တန်ဖိုးနည်းဖုန်း ကတ်မဲမပေါက်၍ အိမ်ပြန်လာခဲ့ရသော ကျွန်မ၏အဖြစ်တို့နှင့် ထပ်တူကြနေခြင်း မှာ ခေတ်မပြောင်းသေးပါလားဟုစဉ်းစား ရင်း စိတ်မကောင်းဖြစ်ခဲ့ရပါသည်။
ကျွန်မစဉ်းစား၍မရသည်မှာ လစဉ် တိုင်းမဲပေါက်သည့်သူများလည်းရှိနေပါ လျက် လျှောက်လွှာရှင်များမှာ မလျော့ ပါးဘဲ မဲမပေါက်သေး၍ လာရောက် မဲနှိုက်ကြသည့် လျှောက်လွှာရှင်များမှာ လစဉ်တိုင်းမျက်မှန်း တန်းစွာ ရင်းနှီးခဲ့ရ သည်မှာ ၄ လတိုင်ခဲ့ပါသည်။

ဖုန်းကတ်များ စတင်မဲနှိုက်ရသည့် အစောပိုင်းကာလများတွင် နိုင်ငံတော်မှ ချပေးလိုက်သော ရက်နောက်ပိုင်း စနေ၊ တနင်္ဂနွေရက်များတွင်သာ မဲနှိုက်ခဲ့ကြရ ပါသည်။ ထိုသို့ပိတ်ရက်များတွင် မဲနှိုက် ခဲ့ရသည့်အတွက် အိမ်တွင် လူစောင့်ထား ခဲ့နိုင်ပြီး စိတ်လွတ်ကိုယ်လွတ်ဖြင့် မိမိ၏ အမည်မရောက်မ ချင်းစောင့်ဆိုင်းပြီးသွား ရောက်နိုင်ခဲ့ပါသည်။

ယခုနှောင်းပိုင်းလများတွင် ပိတ် ရက်မဟုတ်ဘဲ ကြားရက်များတွင် သွား ရောက်ခဲ့ရသည့်အတွက် အိမ်တွင်းလစ် ဟင်းမှုများရှိနေပါသော်လည်း နိုင်ငံတော် မှ ပြည်သူလူထုအတွက် တန်ဖိုးနည်းပါး စွာနှင့် သုံးစွဲနိုင်စေရန် စေတနာနှင့်ချပေး သော တန်ဖိုးနည်းဖုန်းကို လိုချင်မိသဖြင့် မဖြစ်မနေ ဒုက္ခခံမိနေသ လိုဖြစ်နေခဲ့ရပါ သည်။

ကျွန်မအဓိကထား၍ ရေးပြချင် သည်မှာ မဲနှိုက်သည့်အခါတိုင်းတွင် ရပ် ကွက်ရုံးကျဉ်းကျဉ်းလေးအတွင်း လူပေါင်း ရာချီစောင့်ဆိုင်းပြီး မဲနှိုက်ခဲ့ရပါသည်။ ထိုအထဲတွင် ထူးခြင်းသည်မှာ ရပ်ကွက် ရုံးတွင် အုပ်ချုပ်ရေးမှူးမှ ဦးဆောင်ညွှန် ကြားမှုဖြင့်မလာရောက်နိုင်သည့်လျှောက် လွှာရှင်များအတွက် ကိုယ်စားမဲနှိုက်ပေး နေသော အမျိုးသမီး ၄၊ ၅ ဦးကို တွေ့ နေပါသည်။ မလာရောက်နိုင်သော လူ များအတွက် ကိုယ်စားနှိုက်ပေးနေသော မဲမှန်သမျှသည် အားလုံးပေါက်မဲကြီးသာ ဖြစ်နေပါသည်။ ၎င်းတို့အချင်းချင်း၌ လည်း အချိတ်အဆက်လုပ်ပြီး လက်တို့ နေသော အပြုအမှုများ၊ မျက်ရိပ်ပြနေ သောမျက်လုံးများတို့အားလုံးကို အကင်း ပါးသော လူအပေါင်းတို့မှလည်း သိနေ မြင်နေခဲ့ကြပါသည်။ထိုအပြုအမူအားလုံး တို့သည် ကျွန်မစတင်၍ ကိုယ်တိုင်မဲနှိုက် ရန်တက်ရောက်ခဲ့သော ဇူလိုင်လများ တွင်လည်း မြင်ခဲ့ပြီးဖြစ်ပါသည်။

အချိန်ကုန်ခံ၍လာရောက်နေသော လူအများထဲမှ နှိုက်ခွင့်ရသော မဲများတွင် အလွန်ဆုံးမှ ၁ ဦးစ၊ ၂ ဦးစသာ ပေါက် သွားခဲ့ကြသည်ကို မြင်ခဲ့ရပါသည်။ ဆင်း ကတ် ၄၀ ချပေးလျှင် လာရောက်မဲနှိုက် သည့်လူအများစုထဲမှ အလွန်ဆုံး ၃ ဦး သာ မဲပေါက်ကြပြီး ကျန်ပေါက်မဲများမှာ ကျွန်မတို့မမြင်ရသော မဲနှိုက်ရာသို့ ကိုယ် တိုင်မတက်ရောက်ကြသောလျှောက်လွှာ ရှင်များဖြစ်နေကြပါသည်။ မတက်ရောက် ကြသောလျှောက်လွှာရှင်များအတွက် ကိုယ်စားနှိုက်ပေးသော မဲများမှာလည်း ပေါက်မဲများဖြစ်နေခြင်းမှာ အလွန်တရာ ထူးခြားသောဖြစ်စဉ်များဖြစ်ပါသည်။

ယနေ့ ခုနစ်လတိုင်တိုင် ရောက်ရှိ နေခဲ့ပြီးသော်လည်း မဲပေါက်သည့်လူ အများမှာ မမြင်ရသော မလာရောက်၍ ကိုယ်စားနှိုက်ပေးပြီး မဲပေါက်သွားကြသူ များဖြစ်ကြပြီးရပ်ကွက်ရုံးတွင်လာရောက် မဲနှိုက်ရန် စောင့်ဆိုင်းနေသောသူများမှာ တချို့မဲနှိုက်ခွင့်အမည်ခေါ်မခံရသူများ မပေါက်သေးသောလူ များမှာ မပြောင်း လဲနိုင်ဘဲ ယနေ့ထိတိုင် ဆက်လက်ရှိနေ ဆဲပင်ဖြစ်ပါသည်။ တစ်လနှင့်တစ်လ မရိုးနိုင်သော လုပ်ကွက်များနှင့်အတူ စက်တင်ဘာလ နှင့် အောက်တိုဘာလ ၂ လအတွင်း မဲနှိုက်ရသော ပုံစံမှာ ပေါက်မဲရှိသော ဆင်းကတ်အရေအတွက်ကို ရပ်ကွက်ရုံး တွင် ရောက်ရှိနေသော လူအများကိုပြသ ပြီး မဲနှိုက်ရမည့်ပုံးအတွင်းထည့်ထားပေး ပါသည်။ တစ်ဖက်မှ မဲနှိုက်ရမည့်လျှောက် လွှာရှင် နာမည်များ ရှိသော မဲလိပ်များကို ကျွန်မတို့မသိခဲ့ရပါ။ လွန်ခဲ့သောလများ ဆီမှ ထုံးစံအတိုင်းကိုယ်တိုင်လာရောက် ကြသောသူများမှာမဲမပေါက်ကြဘဲ တချို့ အမည်အခေါ်မခံရမီ ပေါက်မဲကုန်သွား ခြင်း၊ မလာရောက်သည့် လူများအတွက် ကိုယ်စားနှိုက်ပေးပြီး မဲပေါက်သွားကြ သည်များသာ ဖြစ်နေကြပါသည်။

စက်တင်ဘာလနှင့်အောက်တိုဘာ လနှစ်လစလုံးတွင် စည်းကမ်းနှင့်မညီ ညွတ်သော ဖုန်းနှစ်လုံး ကို ပြန်လည်သိမ်း ဆည်း၍ အများပြည်သူကို ထပ်မံမဲနှိုက် စေခဲ့ပါသည်။ အုပ်ချုပ်ရေးမှူး၏ ကြိုးစား အားထုတ်မှုနှင့် လုပ်ဆောင်ချက်ကို အသိ အမှတ်ပြုပေးခဲ့ပေမဲ့လည်း လျှောက်လွှာ ပေါင်း တစ်ထောင်နီးပါး တွင် ဆင်းကတ် ၃၉ ကတ်ကို မဲနှိုက်စဉ်ကတောင် မဲ မပေါက်ခဲ့ဘဲ ဆင်းကတ်နှစ်ကတ်ကို ပြန်လည်နှိုက် ရာတွင် မည်သူက ပြန်ပေါက် နိုင်မည်နည်းဟုသာ စဉ်းစားနိုင်ကြပါ သည်။ လာရောက်၍ မဲပြန်နှိုက်မဲ့သူများ ၏ တညီတညွတ်တည်း ပြောကြားမှုမှာ ကျန်ရှိနေသော လျှောက်လွှာများထဲမှ ပြန်လည်မနှိုက်စေဘဲ မဲနှိုက်ရန်တက် ရောက်လာသောသူများထဲမှသာ ပြန် လည်နှိုက်ပေးရန်ပြောဆိုကြသော်လည်း အုပ်ချုပ်ရေး မှူးမှ လက်မခံခဲ့ဘဲ ၎င်းလုပ် နေကျနည်းလမ်းအတိုင်းသာ ပြန်လည်၍ နှိုက်ပေးခဲ့ပါသည်။

တက်ရောက်လာသူ မည်သူတစ်ဦးတစ်ယောက်မှ မဲမပေါက် ခဲ့ပါ။ ကျွန်မနောက်ဆုံးရေးပြချင်သည်မှာ လစဉ် မဲပေါက်သွားသည့်သူများရှိနေသော် လည်း လျှောက်လွှာရှင်များမလျော့သွားဘဲ အမြဲတမ်း များပြားနေခြင်း၊ လစဉ်တိုင်း ထင်သာမြင်သာမရှိသည့်မဲနှိုက်စည်းကမ်း များထုတ်ပြန်နေခြင်း၊ လာရောက် မဲနှိုက် သည့်သူများထဲမှသာ မဲပေါက်ခြင်းမဟုတ် ဘဲ ၎င်းတို့ရပ်ကွက်ရုံးမှ ကိုယ်စားနှိုက်ပေး နေသော မမြင်မတွေ့ရ မသိရသော သူ များသာ မဲပေါက်နေခြင်းများဖြစ်ကြပါ သည်။ ကျွန်မသိရသလောက် ဖုန်း ကတ် မဲပေါက်ကြသော လူများမှာ ကိုယ်တိုင် သာ သုံးစွဲကြသူများဖြစ်ပါသည်။ ထိုသူ များမှာ လက် ဆယ်ချောင်းပင် မပြည့်ခဲ့ ပါ။ မပြေလည်၍သော်လည်းကောင်း မသုံးစွဲနိုင်ခဲ့လျှင်သော် လည်းကောင်း ပြန် ရောင်းခဲ့ပါလျှင်လည်း နီးစပ်ရာ အချင်း ချင်းသာ ပြန်လည်ရောင်းခဲ့ကြပါသည်။ ယခု ဖုန်းဆိုင်ကြီးများ၌ ၁၅၀၀ ကျပ်တန် ဆင်းကတ်များကို ဈေးအမျိုးမျိုးခေါ်၍ ရောင်းချနေကြခြင်းမှာ အစုလိုက်အပြုံ လိုက်ပြန်လည်ရောင်းချနေသောသူများ ရှိနေ၍သာ ရောင်းဝယ်နေကြခြင်းဖြစ်ပါသည်။

ထိုအဖြစ်ပျက်များကို ကြည့်ခြင်း အားဖြင့် ရွှေသမင်ဘယ်ကထွက် မင်းကြီး တာကထွက်ဆိုသလို ဖုန်းဆိုင်ကြီးများမှ ဖုန်းကတ်များ ဘယ်ကရောက်၊ အများ ဆုံးလက်ဝယ်ရှိသူများထံမှသာရောက်ဆို သလို ပြေးကြည့်စရာမလို တွေးကြည့်ရုံ နှင့်ပင်သိနိုင်ပါသည်။ ကျွန်မတို့အိမ်ရှင်မများအနေနှင့်လည်း မိမိခင်ပွန်း၊ သားသမီးများကို ဦးစားပေးနေရသဖြင့် တန်ဖိုးတည်းဖုန်းရ မှ သုံးစွဲခွင့်ရမှာဖြစ်သည့်အတွက် မိသားစု အရေး၊ သားသမီးများအရေး၊ အိမ်မှုကိစ္စ များနှင့် မအားလပ်သည့်ကြားမှ သွား ရောက်မဲနှိုက် အချိန်ကုန်ခံနေပေမဲ့လည်း ယနေ့ထိတိုင် မရခဲ့သေးပါ။ ကျွန်မတစ်ဦး တည်းပင်မဟုတ်ဘဲ ကျွန်မလို သာမန် လူတန်းစားအိမ်ရှင်မများ၊အခြေခံလူတန်း စားအများစုမှာ ယနေ့ထိတိုင် မဲပေါက်မှ ကိုင်နိုင်သော တန်ဖိုးနည်းဖုန်းကို မဲ မပေါက်သေးသော လူများမှာ ရပ်ကွက် အတွင်းအများကြီးရှိနေပါသေးသည်။

ရပ်ကွက်အတွင်းအများပြည်သူ ကျေနပ်အောင် ပွင့်လင်းမြင်သာမှုရှိ အောင် လုပ်ပေးနိုင်သော နည်းလမ်းများ အများကြီးရှိပါသည်။ ပြည်သူအများက တင်မြှောက်ထားသော အုပ်ချုပ်ရေးမှူး သည် ရပ်ကွက်အတွင်းနေ ပြည်သူများ၏ ကောင်းကျိုးကို လိုလားပါလျှင် ပြည်သူ တို့၏အသံများ၊ ဆန္ဒများကို ဂရုစိုက်ရန် လိုအပ်ပါသည်။ အုပ်ချုပ်ရေးမှူးဆိုသည် မှာ ရပ်ကွက်တွင်းနေပြည်သူများအဆင် မပြေမှုများကို အဆင်ပြေအောင် ညှိနှိုင်း အဖြေရှာပြီး ဖြည့်ဆည်းပေးရသော ၀န်ဆောင်မှုကိုလုပ်ပေးရသော လူအဖြစ် မြင်နိုင်ရပါမည်။ ပြည်သူလူထု၏ ရပိုင်ခွင့် များထဲမှ မိမိကိုယ်ကျိုးအတွက် စီးပွားရှာ ရန်မဟုတ် ပါ။ ပြည်သူအများရပိုင်ခွင့်ထဲ မှ ဖုန်းကတ်တစ်ကတ်ကိုဖြစ်စေ မသမာမှု ပြုလုပ်ခဲ့လျှင် နိုင်ငံတော်မှ ယနေ့ ထုတ် ပြန်ထားသော အဂတိလိုက်စားမှုဆိုသော ပြစ်မှုမြောက်ပါသည်။ ကျွန်မတို့ ၂၈ ရပ်ကွက်၊ မြောက်ဒဂုံ အတွင်းနေထိုင်နေ ကြသော အိမ်ရှင်မများသည် ဈေးသွား စဉ် တွေ့ဆုံရာတွင်လည်းကောင်း၊ အိမ် အနီးပတ်ဝန်းကျင်တွင် တွေ့ဆုံစဉ်တွင် လည်းကောင်း ဖုန်းကတ်မဲနှိုက်တိုင်း မကျေနပ်ကြသော မြင် ကွင်းများ မသမာ မှုများကို ပြောဆိုရင်း ရင်ဖွင့်ဖြစ်ခဲ့ကြပါသည်။

ထို့ကြောင့် မဲမပေါက်နိုင်သေးသော အိမ်ရှင်မများနှင့် တခြားသော မဲမပေါက် သေး၍ မကျေမနပ်ဖြစ်နေ ကြသော ရပ်ကွက်နေပြည်သူအများကိုယ်စားရင်ဖွင့် ပြောကြားရင်း တောင်းဆိုင်လိုသည်မှာ လစဉ်မဲပေါက် သွားကြသော လူများ၏ အမည်၊ မှတ်ပုံတင်အမှတ်၊ နေရပ်လိပ်စာတို့ကို ရပ်ကွက်ရုံးတွင် ကြေညာ ထားပေး စေချင်ပါသည်။ လစဉ်တိုင်းအုပ်ချုပ်ရေး မှူးကိုယ်တိုင်ရေးဆွဲထားသော နည်းလမ်း များအစား ရပ်ကွက်တွင်းနေပြည်သူများ ထံမှ တင်ပြပေးသော နည်းလမ်းများ၊ ပွင့်လင်းမြင်သာမှုရှိစေရန် ရိုးသားစွာ လုပ်ဆောင်ပေးပါရန် အများပြည်သူသိ ရှိနိုင်စေရန် ရည်ရွယ်၍ ရင်ဖွင့်ရေးသား လိုက်ခြင်းဖြစ်ပါသည်။
ထိုမှသာ ရပ်ကွက်တွင်းအခြေခံ အုတ်မြစ်အဖြစ် အဂတိတရားကင်းစင်မှ မြို့နယ်ကင်းစင်စေပါမည်။

ထိုမှအဆင့် ဆင့်ဖြစ်သော ခေတ်မီဖွံ့ဖြိုးတိုးတက်လာ သော ဒီမိုကရေစီနိုင်ငံတော်သစ်စီသို့ မကြာခင် အရောက်လှမ်းနိုင်မည်ဟု ယုံ ကြည်ပါသောကြောင့် ရပ်ကွက်အချို့ အချို့တို့တွင် မိမိကိုယ်ကျိုး ကို ရှေ့တန်း တင်၍ မသမာမှုများကို ပြုလုပ်နေကြ သော အုပ်ချုပ်ရေးမှူးများကို လိုအပ် သလို စစ်ဆေးဆောင်ရွက်မှုများနှင့်တကွ အရေးယူတားမြစ်ပေးပါရန် တောင်းဆို လိုက်ရခြင်းဖြစ်ပါသည်။ လွမ်းရောင်သန်း  
Hot News Journal